हे़क्केलॽरिक्के निङ्वाॽफुमाङ्ङिल्ले़ अब्राहाम्मिन् नु कुमुॽइदाङ्साहाॽ माङ्हे़क्हाॽ पिरुसिरो॥ हे़क्क्याङ् साम्योसाप्लाःल्ले़ “कुमुॽइदाङ्साहाॽ” फाॽइङ्ग यरिक् मनाहाॽ मेःन्, कर “कुमुॽइदाङ्साःन्” लॽरिक् पाःत्तुआङ् पत्॥ खे़न् फाॽइङ्ग लत्छा मनाःल्ले़न् मिक्सेन् पोङ्, खे़ङ्ग ख्रिस्तरो॥
तोलिङ्सोमु 12:7 - लिम्बु7 यहवे दाङ्बे़न् अब्राम्मिन्नु थाःम्सिङ्, हे़क्क्याङ् खे़न् मे़त्तु, “आङ्गाॽ खे़ने़ॽ के़स्सा के़म्मे़न्छाॽहाॽ कन् लाजेन् पिरुङ्सिङ्ॽ॥” खे़ल्ले़चोगुल्ले़ खुने़ॽनु के़धाःम्सिङ्बा यहवे दाङ्बाल्ले़ कुलागि खुने़ॽ खे़प्मो लत्छा ले़त्ति तोःम्मादे़न् थिक् चोगु॥ Gade chapit la |
तोलिङ्सोमु 12:7
55 Referans Kwoze
खे़प्मोलाम् खुने़ॽ थासिङ्ङाङ् बेथेललाम् नाम्गे़न् पिसाङ्बा कोःक्माहाॽओ चत्छिङ्बे, हे़क्क्याङ् बेथेलले़न् नाम्धा पिसाङ् नु ऐ ये़क्यक्किन् नाम्गे़न् पिसाङ् तक्मे़त्तुआङ् कुसाःङ्गा हिम्मिन् खिङ्सु॥ खुने़ॽ यहवे दाङ्बाल्ले़ कुलागि याम्मो ले़त्ति तोःम्मादे़न् थिक् चोगुआङ् यहवे दाङ्बाल्ले़ कुमिङ्ङो पेलि फाक्तु॥
कन् काक् नसाःन्साबाहाॽरे़ग निङ्वाॽफुमाङ्ङिल्ले़ खे़ङ्हाॽनु चोगुबा माङ्हे़क् मे़ङ्घोए मे़स्ये़, कर खे़ङ्हाॽरे़ग माःङ्घालाम् खे़न् मे़निसुआङ् निङ्वाॽफुमाङ्ङिल्ले़ कुमाङ्हे़क्किन् लाङ्मे़दाःक्तुरो॥ हे़क्क्याङ् खे़ङ्हाॽग कन् इक्सादिङ् खाम्बेःक्मो वेॽ लाजेॽबा नु ताक्के़गम्बा वयिगे़रे़त्छ लॽरिक् ते़न्दिङ् मे़जोगुरो॥
हे़क्क्याङ् यहवे दाङ्बा खिनिॽ निङ्वाॽफुमाङ्ङिन् मिःम्जि मे़त्ते़म्मे़ॽर, खुने़ॽ कुइङ्जाङ्हाॽ इःत्ते़म् नाःत्ते़म्मे़ॽ खे़ब्याङ् खुने़ॽओ खिम्मासिम्मिन्ने़ॽआङ् हिङे़म्मे़ॽआङ् वये़म्मे़ॽ॥ थेआङ्भे़ल्ले़ यहवे दाङ्बे़न्ने खिनिॽ हिङ्मारो, हे़क्क्याङ् खिनिॽ थाःक्थे़बा अब्राहाम, इसहाक खम्भ्याङ् याकुबे़न्नु खुने़ॽ पिनिङ् मे़त्तुसिआङ् माङ्हे़क्सिङ्बा लाजेॽओ खुने़ॽ खिनिॽ थाःक् के़जाॽबा के़जोगिरो॥
ओमे़त्ते़म्मे़ॽ, आङ्गाॽ खिनिॽ पिनिङ्ल पत्ताबा के़रे़क् इङ्जाङ्हाॽ सिङ्सिङ् ये़क्ये़क्काङ् इःत्ते़म् नाःत्ते़म्मे़ॽ, हे़क्केलॽरिक् खिनिॽ कुहिङ्वे़त् वाॽमा के़सुक्तिर हे़क्क्याङ् यरिक् पोःम्मा थे़ॽमा के़सुक्तिर, हे़क्क्याङ् यहवे दाङ्बे़ल्ले़ खिनिॽ पाधे़बाहाॽ माङ्हे़क्तुसिआङ् माङ्हुप् चोगुबा लाजेन् खिनिॽ पेःक्माआङ् युक् चोःक्मा के़सुक्तुम्लरो॥”
