तोलिङ्‌सोमु 12:16 - लिम्‍बु

¹⁶ साराइल्‍ले़ चोगुल्‍ले़ हाङ्‌ङिल्‍ले़ अब्राम्‍मिन् नुरिक् मे़त्तु, हे़क्‍क्‍याङ् खुने़ॽ मे़ल्‍लुक्‍हाॽनु, पित्‍हाॽ, कुम्‍बाबा नु कुम्‍मामा अदङ्‌हाॽ, से़वारोबा से़वारोमाहाॽ हे़क्‍क्‍याङ् उमेहाॽ पिरु॥

तोलिङ्‌सोमु 12:16 Referans Kwoze

तोलिङ्‌सोमु 20:14

खे़ब्‍याङ् अबिमेलेक्‍किल्‍ले़ मे़ल्‍लुक्, पित्‍हाॽ, से़वारोबा से़वारोमाहाॽ तारुसिआङ् अब्राहाम्‍मिन् पिरु, हे़क्‍क्‍याङ् कुमेत् सारान् नुःक्‍तुबिरु॥

तोलिङ्‌सोमु 13:2

यरिक् हिम्‍थक्‍सा नु साम्‍म्‍याङ् युप्‍पा कत्तुबाल्‍ले़ चोगुल्‍ले़ अब्राम्‍मिन् चाॽरिक् याङ्‌साकुन्‍धेसाबा पोःक्‍खे़आङ् वये़॥

अयुब 42:12

यहवे दाङ्‌बे़ल्‍ले़ अयुबे़न् एगाङ्‌समा कुहिङ्‌मा ये़म्‍मो तगिबा ये़म्‍मिन्‍नुःल्‍ले़आङ् यरिक् मुॽइसाम् पिरु॥ अयुबे़न् १४,००० मे़ल्‍लुक्, ६,००० उमे, १,००० कुगाप् पित् हे़क्‍क्‍याङ् १,००० अदङ् थक्‍साहाॽरे़ कुन्‍दाङ्‌बा पोःक्‍खे़॥

अयुब 1:3

खुने़ॽ ७,००० मे़ल्‍लुक् नु ३,००० उमे, १,००० पित्, ५०० अदङ्‌हाॽ कत्तुसि॥ खुने़ॽ यरिक् से़वारोबा से़वारोमाहाॽ कत्तुसि॥ तॽइ नाङ्‌गे़न् पिसाङ्‌बा मनाहाॽओ खुने़ॽ के़रे़क्‍नुःल्‍ले़ यम्‍बा नु याङ्‌साकुन्‍धेसाबा वये़॥

तोलिङ्‌सोमु 32:5

आङ्‌गाॽ पित्‍हाॽ, अदङ्‌हाॽ, मे़ल्‍लुक् मे़ःन्‍दाहाॽ हे़क्‍क्‍याङ् से़वारोबाहाॽ नु से़वारोमाहाॽ कत्तुङ्‌सिङ्‌ॽ॥ आल्‍ल आङ्‌गाॽ आन्‍दाङ्‌बाल्‍ले़ कुसिराॽ थाङ्‌ङाबि फाॽआङ् कन् इङ्‌घङ्‌ङिन् हाङुङ्‌बारो॥’”

तोलिङ्‌सोमु 26:14

खुने़ॽ आत्तातान्‍ने यरिक् मे़ःन्‍दाॽ मे़ल्‍लुक्‍हाॽ हे़क्‍क्‍याङ् पित्‍हाॽ हे़क्‍क्‍याङ् से़वारोबा से़वारोमाहाॽ कत्तुसि॥ हे़क्‍केःल्‍ले़ पलिस्‍तिहाॽरे़ खुने़ॽ नामे़हे़त्तु॥

तोलिङ्‌सोमु 24:35

यहवे दाङ्‌बाल्‍ले़ आङ्‌गाॽ आन्‍दाङ्‌बे़न् यरिक् मुॽइसाम् पिरुआङ् खुने़ॽ याङ्‌साकुन्‍धेसाबा यम्‍बा मना पोःक्‍खे़आङ् वाॽ॥ यहवे दाङ्‌बाल्‍ले़ खुने़ॽ मे़ल्‍लुक् नु मे़ःन्‍दालुप्‍हाॽ, हे़क्‍क्‍याङ् पित्‍हाॽ, साम्‍म्‍याङ् युप्‍पा, से़वारोबा से़वारोमाहाॽ, उमेहाॽ हे़क्‍क्‍याङ् अदङ्‌हाॽ पिरुआङ् वाॽरो॥

लुका 12:45

कर आत्तिन् से़वारोबाल्‍ले़ खुने़ॽ कुनिङ्‌वाॽबो इङ्‌गाॽ आन्‍दाङ्‌बान् हारा मे़दाने़न् लॽरिक् इतुर च थुङुॽ, हे़क्‍क्‍याङ् मसिङ्‌ङाङ् वेॽ से़वारोबा नु से़वारोमाहाॽ हिप्‍तुसिॽ लःप्‍सुसिॽर वाॽइल्‍ले़

तोलिङ्‌सोमु 13:6

खुन्‍छिॽ ने़प्‍जाङ् सोसोरिक् युङ्‌मारे़ लागि लाजेःल्‍ले़ मे़दे़क्‍तुन्‍छिन्, थेआङ्‌भे़ल्‍ले़ खुन्‍छिॽ मे़ल्‍लुक् मे़ःन्‍दाक्‍हाॽ नु पित्‍हाॽ चाॽरिक् यल्‍लिक् मे़वये़, हे़क्‍केःल्‍ले़ खे़ङ्‌हाॽ सोरिक् वाॽमा मे़न्‍छुक्‍मना पोःक्‍खे़छि॥

तोलिङ्‌सोमु 16:1

अब्राम्‍मिल्‍ले़ कुमेत् साराइलाम् कुस्‍सा मे़म्‍बोङ्‌ङे वये़॥ कर हागार मिङ् के़वाःप्‍मा मिस्रि कुसे़वारोमा थिक् वये़॥

तोलिङ्‌सोमु 30:43

अक्‍खेलॽरिक् याकुबे़न् आत्तातान्‍ने याङ्‌साकुन्‍धेसाबा पोःक्‍खे़॥ खुने़ॽ यरिक् मे़ःन्‍दाक्, मे़ल्‍लुक् लुप्‍हाॽ, से़वारोबा, से़वारोमाहाॽ हे़क्‍क्‍याङ् उमेहाॽ नु अदङ्‌हाॽ कत्तुसिरो॥