आमिःम् फुॽनुसाॽ नु ने़ॽनुसाॽसे, कुभारे़ मे़बाःत्तुबा कुइसिक् इङ्गाॽ आल्लसाङ् हर्दो हे़क्माए पोङ् लॽरिक् इङ्भन् चोगुङ्ङिल्ले़ थेआङ् मनाहाॽरे़ इङ्गाॽ तुक्खे मे़जाःत्ताबाबे? इङ्गाॽ ख्रिस्तरे़ सिलाम्साक्मा सिङ्सम्दाङ् चोगुबा कुयाःम्बक्कोलाम् से़न्लप् खोदे़त्लो लॽरिक् इङ्भन् मे़जोगुङ्ङिन्ने़ फाॽग्र आत्तिल्ले़आङ् कुसिक् मे़घे़ङे़न्बामे़न्॥
गलाति 6:12 - लिम्बु12 खे़न् हर्दो हे़क्मा के़बाङ्बाहाॽरे़ वेॽहाॽरे़ नुबा मे़निसिगे़र फाॽआङ् हे़क्के मे़जोगुबारो॥ ख्रिस्तरे़ कुसिलाम्साक्मा सिङ्ङिन् इङ्भोमाल्ले़ के़दाबा तुक्खेन् मे़गिरुबाल्ले़ चोगुल्ले़ खे़ङ्हाॽरे़ खिनिॽ हर्दो हे़क्मा के़म्बाङ्घिबारो॥ Gade chapit la |
गलाति 6:12
22 Referans Kwoze
ये़सुरे़ खे़ङ्हाॽ मे़त्तुसि, “खिनिॽग सदादिङ् लाःक्कात्लक् नुबा थाःम्सिङ्मा निङ्वाॽ के़जोगुम्, कर निङ्वाॽफुमाङ्ङिल्ले़ खिनिॽ सिक्लुङ्मोबा पाःन्निन् निसुॽरो॥ आत्तिन् पाःन्निन् मे़न्छाम्गे़न् याप्मिरे़ खुनिॽ निमाओ यम्लाबा चोक्, खे़न् निङ्वाॽफुमाङ्ङिल्ले़ कुनिमाओ सिक्के़ले़ःङ्बा चोक्लो॥
हे़क्केःल्ले़ खे़ङ्हाॽ सुनाइङ्ङिल्ले़न् से़क्खाबा पाःन्नो मे़म्बत्छे़म्बा निसुङ्सिङ्ङाङ् खे़ङ्हाॽरे़ खुनिॽ तगिए पत्रुसे़न् अक्खे मे़त्तुङ्ल फे़ःक्तुङ्, “खे़ने़ॽग यहुदिने़साङ् यहुदि हे़क्के के़न्वाॽने़न्, कर थिम्मे़न्दङ् सुवाङ् कुइसिक् के़वाॽ॥ हे़क्केःल्ले़ खे़ने़ॽ इःप्मा नाःप्मा के़ले़रु के़देसुबा यहुदि साम्योथिम्मिन् आक्खेलॽरिक् थिम्मे़न्दङ् सुवाङ्हाॽ इःप्मा नाःप्मा पोङ् लॽरिक् के़मे़त्तुसिबाबे?”
“हे़क्क्याङ् खिनिॽ चाने़त् के़युङ्ङिल्ले़ निङ्वाॽ के़जिःप्पाहाॽ कुइसिक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोसुर फाॽआङ् खुनिॽ नारान् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोसु मे़सुरुआङ् मे़वाॽरो॥
हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निसुआङ् खुनिॽ नारा मे़भोसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोसु मे़सुरुआङ् मे़वाॽ॥
“हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽथाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोसु मे़सुरुआङ् मे़वाॽरो॥
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग चुनि खाम्मिल्ले़ ले़ङ्मनाबा इःप्पुङ् कुइसिक् के़जोगिॽरो, थेआङ्भे़ल्ले़ खे़न् ओमे़प्माल्ले़ लाःक्कात्लाम् नुबा थाःप्साङ् सिगाङ्ग के़सिबा मनाःल्ले़ कुये़प् नु के़जिःम्बा पाःन्निल्ले़ कुधिम् चोक्लो॥
Piblisite