तोलिङ्सोमु 1:1 - लिम्बु1 कुहेःक्सिङ्मो तागे़रा निङ्वाॽफुमाङ्ङिल्ले़ तरःङ्गे़न् ताङ्साङ् नु इक्सादिङ् खाम्बेःक्मान् नावागे़न् चइःत् चोगु॥ Gade chapit la |
तोलिङ्सोमु 1:1
67 Referans Kwoze
थेआङ्भे़ल्ले़ यहवे दाङ्बे़ल्ले़ साङ्ग्राम्पेदाङ्ङिन् चोगुरो, खुने़ॽए निङ्वाॽफुमाङ्लो! खुने़ॽ इक्सादिङ् खाम्बेःक्मान् नावागे़न् चइःत् ने़स्सुआङ् चोगुरो, खुने़ॽ खे़न् सदादिङ् के़बप्पा नु आभे़ल्ले़साङ् के़वाॽबा चोगुरो॥ खुने़ॽ इक्सादिङ् खाम्बेःक्मान् मुरे़क् खारे़क्पा थेआङ् के़होप्पा मेःन्लो कर मे़न्छाम् याप्मिरे़ युङ्मा वाॽमादे़न् चोगुरो॥ खुने़ॽ आबाङेए अक्के पाःत्तुरो— “यहवे दाङ्बा आङ्गाॽएरो वेॽ हाःत्ताङ् निङ्वाॽफुमाङ् होप्लो॥
“खे़ने़ॽग आनिगे दाङ्बा नु निङ्वाॽफुमाङ्ने़ॽरो॥ खे़ने़ॽग मिमिदिङ् नु मिङ्सो इङ्धाङ् हे़क्क्याङ् मुक्साम्रे़न् नारा फोसुम्बे़बा आनिगे सेवागे़न् साम्लोन् ताःक्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग काक् पाःन्हाॽ नावागे़न् चइःत् के़जोगु, हे़क्क्याङ् सिक्कुम्दिङ् के़निङ्वाॽलाम् खे़ङ्हाॽ मे़बोःक्खे़, हे़क्क्याङ् हिङ्मन् के़बिरुसिआङ् वाॽरो॥”
निङ्वाॽफुमाङ् यहवे दाङ्बे़ल्ले़ अक्खे पाःत्तुरो— ताङ्साङ्बे़न् के़जोःक्पाआङ् खे़न् के़घिङ्बे़न्, हे़क्क्याङ् इक्सादिङ् खाम्बेक् नु खे़प्मोलाम् के़लःम्बा के़रे़क् मे़बोःन्ल मे़धे़ॽर के़याःम्बा, खे़ब्याङ् खे़प्मो के़वाॽबा मनाहाॽ साःङ्गु सक्मा के़बिबा खे़म्ब्याङ् खे़ॽयो लाङ्गे़घेःक्पाहाॽ याम्साम् के़बिबा—
थेआङ्भे़ल्ले़ तुक्सि ये़न्नो यहवे दाङ्बे़ल्ले़ ताङ्साङ्बा, इक्सादिङ् खाम्बेःक्मा, वरःङ् नु खे़प्मो के़याक्पा के़रे़क् पाःन्हाॽ चोगु, कर नुसिगेक्पा ये़न्नो खुने़ॽ नाःम्सिङ्॥ खे़ल्ले़चोगुल्ले़ यहवे दाङ्बे़ल्ले़ नाःम्सिङ्मा ये़न्निन् हाङ्वागे़न् मुॽइसाम् पिरु, हे़क्क्याङ् खे़न् सेसे चोगु॥
हे़क्क्याङ् इस्राइलिहाॽरे़ अक्खेलॽरिक् पेलिगे़न् तुवा मे़जोगुरो— “निङ्वाॽफुमाङ्ङे, खे़ने़ॽरक् यहवे दाङ्बा के़वाॽरो, खे़ने़ॽ खेसे-खेःम्सिक्पाहाॽ, ताङ्साक्पा नु साङ्ग्राम्पेदाङ्ङिन् के़जोगुरो॥ खे़ने़ॽ इक्सादिङ् खाम्बेःक्मान्, वरःङ्हाॽ नु खे़प्मो के़याक्पा के़रे़क् के़जोगुसिरो, खे़ङ्हाॽ के़रे़क् खे़ने़ॽ हिङ्मन् के़बिरुसिरो॥ साङ्ग्राम्पेदाङ्बा मुक्साम्हाॽ अःक्खुम् मे़बत्ताङ् खे़ने़ॽ से़वा के़म्मे़त्लो॥
खे़ल्ले़ यम्बा इक्लाओ अक्खे पाःत्तु, “निङ्वाॽफुमाङ्ङिन्नु किसे़म्मे़ॽआङ् मिमिदिङ् पिरे़म्मे़ॽओ, थेआङ्भे़ल्ले़ खुने़ॽ कुघासे़न् चोःक्मा ये़म्मिन् त्ये़आङ् वाॽरो॥ तरःङ्दिङ् ताङ्साक्पे़न्, इक्सादिङ् खाम्बेःक्मान्, वरःङ् नु च्वाःत्तिल्ले़ कुबुन्हाॽरे़न् नावागे़न् चइःत् के़ने़बान् से़वा चोगे़म्मे़ॽओ॥”
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
