गलाति 3:10 - लिम्बु10 कर साम्योथिम् के़इःप्पा के़नाःप्पाहाॽ के़रे़क् साङ्ग्रारे़ ते़त्तुसिआङ् मे़वाॽरो, थेआङ्भे़ल्ले़ अक्खेलॽरिक् साप्ते़आङ् पत्, “साम्योथिम् साप्लाओ साप्ते़आङ् के़बप्पा काक् पाःन्हाॽ चक्मे़ल्लॽए मे़न्इःप्मना मे़न्नाःप्मनाहाॽ निङ्वाॽफुमाङ्ङिल्ले़ कुघुम्दिङ् खोमा लाॽरुसिआङ् वाॽरो॥” Gade chapit la |
गलाति 3:10
18 Referans Kwoze
आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मेःन्नेबा पोङ्मा मे़सुक्ने़न्लो, कर ये़सु ख्रिस्ते़न् नसान् चोगुआङ्लक् आप्तिक् मेःन्नेबा पोङ्मा सुक् के़लॽबा पाःन्निन् आनिॽ कुसिङ् निःप्मा पोङ्लो॥ खे़ल्ले़चोगुल्ले़ आनिॽआङ् ख्रिस्तओबा नसाःन्लाम् आप्तिक् मेःन्ने आबोङ्ल फाॽआङ् ये़सु ख्रिस्ते़न् नसान् आजोगुम्लो, कर साम्योथिम् इङ्जाङ्ङिन् आइःत्तुम् आनाःत्तुम्बालाम् मेःन्लो, थेआङ्भे़ल्ले़ साम्योथिम् इङ्जाङ्ङिन् इःत्तु नाःत्तुआङ् आत्तिन्नाङ् आप्तिक् मेःन्नेबा मे़बोङ्ने़ल्लो॥
खे़न् ले़प्मि पिमारे़ लागि यहवे दाङ्बे़ल्ले़ आप्फाल्ले़आङ् कुनिङ्वाॽ मे़नुःक्तुन्ॽ, कर खुने़ॽ मि के़दिःप्पा कुसाक्के़न्निन् नु कुनाहे़म्मान् खे़न् मनाःल्ले़ कुसम्धाङ् थारो॥ कन् साप्पन्नो साप्ते़आङ् के़बप्पा के़रे़क् माङ्दे साङ्ग्राहाॽ खे़न् मनाःल्ले़ कुसम्धाङ् चुक्, खे़ब्याङ् यहवे दाङ्बे़ल्ले़ खे़ल्ले़ कुमिङ्ङिन् ताङ्साङ्बा सिगाङ्लाम् मासु पिरुॽ॥
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
Piblisite