तोलिङ्‌सोमु 11:9 - लिम्‍बु

⁹ खे़ल्‍ले़चोगुल्‍ले़ खे़न् ते़न्‍निन् बाबेल मे़मे़त्तु, थेआङ्‌भे़ल्‍ले़ यहवे दाङ्‌बाल्‍ले़ खे़प्‍मोए इक्‍सादिङ् खाम्‍बेःक्‍मोबा के़रे़क् मे़न्‍छाम् याप्‍मिहाॽरे़ खुन्‍छिॽ पाःन्‍हाॽ फोःत्तु पिरुसिआङ् वये़॥ हे़क्‍केलॽरिक् यहवे दाङ्‌बाल्‍ले़ खे़ङ्‌हाॽ के़रे़क् इक्‍सादिङ् खाम्‍बेःक्‍मो से़सुदेसुसिरो॥

तोलिङ्‌सोमु 11:9 Referans Kwoze

तोलिङ्‌सोमु 10:10

कुहेःक्‍सिङ्‌मो खुने़ॽ कुहाङ्‌जुम्‍मिन् बेबिलोन, एरेक, अक्‍कद, हे़क्‍क्‍याङ् कल्‍ने वये़, खे़न् हाङ्‌जुम्‍हाॽ सिनार लाजेॽओ ने़रो॥

तोलिङ्‌सोमु 10:20

हामे़ल्‍ले़ कुस्‍साहाॽ, खे़ङ्‌हाॽरे़ खुन्‍छिॽ थाःक् नु खुन्‍छिॽ पाःन्‍दाङ् इसिःक्, हे़क्‍क्‍याङ् खे़ङ्‌हाॽरे़ खुन्‍छिॽ लाजेॽ नु खुन्‍छिॽ सुवाङ्‌हाॽ हाबा कन्‍छिरो॥

तोलिङ्‌सोमु 10:5

कन्‍हाॽलाम्‍बाए वरःङ्‌ङिल्‍ले़ कुयाओ के़युङ्‌बाहाॽ, खे़ङ्‌हाॽरे़ खुन्‍छि लाजेओ, खे़ङ्‌हाॽरे़ खुन्‍छि आबाङे पाःन्‍दाङ् नु सुवाङ् इसिःक् मे़बोःन्‍दे़रो॥

सेःक्‌युक्‍मिबाहाॽ 17:26

खुने़ॽए थिक् मे़न्‍छाम् याप्‍मिलाम् काक् मे़न्‍छाम् सुवाङ्‌हाॽ चोगुसिआङ् इक्‍सादिङ् खाम्‍बेःक्‍मो सिदाक् युङ्‌मा पाङ्‌घुसिबारो॥ खुने़ॽए खे़ङ्‌हाॽ आत्तो युङ्‌मा पोङ् आप्‍फाल्‍ले़ युङ्‌मा पोङ् फाॽआङ् तगिसा निङ्‌सेक् चोगुआङ् वये़॥

१ कोरन्‍थि 14:23

खे़ल्‍ले़चोगुल्‍ले़ सेसेहुप्‍लक्‍को के़जुप्‍सिल्‍ले़ के़रे़क् वेॽ पाःन्‍दाङ्‌ङो के़बारिने़ फाॽग्र खे़प्‍मो पान् कुसिङ् मे़न्‍निःप्‍मनाबाहाॽ इग्र नसान् मे़न्‍जोःक्‍मनाबाहाॽ मे़दाःल्‍ले़ थेआङ् कुसिङ् मे़निःत्तुन्‍नाङ् खिनिॽ के़रे़क् के़नाक्‍खि के़बेगिॽ लॽरिक् मे़म्‍बाःत्तुन्‍बि?

तोलिङ्‌सोमु 10:25

एबेरे़ल्‍ले़ ने़प्‍फु सा कत्तुसि॥ लत्‍छाःल्‍ले़ कुमिङ् पेलेग वये़, थेआङ्‌भे़ल्‍ले़ खे़ल्‍ले़ कुये़म्‍मो इक्‍सादिङ् खाम्‍बेःक्‍मे़न् कुलक् कुलक् मे़हासुआङ् ने़स्‍से़॥ खुने़ॽ कुन्‍साॽरे़ कुमिङ् योक्‍तान वये़॥

निङ्‌वाॽफु साम्‍लोसुम् 55:9

यहवे दाङ्‌बाए, फे़न्‌याःम्‍बक् के़जोःक्‍पाहाॽरे़ चोःक्‍मा मे़गोःत्तुबा याःम्‍बक्‍हाॽ फे़त्‍लाःन्‍दे़ पिरे़से़ॽओ॥ हे़क्‍क्‍याङ् खे़ङ्‌हाॽरे़ खुनिॽ पाःन्‍दाङ्‌हाॽआङ् फोःत्ते़ पिरे़से़ॽओ॥ थेआङ्‌भे़ल्‍ले़ ये़क्‌यक्‍को खे़माॽ नु से़त्‍छिङ्‌मा पोःक्‍खे़बा निसुङ्‌लो॥