गलाति 5:16 - लिम्‍बु

¹⁶ खे़ल्‍ले़चोगुल्‍ले़ इङ्‌गाॽ अक्‍खे मे़त्‍निङ्, सेसेमाङ्‌ङिल्‍ले़ लाम्‍गे़लोसिबा कुइसिक् वये़म्‍मे़ॽओ, हे़क्‍केःल्‍ले़ खिनिॽ लायोबा निङ्‌वाॽइल्‍ले़ निङ्‌वाॽ चोगुबा पाःन्‍निन् के़न्‍जोगुम्‍मिन्‍लो॥

गलाति 5:16 Referans Kwoze

गलाति 6:8

आत्तिन् मनाःल्‍ले़ लायोबा कुनिङ्‌वाॽइन् कुनिङ्‌वाॽ तामाओरक् तेसुॽ, खे़ल्‍ले़ लायोबा कुनिङ्‌वाॽलाम् सिमे़न् सुप्‍सुॽरो॥ कर आत्तिन् मनाःल्‍ले़ सेसेमाङ्‌ङिल्‍ले़ कुनिङ्‌वाॽ तामाओ तेसुॽ, खे़ल्‍ले़ग सेसेमाङ्‌लाम् मे़न्‍नुप्‍मनाबा हिङ्‌मन्‍निन् सुप्‍सुॽरो॥

१ पत्रुस 2:11

आमिःम् फुॽनुसाॽ नु ने़ॽनुसाॽसे, खिनिॽग कप्‍मो वे़प्‍मिबा नु माःङ्‌घा लाजेॽबा कुइसिक् के़वयिबाल्‍ले़ चोगुल्‍ले़ लायोबा फे़न् निङ्‌वाॽलाम् लाःत्‍लाःत् वये़म्‍मे़ॽ फाॽआङ् पेलि फाक्‍निङ्‌लो॥ खे़न् लायोबा फे़न् निङ्‌वाॽइङ्‌ग खिनिॽ याम्‍साम्‍मिल्‍ले़ कुदक्‍ले़ङ्‌वाओ पोःक्‍लो॥

२ कोरन्‍थि 7:1

आमिःम् आन्‍जुम्‍से, आनिॽग कन् माङ्‌हे़क्‍हाॽ आघोसुम्‍माङ् आवाॽबाल्‍ले़ चोगुल्‍ले़ आनिॽ नासिङ्‌गे़न् थक् नु याम्‍साम् के़जिःम्‍बा पाःन्‍हाॽलाम् सेसे चोःक्‍कासिरो॥ हे़क्‍क्‍याङ् निङ्‌वाॽफुमाङ्‌ङिल्‍ले़ मिङ्‌सो इङ्‌धाङ् खोसुर फाॽआङ् आनिॽ सेसे पोःक्‍खिर पिगिरो॥

रोमि 6:12

खे़ल्‍ले़चोगुल्‍ले़ लायोल्‍ले़ खिनिॽ नासिङ्‌गे़न् थक्‍किन् युक्‍मा मे़बाङ्‌घे़म्‍मिन्‍ने़ॽओ, मेःन्‍ने फाॽग्र फे़न्‍निङ्‌वाॽइल्‍ले़ कुबाःन्‍निन् ते़न्‍दिङ् के़जोगुम्‍लो॥

एफिसि 2:3

खे़ङ्‌हाॽरे़ खुनिॽ लुम्‍मो उन्‍छोन् आनिॽआङ् याम् नु निङ्‌वाॽइल्‍ले़ चोःक्‍मा कोःत्तुबा लायोबा लाम्‍मो आवये़॥ खे़ङ्‌हाॽ हे़क्‍के आनिॽआङ् निङ्‌वाॽफुमाङ्‌ङिल्‍ले़ कुघासे़न्‍नो के़धाबा आबोःक्‍खे़आङ् आवये़रो॥

१ पत्रुस 1:14

निङ्‌वाॽफुमाङ्‌ङिल्‍ले़ इङ्‌जाङ् के़इःप्‍पा के़नाःप्‍पा कुस्‍सा के़बोःक्‍खिबाल्‍ले़ चोगुल्‍ले़ तगि मे़न्‍निए मे़ल्‍ले़ए के़वयिल्‍ले़ के़जोगुम्‍बा फे़न् याःम्‍बक् चोःक्‍मा निङ्‌वाॽओ याम्‍मो मे़बत्‍छे़म्‍मिन्‍ने़ॽओ॥

