गलाति 4:19 - लिम्‍बु

¹⁹ आमिःम् आस्‍सासे, ख्रिस्‍ते़न् कुइसिःक्‍के खिनिॽ मे़म्‍बोङ्‌ङे थारिक् इङ्‌गाॽग आल्‍लो याम्‍मो सावाःम्‍मा तुङ्‌ङिल्‍ले़ तरुमा मे़न्‍छुमाॽ कुइसिक् पोःक्‍खाङ्‌ङाङ् वाॽआरो॥

गलाति 4:19 Referans Kwoze

रोमि 8:29

निङ्‌वाॽफुमाङ्‌ङिल्‍ले़ कुमनाहाॽ उन्‍छेःन्‍छा कुसिङ् निःत्तुसिआङ् आबुगे़न् कुस्‍सान् कुइसिःक्‍के पोङ्‌से़ सेगुसिरो॥ हे़क्‍केलॽरिक्‍के यरिक् फुॽनुसाॽ नु ने़ॽनुसाॽहाॽओ खुने़ॽ तुम्‍बा पोःक्‍खे़रो॥

एफिसि 4:13

हे़क्‍केलॽरिक् आनिॽ के़रे़क् नसाःन्‍नो नु निङ्‌वाॽफुसाःल्‍ले़ कुने़हिनिङ्‌वाॽओ थिक्‍हुप् आबोङ्, हे़क्‍क्‍याङ् दाङ्‌बाओ के़रे़क् खासिङ् के़निःप्‍पा आबोङ्‌ङाङ् ख्रिस्‍तओ कुलिङ्‌दो आगे़त्‍लो॥

रोमि 13:14

खे़ल्‍ले़ कुले़क्‌वा नुबा चाङ् चाङ्‌मनाबा कुइसिक् दाङ्‌बा ये़सु ख्रिस्‍तरे़ कुसुत्‍नाःन् चाक्‍खे़म्‍मे़ॽओ॥ हे़क्‍क्‍याङ् लायोबा सुत्‍नाःल्‍ले़ कुनिङ्‌वाॽ पाःप्‍पाःत् चोःक्‍मा निङ्‌वाॽ मे़बिरे़म्‍मिन्‍ने़ॽओ॥

एफिसि 4:24

हे़क्‍क्‍याङ् निङ्‌वाॽफुमाङ् कुइसिक् से़क्‍खा, साम्‌योबा नु सेसे चोगे़बा कुसङ् ये़प्‍ले़क्‍किन् कुसङ् चाङ् कुइसिक् चाक्‍खे़म्‍मे़ॽओ॥

कलस्‍सि 4:12

खिनिॽनुएबा थिक्‍पा ख्रिस्‍त ये़सुरे़ कुसे़वारोबा इपाफ्रासरे़ खिनिॽ से़वा के़हाक्‍तिरो॥ खुने़ॽग खिनिॽ लागि निङ्‌वाॽफुमाङ्‌ङिल्‍ले़ के़धुम्‍बा नु कुलिङ्‌दो के़गे़प्‍पा हे़क्‍क्‍याङ् काक् निङ्‌वाॽफु निङ्‌वाॽओ ताःक्‍पोगे़म्‍बा के़जोगिर फाॽआङ् सदादिङ् साॽरिक् तुवा चोगुॽरो॥

कलस्‍सि 3:10

हे़क्‍क्‍याङ् खिनिॽग कुसङ् सुत्‍नाःन् तेत् हे़क्‍के के़जाक्‍खुम्‍माङ् के़वयिॽरो॥ खिनिॽग नावागे़न् चइःत्‍दाङ्‌बा निङ्‌वाॽफुमाङ्‌ङिन् कुसिङ् के़निःत्तुम्‍माङ् खुने़ॽ कुइःत् हे़क्‍के के़बोःक्‍खिर के़बत्‍छिरो॥

फिलिप्‍पि 2:5

ख्रिस्‍त ये़सुरे़ निङ्‌वाॽ इःत्तुबा हे़क्‍के खिनिॽआङ् निङ्‌वाॽ इःत्ते़म्‍मे़ॽओ॥

याकुब 1:18

खुने़ॽ चोगुबा नावागे़न् चइःत्तो काक्‍नु तगि के़दुम्‍बा निङ्‌वाॽफुमाङ्‌ङो तोःम्‍मनाबा चासोक् कुइसिक् आबोङ्‌ल फाॽआङ् आबाङे कुनिङ्‌वाॽइल्‍ले़ से़क्‍खाबा कुबाःन्‍जाक्‍लाम् कुस्‍सा आजोगे़आङ् वाॽ॥

