गलाति 3:11 - लिम्बु11 साम्योथिम्लाम् निङ्वाॽफुमाङ्ङिल्ले़ कुनिमाओ आत्तिन्हाॽआङ् आप्तिक् मेःन्नेबा मे़म्बोङ्ने़न् के़लॽबा पाःन्निन् से़क्खाए निदे़त्लो, थेआङ्भे़ल्ले़ साम्योसाप्लाओ अक्खे साप्ते़आङ् पत्, “साम्योबाङ्ग नसाःन्लाम्बाए हिङ्लो॥” Gade chapit la |
गलाति 3:11
20 Referans Kwoze
थेआङ्भे़ल्ले़ निङ्वाॽफुमाङ्ङिल्ले़ कुनिमाओ आक्खेलॽरिक् आप्तिक् मेःन्नेबा आजोक् फाॽआङ् कन् सुनाइङ्ङिल्ले़ ओसेःन्आधाक्लो, हे़क्क्याङ् कङ्ग नसाःन्लाम् हेःक्सिङ्ङाङ् नसाःन्लाम्बाए कुलिङ्दो के़त्लो॥ साम्योसाप्लाओ अक्खेलॽरिक् साप्ते़आङ् पत्, “साम्योबाङ्ग नसाःन्लाम्बाए हिङ्लो॥”
आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मेःन्नेबा पोङ्मा मे़सुक्ने़न्लो, कर ये़सु ख्रिस्ते़न् नसान् चोगुआङ्लक् आप्तिक् मेःन्नेबा पोङ्मा सुक् के़लॽबा पाःन्निन् आनिॽ कुसिङ् निःप्मा पोङ्लो॥ खे़ल्ले़चोगुल्ले़ आनिॽआङ् ख्रिस्तओबा नसाःन्लाम् आप्तिक् मेःन्ने आबोङ्ल फाॽआङ् ये़सु ख्रिस्ते़न् नसान् आजोगुम्लो, कर साम्योथिम् इङ्जाङ्ङिन् आइःत्तुम् आनाःत्तुम्बालाम् मेःन्लो, थेआङ्भे़ल्ले़ साम्योथिम् इङ्जाङ्ङिन् इःत्तु नाःत्तुआङ् आत्तिन्नाङ् आप्तिक् मेःन्नेबा मे़बोङ्ने़ल्लो॥
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
के़रे़क् आसुत्थो मना हे़क्तङ्बा पोःक्खिगे़आङ् वयिगे़रो, हे़क्क्याङ् आनिगे साम्योबा याःम्बक्हाॽ के़रे़क् चिःन्जिःन् के़घुबा कुद्रे़क् चाङ् हे़क्तङ्बा पोःक्खे़आङ् वाॽरो॥ आनिगे के़रे़क् ते़त्लाफे़क्वा कुइसिक् इले़मिघे़रिगे़रो, हे़क्क्याङ् आनिगे लायोल्ले़ सुरित् केजङ्ङिल्ले़ हे़क्के पक्खि तेॽरिगे़रो॥
आङ्गाॽ पाःत्तुङ्, “आङ्गाॽग चिःत्ताङ्लक् स्याङ्लो! हे़क्क्याङ् आल्ल आङ्गाॽग मे़गाङ्बा पोःक्खे़ लॽरिक् अःक्ताङ्! थेआङ्भे़ल्ले़ आङ्गाॽग आम्ब्राःल्ले़ आसुत्थो पाःन्हाॽ पाःत्तुङ्, खे़ब्याङ् आसुत्थो पान् के़बाःप्पा मनाहाॽरे़ खुन्छिॽलुम्मो वाॽआ, हे़क्केसाङ् आङ्गाॽ हाङ्हाॽरे़आङ् खुन्छिॽ हाङ् मुक्साम्दाङ्बा यहवे दाङ्बान् आङ्गाॽ निसुङ्ङाङ् वाॽ॥”
“आल्ल के़मनाहाॽरे़ खे़ने़ॽ के़दक्ले़ङ्वाओ लायो मे़जोगुॽ—थेआङ्भे़ल्ले़ लायो मे़न्जोःक्मनाबा मना हाःत्ताङ् होप्—हे़क्क्याङ् खे़ने़ॽ खे़ङ्हाॽनु के़सिक् पोःक्काङ् खे़ङ्हाॽ निङ्मिहाॽरे़ खुन्छिॽ हुक्को के़धासुसिॽ हे़क्क्याङ् खे़न् निङ्मिहाॽरे़ खे़ङ्हाॽ माःङ्घा इग्र निःत्ताङ् खुन्छिॽ लाजेॽओ मे़दे़म्सु मे़देॽरुसिॽ,
Piblisite