तोलिङ्‌सोमु 11:2 - लिम्‍बु

² मे़न्‍छाम् याप्‍मिहाॽ नाम्‍गे़न् पिसाङ् मे़जत्‍छिङ्‌ल मे़बेःल्‍ले़ सिनार लाजेॽओ लत्‍छा ते़म्‍बेॽधिक् मे़घोसुआङ् हाबा खे़प्‍मो मे़युङ्‌सिङ्॥

तोलिङ्‌सोमु 11:2 Referans Kwoze

तोलिङ्‌सोमु 10:10

कुहेःक्‍सिङ्‌मो खुने़ॽ कुहाङ्‌जुम्‍मिन् बेबिलोन, एरेक, अक्‍कद, हे़क्‍क्‍याङ् कल्‍ने वये़, खे़न् हाङ्‌जुम्‍हाॽ सिनार लाजेॽओ ने़रो॥

दानिए़ल 1:2

हे़क्‍क्‍याङ् निङ्‌वाॽफुमाङ्‌ङिल्‍ले़ कुहिम्‍मोबा कुभा खप्‍प्‍या सामाहाॽनु सोसोरिक् यहुदाबा यहोयाकिम हाङ्‌ङिन् नबुकदनेसरे़न् दाङ्‌बे़ल्‍ले़ हुक्‍सुप्‍तु॥ खुने़ॽ खे़न् खप्‍प्‍या सामाहाॽ बेबिलोनबा लाजेॽओ के़युङ्‌बा कुमाङ्‌हिम्‍मो तेॽरुआङ् माङ्‌हिम्‍मोबा थाःङ्‌ङो युक्‍खु॥

तोलिङ्‌सोमु 14:1

अम्रापेले़न् सिनारबा हाङ् वये़बा ये़म्‍मो, एल्‍लासारबा हाङ् आर्योके़न्, एलामबा हाङ् कदोरलाओमेरे़न् हे़क्‍क्‍याङ् गोयिम्‍बा हाङ् तिदाले़न् थिक्‍हुप् मे़बोःक्‍खे़॥

जकरिया 5:11

खे़ल्‍ले़ आङ्‌गाॽ नुगप् पिराङ्, “खे़ल्‍ले़ कुलागि लत्‍छा माङ्‌हिम् चोःक्‍से़ बेबिलोन लाजेॽओ तेॽसुर पत्‍छि॥ आल्‍ल खे़न् माङ्‌हिम्‍मिन् चोःक्‍मा चुःत्ताङ् खे़न् साप्‍पोन् हाबा खे़ल्‍ले़ कुयुक्‍नाओए युङ्‌लो॥”

यसैया 11:11

खे़न् ये़न्‍निन् ताआङ् दाङ्‌बे़ल्‍ले़ याम्‍मो थिक्‍ले़ङ् खुने़ॽ कुमुक्‍साम्‍मिन् ओःन्‍धाक्‍तुसि हे़क्‍क्‍याङ् अस्‍सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्‍क्‍याङ् के़रे़क् माःङ्‌घा माःङ्‌घाबा वरःङ्‌ङिल्‍ले़ कुयाओ के़ने़बा वागप्‍खाम् लाजेॽहाॽओलाम् खुने़ॽ कुमनाहाॽ याम्‍मो इस्राइल लाजेॽओ नुःक्‍तुॽ तारुसिरो॥

तोलिङ्‌सोमु 13:11

खे़ल्‍ले़चोगुल्‍ले़ लुते़ल्‍ले़ यर्दनबा काक् ते़म्‍बेःन् सेगुआङ् नाम्‍गे़त् पिसाङ् थासिङ्॥ अक्‍खेलॽरिक् खे़न् ने़त्‍छि मनाहाॽ से़न्‍दे़छि॥

तोलिङ्‌सोमु 11:9

खे़ल्‍ले़चोगुल्‍ले़ खे़न् ते़न्‍निन् बाबेल मे़मे़त्तु, थेआङ्‌भे़ल्‍ले़ यहवे दाङ्‌बाल्‍ले़ खे़प्‍मोए इक्‍सादिङ् खाम्‍बेःक्‍मोबा के़रे़क् मे़न्‍छाम् याप्‍मिहाॽरे़ खुन्‍छिॽ पाःन्‍हाॽ फोःत्तु पिरुसिआङ् वये़॥ हे़क्‍केलॽरिक् यहवे दाङ्‌बाल्‍ले़ खे़ङ्‌हाॽ के़रे़क् इक्‍सादिङ् खाम्‍बेःक्‍मो से़सुदेसुसिरो॥

तोलिङ्‌सोमु 11:1

खे़न् ये़म्‍मो के़रे़क् इक्‍सादिङ् खाम्‍बेःक्‍मो लत्‍छारक् पाःन्‍दाङ् वये़ हे़क्‍क्‍याङ् लत्‍छा परिक्‍ले़न् पाःन्‍छेःक्‌वा वये़॥