गलाति 3:18 - लिम्‍बु

¹⁸ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ पिनिङ् लॽरिक् चोगुबा मुॽइसाम्‍मिन् साम्‌योथिम् इःप्‍मा नाःप्‍मालाम् खोदे़त्‍ने़ फाॽग्र खे़न् माङ्‌हे़क्‍के मे़बोङ्‌ने़न्॥ कर निङ्‌वाॽफुमाङ्‌ङिल्‍ले़ माङ्‌हे़क्‍लाम्‍बाए अब्राहाम्‍मिन् लुङ्‌माॽ तुक्‍तुआङ् कन् मुॽइसाम्‍मिन् पिरुरो॥

गलाति 3:18 Referans Kwoze

गलाति 2:21

इङ्‌गाॽ निङ्‌वाॽफुमाङ्‌ङिल्‍ले़ कुलुङ्‌गुम्‍मिन् थेनाधेबा मे़इःत्तान्‍लो, थेआङ्‌भे़ल्‍ले़ साम्‌योथिम्‍लाम् निङ्‌वाॽफुमाङ्‌ङिल्‍ले़ कुनिमाओ आप्‍तिक् मेःन्‍नेबा पोङ्‌मा आसुक्‍ने़ फाॽग्र ख्रिस्‍ते़न् हने़रक् स्‍ये़रो॥

निङ्‌वाॽफु साम्‍लोसुम् 105:42

थेआङ्‌भे़ल्‍ले़ खुने़ॽग कुसे़वारोबा अब्राहाम्‍मिन्‍नु चोगुबा सेसेमाङ्‌हुप्‍पिन् निङ्‌वाॽ लिङ्‌घुरो॥

गलाति 3:29

खिनिॽ ख्रिस्‍तरे़ कुमना के़बोःक्‍खिआङ् के़वयिॽने़ फाॽग्र खिनिॽग अब्राहामरे़ से़क्‍खा कुमुॽइदाङ्‌सानिङ्‌लो, हे़क्‍क्‍याङ् निङ्‌वाॽफुमाङ्‌ङिल्‍ले़ अब्राहाम्‍मिन् पिरुबा माङ्‌हे़क्‍किल्‍ले़न् लक् के़घोबानिङ्‌लो॥

रोमि 8:17

हे़क्‍क्‍याङ् कुस्‍सा आबोःक्‍खे़बाल्‍ले़ चोगुल्‍ले़ आनिॽ निङ्‌वाॽफुमाङ्‌ङिल्‍ले़ कुलक् के़घोबासिरो॥ से़क्‍खाए खुने़ॽनु सोरिक् इङ्‌धाङ् आघोसुम्‍ल फाॽआङ् खुने़ॽनु सोरिक् इनोगे़न् तुक्‍खेआङ् आजाने़ फाॽग्र आनिॽग ये़सु ख्रिस्‍ते़न्‍नु सोरिक् लक् के़घोबासिआङ्‌लो॥

गलाति 3:26

ख्रिस्‍त ये़सुओबा खिनिॽ नसाःन्‍लाम् के़रे़क् निङ्‌वाॽफुसा के़बोःक्‍खिआङ् के़वयिॽरो॥

गलाति 3:16

हे़क्‍केलॽरिक्‍के निङ्‌वाॽफुमाङ्‌ङिल्‍ले़ अब्राहाम्‍मिन् नु कुमुॽइदाङ्‌साहाॽ माङ्‌हे़क्‍हाॽ पिरुसिरो॥ हे़क्‍क्‍याङ् साम्‌योसाप्‍लाःल्‍ले़ “कुमुॽइदाङ्‌साहाॽ” फाॽइङ्‌ग यरिक् मनाहाॽ मेःन्, कर “कुमुॽइदाङ्‌साःन्” लॽरिक् पाःत्तुआङ् पत्॥ खे़न् फाॽइङ्‌ग लत्‍छा मनाःल्‍ले़न् मिक्‍सेन् पोङ्, खे़ङ्‌ग ख्रिस्‍तरो॥

गलाति 3:12

साम्‌योथिम्‍मिन् नु नसाःन्‍निन् मे़दङ्‌सिन्‍लो॥ खे़ल्‍ले़ कुले़क्‌वा साम्‌योसाप्‍लाओ अक्‍खे साप्‍ते़आङ् पत्, “साम्‌योथिम्‍मो के़बप्‍पा काक् इङ्‌जाङ्‌हाॽ के़इःप्‍पा के़नाःप्‍पे़न् खे़न्‍लाम्‍मे हिङ्‌लो॥”

गलाति 3:10

कर साम्‌योथिम् के़इःप्‍पा के़नाःप्‍पाहाॽ के़रे़क् साङ्‌ग्रारे़ ते़त्तुसिआङ् मे़वाॽरो, थेआङ्‌भे़ल्‍ले़ अक्‍खेलॽरिक् साप्‍ते़आङ् पत्, “साम्‌योथिम् साप्‍लाओ साप्‍ते़आङ् के़बप्‍पा काक् पाःन्‍हाॽ चक्‍मे़ल्‍लॽए मे़न्‍इःप्‍मना मे़न्‍नाःप्‍मनाहाॽ निङ्‌वाॽफुमाङ्‌ङिल्‍ले़ कुघुम्‍दिङ् खोमा लाॽरुसिआङ् वाॽरो॥”