गलाति 2:16 - लिम्बु16 आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मेःन्नेबा पोङ्मा मे़सुक्ने़न्लो, कर ये़सु ख्रिस्ते़न् नसान् चोगुआङ्लक् आप्तिक् मेःन्नेबा पोङ्मा सुक् के़लॽबा पाःन्निन् आनिॽ कुसिङ् निःप्मा पोङ्लो॥ खे़ल्ले़चोगुल्ले़ आनिॽआङ् ख्रिस्तओबा नसाःन्लाम् आप्तिक् मेःन्ने आबोङ्ल फाॽआङ् ये़सु ख्रिस्ते़न् नसान् आजोगुम्लो, कर साम्योथिम् इङ्जाङ्ङिन् आइःत्तुम् आनाःत्तुम्बालाम् मेःन्लो, थेआङ्भे़ल्ले़ साम्योथिम् इङ्जाङ्ङिन् इःत्तु नाःत्तुआङ् आत्तिन्नाङ् आप्तिक् मेःन्नेबा मे़बोङ्ने़ल्लो॥ Gade chapit la |
गलाति 2:16
41 Referans Kwoze
लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्सान् मे़न्छाम् याप्मिहाॽरे़ मे़जोगुबा लायोल्ले़ लागि सिदुङ्जभा पोङ्से़ लायोबा मना कुइसिःक्पा नासिङ्गे़न् थक्को पाङ्घुयुसुआङ् नासिङ्गे़न् कुधक्किल्ले़ आनिॽ लायोन् मे़क्खुरो॥
थेआङ्भे़ल्ले़ निङ्वाॽफुमाङ्ङिल्ले़ कुनिमाओ आक्खेलॽरिक् आप्तिक् मेःन्नेबा आजोक् फाॽआङ् कन् सुनाइङ्ङिल्ले़ ओसेःन्आधाक्लो, हे़क्क्याङ् कङ्ग नसाःन्लाम् हेःक्सिङ्ङाङ् नसाःन्लाम्बाए कुलिङ्दो के़त्लो॥ साम्योसाप्लाओ अक्खेलॽरिक् साप्ते़आङ् पत्, “साम्योबाङ्ग नसाःन्लाम्बाए हिङ्लो॥”
कन् एगाङ् खे़प्मो आत्तात्तान्ने निःप्मा सुक्मे़न्दे़प्मना मनाहाॽ, के़रे़क् लाजेॽहाॽ, के़रे़क् मे़न्छाम् सुवाङ्हाॽ, हे़क्क्याङ् के़रे़क् पाःन्दाङ्हाॽलाम्, हाङ्युक्नान् नु मे़ल्लुक्साःल्ले़ कुदगि कब्रिङ् मे़ये़बे़बा निसुङ्सिङ्॥ खे़ङ्हाॽरे़ फदाङ्बा तेत् मे़जाक्खुआङ् खुनिॽ हुक्को खे़बक्सिङ्ङिल्ले़ कुबोराक्हाॽ मे़बक्खुआङ् मे़ये़बे़॥
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
Piblisite