थेआङ्भे़ल्ले़ खिनिॽओ मे़दाआङ् कुभारे़ग आनिगे इङ्भोसुम्बे़बा ये़सुन् नुःल्ले़आङ् वेॽसमा ये़सुन् इङ्मे़भोसुॽने़ फाॽग्र, इग्र के़घोसुम्बा सेसेमाङ्ङिन्नुःल्ले़आङ् वेॽसमान् के़घोसुम्ने़ फाॽग्र, इग्र याम्मो ते़न्दिङ् के़जोगुम्बा सुनाइङ्ङिन्नुःल्ले़आङ् वेॽसमा सुनाइङ्ङिन् के़दाःक्तुम्ने़ फाॽग्र खे़न् पाःन्हाॽ के़धरुम्माङ् ते़न्दिङ् के़जोगुम्लो॥
गलाति 1:6 - लिम्बु6 इङ्गाॽ आनिङ्वाॽ मये़रो, थेआङ्भे़ल्ले़ ख्रिस्तरे़ कुलुङ्गुम्लाम् के़उःप्पा निङ्वाॽफुमाङ्ङिन् आक्खे़न् हारा के़ले़रुम्माङ् वेॽसमा सुनाइङ्ङो के़बेगिर के़बत्छिबे॥ Gade chapit la |
गलाति 1:6
33 Referans Kwoze
दाङ्बे़ल्ले़ अक्खे पाःत्तुरो, “कन् मनाहाॽ खुन्छिॽ नारा ओसेःन्धाक्से़ आङ्गाॽ आबेसाङ् मे़दारो हे़क्क्याङ् खुन्छिॽ मुराःल्ले़रक् आङ्गाॽ मिङ्सो इङ्धाङ् मे़बिआरो, कर खुन्छिॽ निङ्वान् आङ्गाॽलाम् माःङ्घा वाॽरो॥ खे़ङ्हाॽरे़ आङ्गाॽ से़वा मे़मे़त्ताबाङ्ग हने़ मनाहाॽरे़ मे़हुॽरुसिबा चोःक्थिम्लक्लो॥
खुने़ॽए आनिॽ ताङ्आसे़ःप्ते़आङ् आप्फेक् सेसे कुमना पोङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मेःन्लो, कर खुने़ॽ आप्फेक् कुनिङ्वाॽसोक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेक् चोगुआङ् वये़॥
कर निङ्वाॽफुमाङ्ङिल्ले़ इङ्गाॽ सामे़न्वाःन्छिङ्ङेआङ्धोए लुङ्माॽ तुक्ताङ्, हे़क्क्याङ् सेगाङ्ङाङ् से़वा चोःक्से़ उःत्ताङ्लो॥ निङ्वाॽफुमाङ्ङिल्ले़ इङ्गाॽ थिम्मे़न्दङ् सुवाङ्हाॽ ये़सुरे़ कुयाःम्बेओ सुनाइङ् इङ्भोसुङ्सिङ्ल फाॽआङ् आबुगे़न् कुस्सान् ओःन्धाक्मा कुसिराॽ थाङे़॥ खे़न् ये़म्मो इङ्गाॽ आत्तिन् मनाहाॽआङ् सुजा मे़नाःक्तुङ्सिङ्ङिन्,
निङ्वाॽफुमाङ्ङिल्ले़ इङ्गाॽ खे़त्थो पेःक्माए पोङ् लॽरिक् ओःन्धाक्ताङ्ङाङ् वये़॥ इङ्गाॽ खे़प्मो वयाङ्ङिल्ले़ खे़प्मोबा सेसेहुप्लक्कोबा लाम्लोबासिरो फाॽआङ् मे़इःत्तुसिबाहाॽ स्वाःत्ताङ् तुमुङ्सिङ्ङाङ् इङ्गाॽ थिम्मे़न्दङ् सुवाङ्हाॽ इङ्भोसुङ्सिङ्बा सुनाइङ्ङिन् चे़क्तुङ्सिङ्लो॥ खे़ङ्हाॽरे़ आबाःन्निन् मे़घे़प्सुर के़लॽबा निङ्वाॽ इःत्तुङ्ङाङ् वयाङ्, मेःन्ने फाॽग्र इङ्गाॽ चोगुङ्बा माङ्से़वान् हने़ के़बोङ्बा वये़रो॥
हे़क्केःल्ले़ खे़ङ्हाॽ सुनाइङ्ङिल्ले़न् से़क्खाबा पाःन्नो मे़म्बत्छे़म्बा निसुङ्सिङ्ङाङ् खे़ङ्हाॽरे़ खुनिॽ तगिए पत्रुसे़न् अक्खे मे़त्तुङ्ल फे़ःक्तुङ्, “खे़ने़ॽग यहुदिने़साङ् यहुदि हे़क्के के़न्वाॽने़न्, कर थिम्मे़न्दङ् सुवाङ् कुइसिक् के़वाॽ॥ हे़क्केःल्ले़ खे़ने़ॽ इःप्मा नाःप्मा के़ले़रु के़देसुबा यहुदि साम्योथिम्मिन् आक्खेलॽरिक् थिम्मे़न्दङ् सुवाङ्हाॽ इःप्मा नाःप्मा पोङ् लॽरिक् के़मे़त्तुसिबाबे?”
Piblisite