फिलेमोन 1:10

ओने़सिमसे़न् लुङ्‌माॽ तुक्‍ते़ॽओ फाॽआङ् इङ्‌गाॽ खे़ने़ॽ पेलि फाक्‍ने़ॽरो॥ खुने़ॽग पुङ्‌लाहिम्‍मो यागाङ्‌ङिल्‍ले़ए ख्रिस्‍तओबा नसाःन्‍नो तारुङ्‌बाल्‍ले़ चोगुल्‍ले़ आस्‍सा कुइसिक् पोःक्‍खे़आङ् वाॽरो॥

कलस्‍सि 1:27

निङ्‌वाॽफुमाङ्‌ङिल्‍ले़ कुमनाहाॽ कुमिमिदिङ्‌गे़न् इमे़ल्‍लुङ्‌बा सिबिॽ पाःन्‍निन् थिम्‍मे़न्‍दङ् सुवाङ्‌हाॽ ओसेःन्‍दाङ् चोःक्‍मा खुने़ॽ कुसिराॽ थाङे़आङ् वाॽरो॥ ख्रिस्‍ते़न् खिनिॽओ वाॽबान्‍ने सिबिॽ पाःन्‍लो, खे़ल्‍ले़चोगुल्‍ले़ के़दाबा कुमिमिदिङ्‌गे़न् लक्‍किन् खिनिॽ के़घोसुम्‍लो॥

कलस्‍सि 2:1

खिनिॽ नु लाओदिकिया पाङ्‌जुम्‍बा सेसेहुप्‍लक् हे़क्‍क्‍याङ् वेॽ याप्‍मि मे़न्‍दुम्‍मे के़वाॽबा के़रे़क् फुॽनुसाॽहाॽरे़ लागि स्‍याङ्‌मे़न्‍दाङ् याःम्‍बक् चोगुङ्‌ङाङ् वाॽआ के़लॽबान् कुसिङ् निःत्ते़म्‍मे़ॽ फाॽआङ् निङ्‌वाॽ चोगुङ्‌लो॥

फिलिप्‍पि 2:17

दाङ्‌बाओबा खिनिॽ नसाःन्‍निन् नु सेसे माङ्‌सेवाःङ्‌ग के़दोःन्‍दुम्‍बा सिदुङ्‌जभा कुइसिक् चोक्‍लो॥ हे़क्‍क्‍याङ् इङ्‌गाॽ आहिङ्‌मन्‍निन् खे़न् सिदुङ्‌जभाओ योॽमा पोङ्‌साङ् इङ्‌गाॽ ओमु लॽआ, हे़क्‍क्‍याङ् खिनिॽनुए सःत्तारो॥

फिलिप्‍पि 1:8

ख्रिस्‍त ये़सुरे़ हे़क्‍केए लुङ्‌माॽ तुक्‍निङ्‌बाल्‍ले़ चोगुल्‍ले़ खिनिॽ तुम्‍मा साॽरिक् निङ्‌वाॽ चोगुङ् के़लॽबान् निङ्‌वाॽफुमाङ्‌ङिल्‍ले़ निसुॽरो॥

यसैया 53:11

के़साक्‍पा ये़त्तुक्‍खे तुमुआङ् एगाङ् खुने़ॽ कन् के़रे़क् निमा खोसुरो हे़क्‍क्‍याङ् कुनिङ्‌वाॽ तारो॥ साम्‌योबा आसे़वारोबे़ल्‍ले़ यरिक् मनाहाॽ साम्‌योबा चोगुसिरो हे़क्‍क्‍याङ् खुन्‍छिॽ के़रे़क् लायोहाॽ कुयुरो॥

१ युहुन्‍ना 5:21

आमिःम् आस्‍सासे, नावाइत्‍लाहाॽनु लाःत्‍लाःत् वये़म्‍मे़ॽओ॥

१ युहुन्‍ना 2:12

आमिःम् हिन्‍जाॽबित्‍छासे, ख्रिस्‍तरे़ चोगुबा कुयाःम्‍बक्‍लाम् खिनिॽ लायोन् ले़प्‍मि पोःक्‍खे़बाल्‍ले़ चोगुल्‍ले़ कन् सक्‍इङ्‌घङ्‌ङिन् साप्‍तुङ्‌ङाङ् हाक्‍निङ्‌ल पत्तारो॥

