गलाति 4:18 - लिम्‍बु

¹⁸ आल्‍ल इङ्‌गाॽ खिनिॽनु वाॽआल्‍ले़रक् मेःन्, कर खिनिॽनु होःप्‍पासाङ् वेॽहाॽरे़ खिनिॽ लागि नुबा याःम्‍बक् चोःक्‍मा सिक् सम्‍ने़ फाॽग्र नुबारो॥

गलाति 4:18 Referans Kwoze

फिलिप्‍पि 2:12

खे़ल्‍ले़चोगुल्‍ले़ आमिःम् आन्‍जुम्‍से, इङ्‌गाॽ खिनिॽनु वयाङ्‌ङिल्‍ले़ सदादिङ् इङ्‌जाङ्‌गे़म्‍बा के़वयिबा हे़क्‍के इङ्‌गाॽ खिनिॽनु होःप्‍पासाङ् इङ्‌जाङ्‌गे़म्‍बा पोङ्‌मा आल्‍लसाङ् के़ये़क्‍पा चोक्‍लो॥ निङ्‌वाॽफुमाङ्‌ङिन्‍नु किसे़म्‍मे़ॽर के़घोसुम्‍बा से़न्‍लप्‍पिन् कुलिङ्‌दो के़त्ते़म्‍मे़ॽओ॥

सुफो 3:19

इङ्‌गाॽ लुङ्‌माॽ तुक्‍तुङ्‌सिङ्‌बाहाॽ फे़ःक्‍तुङ्‌सिङ्‌ङाङ् तोःन्‍दुङ्‌सिङ्‌लो॥ हे़क्‍केःल्‍ले़ खिनिॽ नुबा याःम्‍बक् चोःक्‍माओ सिक्‍के़सम्‍बा पोःक्‍खे़म्‍मे़ॽओ॥ खिनिॽ लायोलाम् हिन्‍दे़म्‍मे़ॽओ॥

तितस 2:14

आनिॽ काक् लायोलाम् थे़ॽमासि, आबाङे सेसे कुमना चोःक्‍मासि हे़क्‍क्‍याङ् नुबा याःम्‍बक् चोःक्‍मा कुसिक् के़सम्‍बा चोःक्‍मासि फाॽआङ् आनिॽ लागि खुने़ॽ आबाङे सिदुङ्‌जभा पोङ्‌से़ पिसिङ्‌लो॥

फिलिप्‍पि 1:27

काक्‍नुःल्‍ले़ के़ये़क्‍पा पाःङ्‌ग ख्रिस्‍तरे़ कुसुनाइङ्‌ङिन् लाॽरुबा हिङ्‌मन्‍नो खिनिॽ वये़म्‍मे़ॽओ॥ हे़क्‍केःल्‍ले़ इङ्‌गाॽ खिनिॽओ ताआआङ् निनिङ्‌साङ् इग्र खिनिॽ याःम्‍बेओरक् खे़प्‍सुङ्‌साङ् खिनिॽ सुनाइङ्‌ङिल्‍ले़न् नसाःन्‍नो के़दङ्‌ङासिआङ् याम्‍बुधिक्‍काङ् याःम्‍बक् के़जोगुम्‍बा पाःन्‍निन् निसुङ्‌लो॥

गलाति 4:13

इङ्‌गाॽ खिनिॽओ सुनाइङ् इङ्‌भन्‌ चोःक्‍से़ त्‍याङ्‌ङिल्‍ले़ आयाम् तुगे़आङ् वये़बान् कुसिङ् के़निःत्तुम्‍माङ् वाॽरो॥

१ कोरन्‍थि 15:58

खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, खिनिॽ के़धुम्‍बा पोःक्‍खे़म्‍मे़ॽआङ् मे़म्‍मुन्‍ने वये़म्‍मे़ॽओ॥ दाङ्‌बाल्‍ले़ कुयाःम्‍बक्‍को सदादिङ् पोरे़म्‍मे़ॽर पेगे़म्‍मे़ॽओ॥ थेआङ्‌भे़ल्‍ले़ दाङ्‌बाल्‍ले़ लागि खिनिॽ याम्‍बुधिक्‍किन् चामे़सोःक्‍ने़न् फाॽआङ् के़निसुम्‍माङ् के़वयिॽरो॥

निङ्‌वाॽफु साम्‍लोसुम् 119:139

आङ्‌गाॽ आसिक्‍किल्‍ले़ मि कुइसिक् पोङ्‌ङारो, थेआङ्‌भे़ल्‍ले़ आनिङ्‌मिहाॽरे़ के़इङ्‌जाङ्‌हाॽ मे़न्‍इःत्तुन् मे़न्‍नाःत्तुन्‍लो॥

युहुन्‍ना 2:17

हे़क्‍क्‍याङ् कुहुॽसाम्‍बाहाॽरे़ के़हिम्‍मिल्‍ले़ लागि मिःम्‍जिःल्‍ले़ इङ्‌गाॽ थुक्‍कारो लॽरिक् साम्‌योसाप्‍लाओ के़बप्‍पे़न् निङ्‌वाॽ मे़इःत्तुरो॥

यसैया 59:17

साम्‌योनिमान् खुने़ॽ सङ्‌बप्‍मोबा से़ःप्‍चाङ् हे़क्‍के चाक्‍खुरो हे़क्‍क्‍याङ् से़न्‍लप्‍पिन् थे़गेःक्‍को खुःङ्‌मनाबा ताङ्‌घुःक् कुइसिक् खुःक्‍खुरो॥ खुने़ॽ कुले़क्‌वा हुङ्‌मे़न् चाङ् कुइसिक् चाक्‍खुरो हे़क्‍क्‍याङ् सिक्‍सम्‍मे़न् हे़म्‍बारि कुइसिक् हे़प्‍सिङ्‌लो॥

निङ्‌वाॽफु साम्‍लोसुम् 69:9

थेआङ्‌भे़ल्‍ले़ के़हिम्‍मिल्‍ले़ लागि सिक्‍सम्‍माल्‍ले़ आङ्‌गाॽ के़दिःप्‍पा मि हे़क्‍के थुक्‍ताङ्‌ङाङ् वाॽआरो, हे़क्‍क्‍याङ् खे़ने़ॽ हिनाःम् के़म्‍मे़प्‍पा पाःन्‍निन् आङ्‌गाॽ आसम्‍दाङ् थारो॥

गलाति 4:20

इङ्‌गाॽ आल्‍लो खिनिॽनु वाॽआल्‍ले़ अक्‍खे पाःप्‍मा मे़बोःक्‍खे़म्‍बा वये़रो, थेआङ्‌भे़ल्‍ले़ खिनिॽ हे़क्‍के के़लॽरिबाओ इङ्‌गाॽ आनिङ्‌वाॽ तुगे़आङ् वाॽरो॥

गलाति 4:17

खे़न् मनाहाॽरे़ग खिनिॽ खुनिॽ ले़प्‍माङ् उःङ्‌मासि फाॽआङ् साॽरिक् खुनिॽ सिक्‍सम्‍लो, कर कन् खिनिॽ लागि नुबा मेःन्‍लो॥ खे़ङ्‌हाॽरे़ग आनिगे तक्‍ले़ङ्‌वाओ के़बोगिआङ् खे़ङ्‌हाॽरक् के़दिम्‍दुम्‍सिम्‍ल के़लॽबा निङ्‌वाॽ मे़जोगुआङ् मे़वाॽरो॥