थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिल्ले़ कुलागि खिनिॽ लत्छा सेसेबा सुवाङ्निङ्लो॥ यहवे दाङ्बा खिनिॽ निङ्वाॽफुमाङ्ङिल्ले़ इक्सादिङ् खाम्बेःक्को के़वाॽबा के़रे़क् मे़न्छाम् याप्मिहाॽलाम् खुने़ॽ कुलागि लत्छा के़ये़क्पा सुवाङ्, लत्छा इमे़ल्लुङ्बा याङ्साकुन्धे चोःक्मारे़ लागि खिनिॽ के़सेगिआङ् वाॽ॥
ए़ज्रा 9:2 - लिम्बु2 यहुदि ये़म्बित्छाहाॽरे़ वेॽ सुवाङ्समा मे़न्छुमाहाॽ मेःक्खिम् मे़मे़त्तुसिर मे़वये़॥ अक्खेलॽरिक् निङ्वाॽफुमाङ्ङिल्ले़ कुसेसे मनाहाॽ फे़त्मे़लाॽरे़र मे़वये़॥ कन् पाःन्नो लाम्लोबाहाॽ नु सुहाङ्युक्पाहाॽए कुभाङ् के़भेःम्बा मे़वये़॥” Gade chapit la |
ए़ज्रा 9:2
24 Referans Kwoze
आल्ल खे़ङ्हाॽरे़ खुन्छिॽ मे़न्छुमा साहाॽओबा कुभा खिनिॽ ये़म्बित्छा साहाॽरे़ लागि के़दारुम्सिम्बिला, हे़क्क्याङ् खे़न् मे़न्छुमासाहाॽरे़ खुन्छिॽ माङ्हाॽ मे़दिम्दु मे़नाःत्तुसिआङ् नावाइत्लाहाॽ से़वा मे़मे़त्तुसिबिला हे़क्क्याङ् याःम्बोःप्मा याःम्बक् हे़क्तङ्बा मे़जोगुआङ् खे़ङ्हाॽरे़ खिनिॽ ये़म्बित्छा साहाॽआङ् हाबा खे़न् चोःक्मा मे़बाङ्घुसिॽ॥
थेआङ्भे़ल्ले़ नसान् मे़न्जोःक्मनाबा इत्थुङ्गे़न् ये़म्बाॽइन् नसान् के़जोःक्मा मे़ल्लिङ्गे़न् मेःत्तिन्नु वाॽबाल्ले़ चोगुल्ले़ निङ्वाॽफुमाङ्ङो खे़न् सेसे चोक्लो॥ हे़क्केलॽरिक्के नसान् के़जोःक्पा इत्थुङ्गे़न् ये़म्बाःन्नु वाॽबाल्ले़ चोगुल्ले़ खे़न् नसान् मे़न्जोःक्मनामा मे़ल्लिङ्गे़न् मेःत्तिन् निङ्वाॽफुमाङ्ङो सेसे चोक्लो॥ मेःन्ने फाॽग्र खे़ङ्हाॽरे़ खुनिॽ साहाॽ आसुत्थो मे़बोङ्बा वये़, कर हे़क्के मे़म्बोङ्ने़न्लो, खे़ङ्हाॽग निङ्वाॽफुमाङ्ङिल्लो सेसे मे़जोक्लो॥
थे यहवे दाङ्बे़ल्ले़ खे़ने़ॽ नु के़मेःत्ते़न् नासिङ्गे़न् थक्लाओ नु याम्साम्मो लत्छा के़जोगे़सिबा मेःम्बि? हे़क्क्याङ् थेआङ् खे़न्छिॽ लत्छाने़सिङ्? थेआङ्भे़ल्ले़ खे़न्छिॽ लाम्बा के़बोङ्बा साहाॽ से़क्खाबा निङ्वाॽफुमाङ्ङिल्ले़ कुमना मे़बोङ्ल के़लॽबा खुने़ॽ निङ्वाॽ इःत्तुॽ॥ कल्ले़चोगुल्ले़ खे़निॽ आबाङे याम्साम्मिन् कम्ब्राङ् मे़त्ताम्मे़ॽ हे़क्क्याङ् खे़निॽ आबाङे थाङ्बे़न् के़वयिल्ले़ मेःत्ते़न्नु के़जोगुम्बा मेःक्खिम् माङ्हुप्पिन् मे़भेःन्दे़म्मिन्ने़ॽ॥
हे़क्क्याङ् इस्राइल लाजेॽओ थिबोङ्लक् यारिक्लक् मनाहाॽ मे़दाङ् मे़याःक्साङ् याम्मो खे़न् के़दाङ्बा के़याःक्पाहाॽ खाम्पु थ्यःङ् मे़जोगुसिरो॥ कर यहिबा इग्र के़साक्पा सिङ्बुङ्हाॽ आःप्मादे़मासाङ् कुमुःत्हाॽ युङ्याःक्काङ् खे़न् सिङ्मुःत्हाॽ याम्मो कुजःक् लिङ्धाङ्बा कुइसिक् खे़न् सिङ्मुःत्तिन् सेसे याॽरिःम्बा पोङ्ङाङ् याम्मो पोधाङ्लो॥”
खे़न् लाजेॽओबा मनाहाॽनु ते़न्धाम् मेःक्खिम् मे़जोगे़म्मिन्ने़ॽ हे़क्क्याङ् खे़ङ्हाॽ थोबो मे़बोङ्ल इग्र मे़नुॽमे़दार फाॽआङ् मे़भाॽराम्सिम्मिन्ने़ॽ हे़क्क्याङ्लक् खे़न् लाजेन् खिनिॽ युक्मा के़घोसुम्ॽ खे़ब्याङ् खिनिॽ मुॽइदाङ्साहाॽरे़ लागि खे़न् लाजेन् के़ने़सुम् के़धाम् फाॽआङ् खे़ङ्हाॽरे़ आनिगे मे़मे़त्तिगे़॥
आक्खेलॽरिक् आनिगे याम्मो खे़ने़ॽ के़इङ्जाङ्हाॽ मे़न्इःत्ते मे़न्नाःत्ते कन् ताप्फे़ःम्बा मनाहाॽनु मेःक्खिम् चोःक्मा सुक्तुम्बे़बे? आनिगे हे़क्के चोगुम्बे़ल्ले़ खे़ने़ॽ साॽरिक्के के़सिक् पोक् हे़क्क्याङ् आनिगे के़रे़क् खाप्पुथ्यःङ् आगे़जोःक्काङ् आत्तिन्हाॽआङ् हिङ्मा याप्मि के़म्बाङ्ने़न्॥
Piblisite