गलाति 2:15 - लिम्‍बु

¹⁵ आनिॽ साआवाःन्‍छिङ्‌ङाङ्‌धोए यहुदिसि, थिम्‍मे़न्‍दङ् सुवाङ् हे़क्‍तङ्‌बा “लायोबासि” मेःन्‍लो॥

गलाति 2:15 Referans Kwoze

तितस 3:3

थेआङ्‌भे़ल्‍ले़ आनिॽआङ् थिक्‍ले़ङ् अदङ् नु इङ्‌जाङ् इःप्‍मा नाःप्‍मा मे़न्‍दे़म्‍मनाबा, इङ्‌ले़क्‍के, याम्‍निङ्‌वाॽ तादा नु याम् तादारे़ आयुक्‍ते़आङ् आवये़रो॥ हे़क्‍केलॽरिक् सिक्‍पोःक्‍मा नु नाहे़म्‍माओ आवये़, हे़क्‍क्‍याङ् मनाहाॽ आजिःत्तुम्‍सिम्‍माङ् आवये़रो॥

एफिसि 2:3

खे़ङ्‌हाॽरे़ खुनिॽ लुम्‍मो उन्‍छोन् आनिॽआङ् याम् नु निङ्‌वाॽइल्‍ले़ चोःक्‍मा कोःत्तुबा लायोबा लाम्‍मो आवये़॥ खे़ङ्‌हाॽ हे़क्‍के आनिॽआङ् निङ्‌वाॽफुमाङ्‌ङिल्‍ले़ कुघासे़न्‍नो के़धाबा आबोःक्‍खे़आङ् आवये़रो॥

रोमि 3:9

हे़क्‍केःल्‍ले़ आनिॽ यहुदिहाॽ थिम्‍मे़न्‍दङ् सुवाङ्‌हाॽनुःल्‍ले़ नुबा आजोःक्‍पि? से़क्‍खासाङ् आन्‍जोक्‍ने़न्‍लो! यहुदिहाॽ नु थिम्‍मे़न्‍दङ् सुवाङ्‌हाॽआङ् लायोल्‍ले़ ते़त्तुसिआङ् वाॽ फाॽआङ् मे़त्तुङ् सुरुङ्‌सिङ्‌ङाङ् वाॽरो॥

फिलिप्‍पि 3:4

हे़क्‍केसाङ् इङ्‌गाॽ आबाङे हे़क्‍केलॽरिक् ताःक्‍पो युङ्‌मा सुक्‍तुङ्‌बिला॥ आत्तिल्‍ले़ मे़न्‍छाम् याःम्‍बक्‍को ताःक्‍पो युङ्‌मा सुक्‍तुङ् लॽरिक् इःत्तुॽ, खे़न्‍नुःल्‍ले़आङ् यरिक् इङ्‌गाॽ ताःक्‍पो युङ्‌मा सुक्‍तुङ्—

रोमि 4:16

खे़ल्‍ले़चोगुल्‍ले़ कन् माङ्‌हे़क्‍किङ्‌ग नसाःन्‍लाम् तारो॥ निङ्‌वाॽफुमाङ्‌ङिल्‍ले़ कुलुङ्‌गुम्‍लाम्‍बा आम्‍भा आबिॽरो॥ हे़क्‍क्‍याङ् साम्‌योथिम् आइःत्तुम् आनाःत्तुम्‍माङ् मेःन्, कर अब्राहाम्‍मिल्‍ले़ चोगुबा कुइसिक् नसान् आजोगुम्‍ने़ फाॽग्र कन् माङ्‌हे़क्‍किन् आघोसुम् के़लॽबा निःन्‍धो पोङ्‌लो॥ थेआङ्‌भे़ल्‍ले़ अब्राहाम्‍मिङ्‌ग आनिॽ नसान् के़जोःक्‍पा के़रे़क्‍ले़न् पारो॥

सेःक्‌युक्‍मिबाहाॽ 22:21

“कर दाङ्‌बाल्‍ले़ इङ्‌गाॽ मे़त्ताङ्, पेगे़ॽ, ‘थेआङ्‌भे़ल्‍ले़ खे़ने़ॽ माःङ्‌घा माःङ्‌घा थारिक् थिम्‍मे़न्‍दङ् सुवाङ्‌हाॽरो आयाःम्‍बेओ इङ्‌भन्‌ चोःक्‍से़ पाङ्‌ने़ॽरो॥’”

मत्ति 9:11

हे़क्‍केःल्‍ले़ कुभा फरिसिहाॽरे़ खे़न् मे़निसुआङ् कुहुॽसाम्‍बाहाॽ मे़मे़त्तुसि, “थेआङ् खिनिॽ सिक्‍साम्‍बान् एःङ्‌याङ् के़भोङ्‌बाहाॽ हे़क्‍क्‍याङ् वेॽ लायोबाहाॽनु सोरिक् चाजाबाबे?”

१ सामुए़ल 15:18

हे़क्‍क्‍याङ् खुने़ॽ ‘पेगे़ॽ, हे़क्‍क्‍याङ् लायो के़जोःक्‍पा अमाले़किहाॽ के़रे़क् से़रे़से़ॽ॥ खे़ङ्‌हाॽ के़रे़क् मे़म्‍मे़ङ्‌सिङ्‌ङे थारिक् खे़ङ्‌हाॽरे़ खुनिॽ तक्‍ले़ङ्‌वाओ थङ् चोगे़ॽ’ फाॽआङ् के़बाङ्‌घे़॥

लुका 24:7

‘मे़न्‍छाम्‍सान् लायोबा मनाहाॽरे़ खुनिॽ हुक्‍को इङ्‌मे़ले़क्‍तुॽआङ् खुने़ॽ सिलाम्‍साक्‍मा सिङ्‌सम्‍दाङ् मे़भोन्‍दु मे़से़रुॽ, कर सुम्‍सिगेक्‍पा ये़न्‍नो याम्‍मो हिङ्‌लो॥’”

गलाति 2:17

हे़क्‍केःल्‍ले़ आनिॽ ख्रिस्‍ते़न् नसान् चोःक्‍मालाम् आप्‍तिक् मेःन्‍नेबा पोङ्‌मा आगोःत्तुम्‍मिल्‍ले़ वेॽहाॽरे़ खिनिॽ लायोओ के़वाॽबानिङ् आम्‍मे़त्‍लो, थेआङ्‌भे़ल्‍ले़ साम्‌योथिम्‍मिन् इःप्‍मा नाःप्‍मा आले़रुम्‍माङ् आवाॽ॥ खे़न् फाॽइन् ख्रिस्‍तरे़ लायोओ लाम्‍आलोबाबि? हे़क्‍के मेःन्‍लो!