आङ्गाॽ आम्बारे़ कुहिम् नु आमनाहाॽरे़ खुन्छिॽ लाजेॽलाम् के़भे़प्पा साङ्ग्राम्पेदाङ् नु इक्सादिङ् खाम्बेःक्मोबा यहवे दाङ्बा निङ्वाॽफुमाङ्ङिन् माङ्हे़क्सिङ्ङाङ् आङ्गाॽनु कम्भलॽरिक् माङ्हुप् चोगुआङ् वाॽ, ‘आङ्गाॽ खे़ने़ॽ के़मुॽइदाङ्साहाॽए कन् लाजेन् पिरुङ्सिङ्॥’ आङ्गाॽ आस्साःल्ले़ कुलागि लत्छा मेःत्थिक् खे़प्मोलाम् फे़प्मा के़सुक्तुर फाॽआङ् खुने़ॽ कुमाङ्ला इङ्बाधिक् खे़ने़ॽ के़दगि पाङ्घुरो॥
अब्राहाम, इसहाक नु याकुब आदाङ्बारे़ के़से़वारोबाहाॽ निङ्वाॽ इःत्ते़से़ॽओ, खे़ङ्हाॽनु आदाङ्बारे़ आबाङे के़मिङ्ङो माङ्हुप् के़जोगु हे़क्क्याङ् आदाङ्बारे़ अक्खे के़बाःत्तुआङ् वये़, ‘आङ्गाॽ खिनिॽ मुॽइदाङ्साहाॽ ताङ्साङ्बोबा खेःम्सिक्पाहाॽ कुइसिक् यरिक् चोगुङ्सिङ्ॽ॥ आङ्गाॽ माङ्हुप् चोगुङ्बा कन् के़रे़क् लाजेन् खिनिॽ थिन्दाङ् सायोबोराहाॽ पिरुङ्सिङ्ॽ, हे़क्क्याङ् खे़ङ्हाॽ आभे़ल्ले़ आभे़ल्ले़ थारिक्साङ् खे़न् लाजेःल्ले़ लागि लक्के़घोबा मे़बोङ्ॽ॥’”
खिनिॽ साम्योबा याःम्बक् इग्र कुदोःप्मा के़जोगिबाल्ले़ चोगुल्ले़ खे़ङ्हाॽरे़ खुनिॽ लाजेन् युक् चोःक्मारे़ खिनिॽ लाःप्मा के़इःत्तिबा मेःन्॥ कर कन् मे़न्छाम् सुवाहाॽरे़ खुनिॽ फे़न्याःम्बक्किल्ले़ चोगुल्ले़ खिनिॽ थाःक्थे़बा अब्राहाम, इसहाक हे़क्क्याङ् याकुबे़न्नु चोगुबा माङ्हे़क्किन् के़प्मारे़ लागि यहवे दाङ्बा खिनिॽ निङ्वाॽफुमाङ्ङिल्ले़ कन्हाॽ खिनिॽ तगिलाम् लःत्तुदेसुसिॽ॥
खे़ब्याङ् यहवे दाङ्बे़ल्ले़ मोसान् मे़त्तु, “कन् लाजेन् आङ्गाॽ अब्राहाम, इसहाक हे़क्क्याङ् याकुबे़न्नु अक्खेलॽरिक् माङ्हुप् चोगुङ्ङाङ् वये़, ‘आङ्गाॽ खिनिॽ मुॽइदाङ्साहाॽ कन् पिरुङ्सिङ्ॽ॥’ आङ्गाॽ कन् लाजेन् हाबा के़मिक्किल्ले़ ओगे़मे़त्तुर याःन्ने़, कर खे़ने़ॽ खे़प्मो पेःक्मा के़ङ्घोने़न्॥”
खे़ब्याङ् मोसाःल्ले़ यहवे दाङ्बे़ल्ले़ के़रे़क् कुइङ्जाङ्हाॽ साप्तु॥ कुदाःन्दिक्मा तानाम्सा खुने़ॽ कोमाल्ले़ कुबुङ्ओ लत्छा ले़त्ति तोःम्मादे़न् चोगु हे़क्क्याङ् खे़प्मो इस्राइलबा के़रे़क् थाःक्हाॽरे़ खुन्छिॽ मिङ्ङो लत्छा लत्छा थिबोङ्ङाङ् ने़त्छि लुङ्हाॽ फुक्खुआङ् सित्लाङ् लेःत्तु॥
खे़ब्याङ् निङ्वाॽफुमाङ्ङिल्ले़ कुमनाहाॽ मोसाःल्ले़ पिरुसिबा साम्योथिम् इङ्जाङ्ङो साप्ते़आङ् के़बप्पा इङ्जाङ् कुइसिक् खे़ङ्हाॽरे़ खे़प्मो खुन्छिॽ ले़त्तिहाॽ तोःम्मारे़ लागि योसादाके़ल्ले़ कुस्सा येसुआन्, खुने़ॽ कुन्देङ् कुन्जुम् निङ्वाॽफुसाम्बाहाॽ, सालतिएलरे़ कुस्सा यरुबाबेल नु खुने़ॽ कुगाॽइहाॽरे़ इस्राइलबा निङ्वाॽफुमाङ्ङो ले़त्ति तोःम्मादे़न् मे़जोगु॥
Piblisite