कर आनिॽलागिग थिक्लक् निङ्वाॽफुमाङ् वाॽरो॥ खुने़ॽग पानुदिङ् पा निङ्वाॽफुमाङ्लो हे़क्क्याङ् खुने़ॽलाम्बाए काक् पाःन्हाॽरे़न् नावागे़न् चइःत् पोःक्खे़आङ् खुने़ॽ कुलागिए आनिॽ आहिङ्लो॥ हे़क्क्याङ् थिक्लक् दाङ्बा वाॽरो, खुने़ॽग ये़सु ख्रिस्तरो॥ खुने़ॽलाम्बाए काक् पाःन्हाॽरे़न् नावागे़न् चइःत् पोःक्खे़ हे़क्क्याङ् खुने़ॽलाम्बाए आनिॽ आहिङ्लो॥
थे खे़ने़ॽ निङ्वाॽ मे़ङ्घोए के़वाॽबि? थे खे़ने़ॽ मे़ङ्घे़म्मे के़वाॽबि? यहवे दाङ्बे़ङ्ग आभे़ल्ले़साङ् सदादिङ् के़वाॽबा निङ्वाॽफुमाङ्लो, इक्सादिङ् खाम्बेःक्मे़ल्ले़ कुनुप्मो थारिक् नावागे़न् चइःत् के़ने़बारो॥ खुने़ॽ मे़नाने़न्नाङ् कुसक्माआङ् मे़बुॽने़ल्लो, हे़क्क्याङ् हाःत्ले़आङ् खुने़ॽ कुसिक्कुम् निङ्वान् कुसिङ् निःप्मा मे़सुक्तुल्लो॥
आङ्गाॽ आबाःन्जाःक्किन् खे़ने़ॽ के़म्ब्राओ केःत्तुङ् पिने़आङ् वाॽरो आङ्गाॽ आहुक् साम्मिःक्खुङ्बाल्ले़ खे़ने़ॽ थेःक्ने़आङ् वाॽरो— आङ्गाॽ ताङ्साङ्बे़न् आबाङे कुबप्मादे़न्नो फत्छुङ्ङाङ् पत्लो, हे़क्क्याङ् इक्सादिङ् खाम्बेःक्मे़ल्ले़ कुबुङ् यक्खुङ्ङाङ् युङ्लो, खे़ब्याङ् सियोन ये़क्यक्किन् ‘आमनाने़’ मे़त्तुङ्ङाङ् वाॽरो॥”
“मुक्साम्दाङ्बा यहवे दाङ्बाए, इस्राइलबा निङ्वाॽफुमाङ्ङे, कुलाप् के़बप्पा माङ्लाइङ्बा करुबहाॽरे़ कुलुम्मो हाङ्युक् के़जोःक्पाआङ् के़युङ्बाए, इक्सादिङ् खाम्बेःक्मोबा के़रे़क् खाम्घु लाजेॽहाॽओ निङ्वाॽफुमाङ्ग खे़ने़ॽरक् के़वाॽरो॥ साङ्ग्राम्पेदाङ् नु इक्सादिङ् खाम्बेःक्मान् खे़ने़ॽए नावागे़न् चइःत् के़जोगुबारो॥
खे़निॽ मिक्किन् थाःङ् फोःक्खाम्मे़ॽआङ् ताङ्साङ्बे़न् ओमे़त्ते़म्मे़ॽओ, कङ्हाॽ के़रे़क् हाःत्ले़ चोगुबाबे? थे खुने़ॽए मेःम्बि, खुने़ॽ खेःम्सिक्पाल्ले़ कुबन्ज्याङ्माहाॽ थिक्थिक् चोगु तारुसिरो हे़क्क्याङ् के़रे़क् थिक्थिक् लॽरिक् मिङ् लोःक्तुसिआङ् उःत्तुसिरो॥ खुने़ॽ पयम् यम्बा कुमुक्साम् नु मुक्साम्साबा कुमुक्किल्ले़ चोगुल्ले़ खे़ङ्हाॽओ लत्छाआङ् मे़म्माने़ल्लो॥
खिनिॽ नावागे़न् चइःत् के़जोःक्पा ताङ्साङ्बे़न् के़जोःक्पाआङ् खे़न् के़घिङ्बा नु इक्सादिङ् खाम्बेःक्मे़ल्ले़ कुबुङ् के़युङ्बा, यहवे दाङ्बे़न् खिनिॽ निङ्वाॽ के़भेःत्छुम्बि? खिनिॽ मे़ङ्मा के़इःप्पाहाॽ नु खिनिॽ तुक्खे के़जाःप्पाहाॽरे़ खुन्छिॽ सिक्पोःक्माल्ले़ चोगुल्ले़ चक्मे़ल्लॽए खिनिॽ के़गिसिआङ् के़वयिबाबि? खे़ङ्हाॽरे़ खुन्छिॽ सिक्पोःक्माल्ले़ खिनिॽ सुमा के़न्छुक्तिन्लो॥
हे़क्क्याङ् हिजकियाःल्ले़ यहवे दाङ्बाओ कन् पेलिन् तोःन्दु—“करुबहाॽरे़ खुन्छिॽ लुम्मो हाङ्युक्नाओ के़युङ्बा यहवे दाङ्बाए, इस्राइलबा निङ्वाॽफुमाङ्ङे, इक्सादिङ् खाम्बेःक्मोबा काक् हाङ्जुम्हाॽओ आदाङ्बारक् निङ्वाॽफुमाङ् के़वाॽ॥ साङ्ग्राम्पेदाङ् नु इक्सादिङ् खाम्बेःक्मान् खे़ने़ॽए नावागे़न् चइःत् के़जोगुबारो॥
Piblisite