१ पत्रुस 4:6

बा खे़ल्‍ले़चोगुल्‍ले़ए आल्‍लो के़सिबाहाॽआङ् मे़न्‍छाम् याप्‍मि हे़क्‍के नासिङ्‌गे़न् थक्‍को खे़ङ्‌हाॽरे़ खुनिॽ खासे़न् पोङ्‌लो, कर याम्‍साम्‍मो निङ्‌वाॽफुमाङ् कुइसिक् मे़हिङ्‌ल फाॽआङ् सुनाइङ्‌ङिन् इङ्‌भोसे़आङ् वाॽरो॥

१ पत्रुस 1:22

आल्‍ल से़क्‍खा पाःन्‍निन् खे़म्‍मा के़दे़न्‍दिआङ् आबाङे सुत्‍थो के़जोःक्‍कासिआङ् के़वयिबाल्‍ले़ चोगुल्‍ले़ फुॽनुसाॽ नु ने़ॽनुसाॽहाॽ नुरिक् लुङ्‌माॽ के़दुक्‍तुम्‍सिम्, हे़क्‍केःल्‍ले़ सिक्‍लुङ्‌मोलाम्‍मे साॽरिक् लुङ्‌माॽ तुक्‍ते़म्‍सिम्‍मे़ॽओ॥

कलस्‍सि 2:11

हर्दो हे़क्‍माल्‍ले़ नासिङ्‌गे़न् थक्‍लाम् ने़क्‍सा से़म्‍बेःक्‍पा कुइसिक् ख्रिस्‍तरे़ कुहर्दो हे़क्‍माल्‍ले़ खिनिॽ लायो चोःक्‍मा निङ्‌वाॽइन् से़न्‍दुदेॽरुआङ् वाॽरो॥ कङ्‌ग मे़न्‍छाम् हुक्‍कोलाम् पोःक्‍खे़बा मेःन्, कर ख्रिस्‍तलाम् पोःक्‍खे़बारो॥

गलाति 3:17

कप्‍मो इङ्‌गाॽ थे पाःप्‍मा निङ्‌वाॽ चोगुङ्‌बा फाॽले़ निङ्‌वाॽफुमाङ्‌ङिल्‍ले़ अब्राहाम्‍मिन् माङ्‌हुप् चोगुबान् कुगिप् लिसिआङ् सुम्‍बोङ् (४३०) तङ्‌बे एगाङ् निङ्‌वाॽफुमाङ्‌ङिल्‍ले़ मोसान् साम्‌योथिम् पिरुल्‍ले़ खे़न् माङ्‌हुप्‍पिन् मे़घक्‍तुन्‍लो, मेःन्‍ने फाॽग्र निङ्‌वाॽफुमाङ्‌ङिल्‍ले़ खे़न् चोगुबा माङ्‌हे़क्‍किन् खक्‍तुमे़न्॥

रोमि 8:1

खे़ल्‍ले़चोगुल्‍ले़ आल्‍ल ख्रिस्‍त ये़सुन् नु थिक्‍हुप् के़वाॽबाहाॽ निङ्‌वाॽफुमाङ्‌ङिल्‍ले़ आप्‍तिक् मे़गुःत्तुन्‍छिन्,

१ कोरन्‍थि 7:29

आमिःम् फुॽनुसाॽ नु ने़ॽनुसाॽसे, इङ्‌गाॽ थे पाःप्‍मा कोःत्तुङ्‌बा फाॽले़, दाङ्‌बान् हारा युःर पत्‍लो॥ आल्‍लआङ्‌धो मेःत् के़वाॽबाहाॽ मेःत् मेःन्‍ने के़वाॽबाहाॽ कुइसिक् वाॽमा पोङ्‌लो,

तोलिङ्‌सोमु 6:3

खे़ब्‍याङ् यहवे दाङ्‌बाल्‍ले़ पाःत्तु, “मे़न्‍छाम् याप्‍मिहाॽनु आयाम्‍साम्‍मिन् सदादिङ् मे़वाॽने़न्, थेआङ्‌भे़ल्‍ले़ खे़न् नासिगे़न् थक्‍लारक्‍लो॥ खे़न् किप् थिक्‍काङ् निबोङ् तङ्‌बे थारिक् हिङ्‌लो॥”