गलाति 3:2 - लिम्बु2 खिनिॽनु पाःन्धिक् कुसिङ् निःप्मा आनिङ्वाॽ वाॽ—साम्योथिम्मिन् के़इःत्तुम् के़नाःत्तुम्माङ् सेसेमाङ्ङिन् के़घोसुम्बाबि इ सुनाइङ् के़घे़प्सुम्माङ् नसान् के़जोगुम्बालाम् के़घोसुम्बाबि? Gade chapit la |
गलाति 3:2
19 Referans Kwoze
कर तगिसा से़क्खाबा से़न्दाङ्गे़न् ओःत्ति के़निबाहाॽ, साङ्ग्राम्पेदाङ्ङिल्ले़न् पर्धाःम् के़साॽबाहाॽ, सेसेमाङ् लक्के़घोबा मनाहाॽ, हे़क्क्याङ् निङ्वाॽफु पाःन्जाक्किल्ले़ कुनो-कुदाःन् नु ताये़म्ले़न् मुक्साम् के़साॽबाहाॽरे़ नसाःन्निन् मे़ले़रु मे़देसुॽने़ फाॽग्र खे़ङ्हाॽ नुःक्मा ताःप्मासि सुक्मे़न्दे़त्ने़न्लो, थेआङ्भे़ल्ले़ खे़ङ्हाॽरे़ खुनिॽ याःम्बक्लाम्बा निङ्वाॽफुसान् याम्मो सिलाम्साक्मा सिङ्सम्दाङ् मे़भोःन्दुआङ् मनालुम्मो कुजाःत्थि मे़देसुबा हे़क्के पोङ्लो॥
थेआङ्भे़ल्ले़ निङ्वाॽफुमाङ्ङिल्ले़ कुनिमाओ आक्खेलॽरिक् आप्तिक् मेःन्नेबा आजोक् फाॽआङ् कन् सुनाइङ्ङिल्ले़ ओसेःन्आधाक्लो, हे़क्क्याङ् कङ्ग नसाःन्लाम् हेःक्सिङ्ङाङ् नसाःन्लाम्बाए कुलिङ्दो के़त्लो॥ साम्योसाप्लाओ अक्खेलॽरिक् साप्ते़आङ् पत्, “साम्योबाङ्ग नसाःन्लाम्बाए हिङ्लो॥”
खुनिॽ माङ्से़वान् आबाङे खे़ङ्हाॽरे़ लागि मेःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
थेआङ्भे़ल्ले़ खिनिॽओ मे़दाआङ् कुभारे़ग आनिगे इङ्भोसुम्बे़बा ये़सुन् नुःल्ले़आङ् वेॽसमा ये़सुन् इङ्मे़भोसुॽने़ फाॽग्र, इग्र के़घोसुम्बा सेसेमाङ्ङिन्नुःल्ले़आङ् वेॽसमान् के़घोसुम्ने़ फाॽग्र, इग्र याम्मो ते़न्दिङ् के़जोगुम्बा सुनाइङ्ङिन्नुःल्ले़आङ् वेॽसमा सुनाइङ्ङिन् के़दाःक्तुम्ने़ फाॽग्र खे़न् पाःन्हाॽ के़धरुम्माङ् ते़न्दिङ् के़जोगुम्लो॥
साम्योथिम् मे़न्नाःप्मना थिम्मे़न्दङ् सुवाङ्हाॽनु वयाङ्ङिल्ले़ खे़ङ्हाॽ ख्रिस्तओ ताःप्मासि फाॽआङ् इङ्गाॽआङ् थिम्मे़न्दङ् सुवाङ्हाॽ कुइसिःक्के पोःक्खाङ्लो॥ (निङ्वाॽफुमाङ्ङिल्ले़ कुसाम्योथिम्मिन् मे़नाःत्तुङ्ङिन्बा मेःन्, कर इङ्गाॽग ख्रिस्तरे़ कुसाम्योथिम्मिन् इःत्तुङ् नाःत्तुङ्लो॥)
Piblisite