गलाति 1:22 - लिम्‍बु

²² यहुदिया लाजेॽओबा सेसेहुप्‍लक्‍हाॽओ ख्रिस्‍ते़न् नसान् के़जोःक्‍पाहाॽरे़ इङ्‌गाॽ मे़न्‍निए मे़वये़रो॥

गलाति 1:22 Referans Kwoze

१ थिस्‍सलोनिकि 2:14

फुॽनुसाॽ नु ने़ॽनुसाॽसे, यहुदिया थुम्‍मो ख्रिस्‍त ये़सुन् नसान् के़जोःक्‍पा निङ्‌वाॽफुमाङ्‌ङिल्‍ले़ कुसेसेहुप्‍लक्‍हाॽरे़ खुनिॽ चोःङ् के़इःत्तुम्‍लो॥ थेआङ्‌भे़ल्‍ले़ यहुदिहाॽरे़ खे़ङ्‌हाॽ निङ्‌घुम् मे़मे़त्तुसिबा कुइसिःक्‍के खिनिॽआङ् आबाङे लाजेॽसाबाहाॽरे़ तुक्‍खे के़म्‍जाःत्तिआङ् के़वयिॽरो॥

रोमि 16:7

इङ्‌गाॽनु साक्‍पा के़धाबा यहुदि आन्‍जुम् ए़न्‍द्रोनिकस नु युनियसे़न् आसेवारो मे़त्ते़म्‍सिम्‍मे़ॽओ॥ खे़ङ्‌हाॽग सेःक्‌युक्‍मिबाहाॽओ साॽरिक् मिङ्‌सो इङ्‌धाङ् पिमा लाॽरुसिॽ, हे़क्‍क्‍याङ् खुन्‍छिॽग इङ्‌गाॽनुःल्‍ले़आङ् तगि ख्रिस्‍ते़न् नसान् चागे़त्‍छुआङ् वये़त्‍छिरो॥

२ थिस्‍सलोनिकि 1:1

आनिॽ पानुदिङ् पा निङ्‌वाॽफुमाङ्‌ङिन् नु दाङ्‌बा ये़सु ख्रिस्‍तओ थिस्‍सलोनिकासमा सेसेहुप्‍लक्‍कोबा कुयाप्‍मिहाॽओ इङ्‌गाॽ पावल, सिलास नु तिमोथिरे़ कन् सक्‍इङ्‌घङ्‌ङिन् हाक्‍कासिगे़बारो॥

१ थिस्‍सलोनिकि 1:1

पानुदिङ् पा निङ्‌वाॽफुमाङ् नु दाङ्‌बा ये़सु ख्रिस्‍ते़न् नसान् के़जोःक्‍पा थिस्‍सलोनिका ये़क्‌यक्‍समा सेसेहुप्‍लक्‍कोबा याप्‍मिहाॽओ, इङ्‌गाॽ पावल, सिलास नु तिमोथिलाम्‍बा कन् सक्‍इङ्‌घङ्‌ङिन् हाक्‍कासिगे़बारो॥ हाराॽ निङ्‌वाॽफुमाङ्‌लाम्‍बा सनारुङ् नु लुङ्‌गुम् के़घोसुम्‍लरो॥

फिलिप्‍पि 1:1

फिलिप्‍पि ये़क्‌यक्‍को के़वाॽबा ख्रिस्‍त ये़सुन् नसान् के़जोःक्‍पा निङ्‌वाॽफुमाङ्‌ङिल्‍ले़ के़रे़क् सेसे कुमनाहाॽ हे़क्‍क्‍याङ् सेसेहुप्‍लक्‍कोबा लाम्‍लोबाहाॽ नु माङ्‌सेवारोबासे ख्रिस्‍त ये़सुरे़ कुसे़वारोबा इङ्‌गाॽ पावल नु तिमोथिरे़ कन् सक्‍इङ्‌घङ्‌ङिन् हाक्‍कासिगे़रो॥

१ कोरन्‍थि 1:30

निङ्‌वाॽफुमाङ्‌ङिल्‍ले़ चोगुल्‍ले़ए खिनिॽ ख्रिस्‍त ये़सुओ के़वयिॽरो॥ खुने़ॽए आनिॽ लागि निङ्‌वाॽफुमाङ्‌लाम्‍बा सिक्‍कुम् निङ्‌वाॽ पोःक्‍खे़आङ् वाॽ॥ खुने़ॽए निङ्‌वाॽफुमाङ्‌ङिल्‍ले़ कुनिमाओ आप्‍तिक् मेःन्‍नेबा नु सेसेसाङ्‌साङ् आजोक्, हे़क्‍क्‍याङ् आनिॽ लायोलाम् याप्‍मि के़धे़ॽबा पोःक्‍खे़आङ् वाॽरो॥

सेःक्‌युक्‍मिबाहाॽ 9:31

हे़क्‍क्‍याङ् यहुदिया, गालिल, नु सामरियाओसमा सेसेहुप्‍लक्‍हाॽओ निङ्‌घुम् पोङ्‌मा चक् थ्‍ये़आङ् ये़म्‌ये़म्‌वा त्‍ये़॥ खे़ङ्‌हाॽरे़ दाङ्‌बान् साॽरिक् इङ्‌धाङ् मे़बि, हे़क्‍क्‍याङ् सेसेमाङ्‌ङिल्‍ले़ आःन्‍छिङ्‌मा पिरुसिआङ् नसाःन्‍नो के़धुम्‍बा मे़बोःक्‍खे़र खे़ङ्‌हाॽ मे़बोरे़र मे़बेरो॥

रोमि 16:3

इङ्‌गाॽनु सोरिक् ख्रिस्‍त ये़सुरे़ कुयाःम्‍बक् के़जोःक्‍पा आन्‍जुम्‍हाॽ प्रिस्‍किला नु कुये़म्‍बाॽ अक्‍विलान् आसेवारो मे़त्ते़म्‍सिम्‍मे़ॽओ॥

रोमि 16:9

आनिगे़नु सोरिक् ख्रिस्‍तरे़ कुयाःम्‍बक् के़जोःक्‍पा उर्बानस नु आमिःम् आन्‍जुम् इस्‍ताखुसे़न् आसेवारो मे़त्ते़म्‍सिम्‍मे़ॽओ॥

रोमि 16:10

ख्रिस्‍तओ चोगुबा कुनसाःन्‍निन् मे़साॽरुल्‍ले़ नुबा के़धाःप्‍पा अप्‍पे़ल्‍ले़से़न् आसेवारो मे़त्ते़म्‍मे़ॽ॥ अरिस्‍तोबुलस नु कुहिम्‍मो के़वाॽबाहाॽ आसेवारो मे़त्ते़म्‍सिम्‍मे़ॽओ॥

१ कोरन्‍थि 7:17

निङ्‌वाॽफुमाङ्‌ङिल्‍ले़ के़उःत्ते़ल्‍ले़ आक्‍खेलॽरिक् के़वये़, हाबा हे़क्‍केलॽरिक्‍के दाङ्‌बाल्‍ले़ सेःक्‌युक् के़जोगे़बाओ के़वाॽर पोङ्‌लो॥ काक् सेसेहुप्‍लक्‍को बा कन्‍ने इङ्‌गाॽ आजोःक्‍थिम्‍लो॥