१ युहुन्‍ना 2:1

आमिःम् आस्‍सासे, खिनिॽ लायो मे़जोगे़म्‍मिन्‍ने़ॽ फाॽआङ् कन् सक्‍इङ्‌घङ्‌ङिन् साप्‍तुङ्‌ङाङ् हाक्‍निङ्‌ल पत्तारो॥ कर कुभारे़ लायो मे़जोगुसाङ् आनिॽ लागि के़बाःप्‍पा के़बिबा साम्‌योबा ये़सु ख्रिस्‍ते़न् आनिॽ लायोलाम् ले़प्‍मि आघोसुम्‍ल फाॽआङ् पानुदिङ् पाः निङ्‌वाॽफुमाङ्‌ङिन् पेलि फाक्‍तुॽरो॥

हिब्रु 5:7

ये़सुन् इक्‍सादिङ् खाम्‍बेःक्‍मो नासिङ्‌गे़न् थक्‍को वये़ल्‍ले़ खुने़ॽ मिक्‌वानु चक् चक् साॽरिक् हाबे़र सिमे़न्‍लाम् ताङ्‌से़ःप्‍मा के़सुक्‍पे़न् पेलि फाक्‍तुर तुवा चोगुरो॥ खुने़ॽ निङ्‌वाॽफुमाङ्‌ङिन् मिङ्‌सो इङ्‌धाङ् पिरुर से़वा चोगुबाल्‍ले़ खुने़ॽ चोगुबा तुवान् निङ्‌वाॽफुमाङ्‌ङिल्‍ले़ ताःक्‍तुरो॥

तितस 1:4

आन्‍छिॽ लत्‍छा नसाःन्‍नो से़क्‍खासमा आस्‍सा तितसे, हाराॽ पानुदिङ् पा निङ्‌वाॽफुमाङ् नु आनिॽ से़न्‍लप्‍दाङ्‌बा ख्रिस्‍त ये़सुरे़ लुङ्‌गुम् नु सनारुङ् के़बिररो॥

फिलेमोन 1:19

इङ्‌गाॽ पावलरे़ हुङुङ् पिने़ फाॽआङ् आप्‍फेक् आहुक्‍किल्‍ले़ कन् साप्‍तुङ्‌ल पत्तारो॥ खे़ने़ॽ आबाङेआङ् ख्रिस्‍तओ कुसङ् हिङ्‌मन् इङ्‌गाॽलाम्‍बा के़घोसु के़लॽबान् निङ्‌वाॽ मे़भेःत्‍छे़न्‍ने़ॽओ॥

लुका 22:44

हे़क्‍क्‍याङ् खुने़ॽ निङ्‌साम्‍गे़न् निङ्‌वाॽरे़ नायो पोःक्‍खे़आङ् साॽरिक् निङ्‌वाॽ पिरुआङ् तुवा चोगु, हे़क्‍क्‍याङ् खुने़ॽ कुहाःम्‍ब्रिक्‌वान् यम्बयम्‍बा माक्‍खिॽ ते़प्‍पक्‌वा कुइसिक् खाम्‍मो मक्‍थ्‍ये़रो॥)

२ कोरन्‍थि 12:14

आल्‍ल सुम्‍ले़ङ्‌ङो खिनिॽ साॽसे़ तामा यारिप् पोःक्‍खाङ्‌ङाङ् वाॽआरो॥ हे़क्‍क्‍याङ् खिनिॽ तुक्‍खे मे़जाःत्‍निङ्‌ङिन्‍लो, थेआङ्‌भे़ल्‍ले़ इङ्‌गाॽग खिनिॽ याङ्‌साकुन्‍धेन् मेःन्, कर खिनिॽने़ चाहाबा चोःक्‍कारो॥ थेआङ्‌भे़ल्‍ले़ साहाॽरे़ मा-बाहाॽरे़लागि मेःन्, कर मा-बाहाॽरे़ने़ साहाॽरे़ लागि याङ्‌साकुन्‍धे याङ्‌घोःप्‍मा पोङ्‌लो॥

१ थिस्‍सलोनिकि 2:7

कर खिनिॽ लुम्‍मो अङे़ःक्‌वान् कुम्‍मारे़ कम्‍ब्राङ् मे़त्तुबा कुइसिःक्‍के नःम्‍नःम्‍माङ् कम्‍ब्राङ् मे़त्तासिगे़आङ् वाॽरो॥

३ युहुन्‍ना 1:4

इङ्‌गाॽ आमिःम् आस्‍साहाॽ से़क्‍खाबा नसाःन्‍नो लाङ्‌घेःक्‍नु मे़वाॽबा पान् खे़प्‍सुङ्‌ङिल्‍ले़ सःत्ताबा पाःन्‍नाङ्‌धो वेॽ थेआङ् यम्‍बा पान् होप्‍लो॥