ए़ज्रा 7:1 - लिम्बु1 यरिक् तङ्बे एगाङ् अर्तासास्ते़न् फारस लाजेॽबा पयम् हाङ् वये़ल्ले़ ए़ज्रा मिङ् के़वाःप्पा मनाधिक् वये़॥ खुने़ॽ कुम्बा कुन्धे़बा, तुम् निङ्वाॽफुसाम्बा हारुन थारिक् अक्खेलॽरिक् कुधाःक्मिङ् वये़—ए़ज्रान् सरायाहःल्ले़ कुस्सा वये़॥ सरायाहन् अजर्याहःल्ले़ कुस्सा वये़॥ अजर्याहन्, हिल्कियाहःल्ले़ कुस्सा वये़॥ Gade chapit la |
“साङ्ग्राम्पेदाङ्बा निङ्वाॽफुमाङ्ङिल्ले़ कुसाम्योथिम् इङ्जाङ्ङोबा साम्योथिम्साम्बा इग्र निङ्वाॽफुसाम्बा ए़ज्राःल्ले़ नाःक्तुबा के़रे़क् चिगक्वाहाॽ पिरे़म्मे़ॽ फाॽआङ् नाम्धा-युफ्रेतिस ते़ङ्गप्पोबा के़रे़क् हाङ् याङ् याङ्मादे़न्नोबा याङ्गे़युङ्बाहाॽ आङ्गाॽ हाङ् अर्तासास्ते़ल्ले़ इङ्जाङ् पिनिङ्,
यहुदि लाम्लोबाहाॽरे़ माङ्निङ्वाॽपान् के़बाःप्पा हाग्गै नु इद्दोरे़ कुधाःक् जकरियालाम्बा आःन्छिङ्मा मे़घोसुआङ् माङ्हिम् चोःक्मा याःम्बक्किन् नुरिक्काङ् तगि मे़भोसु॥ इस्राइलबा निङ्वाॽफुमाङ्ङिल्ले़ कुइङ्जाङ् हे़क्क्याङ् फारस लाजेॽबा कोरेस, दारा नु अर्तासास्त हाङ्हाॽरे़ खुन्छिॽ इङ्जाङ् कुइसिक् खे़ङ्हाॽरे़ माङ्हिम्मिन् मे़जोगु मे़सुरु॥
लाम्धेःत्तो इक्कोमा याःम्बक् के़जोःक्पा ले़बिहाॽरे़ मनस्से, एफ्राइम नु इस्राइलओ के़दाङ्बा के़याःक्पा के़रे़क् मनाहाॽलाम्, हे़क्क्याङ् यहुदा, बेन्यामिन नु यरुसले़ःम्बा के़रे़क् मनाहाॽलाम् मे़भोक्खुआङ् यहवे दाङ्बे़ल्ले़ कुहिम्मो मे़दारुबा याङ्हाॽ खे़ङ्हाॽरे़ मे़दाःक्तु हे़क्क्याङ् तुम् निङ्वाॽफुसाम्बा हिल्कियाहओ मे़बेआङ् खुने़ॽ मे़बिरु॥
याम्मो अर्तासास्त, फारस लाजेॽबा पयम् हाङ्ङिल्ले़ कुहाङ्युक् चोःक्मा ये़म्मो विस्लाम, मित्रेता, ताबेल नु खे़ल्ले़ कुन्जुम्हाॽरे़ पयम् हाङ्ङिन् लत्छा सक्इङ्घङ् मे़हाक्तु॥ खे़न् सक्इङ्घङ्ङिन् अरामि पाःन्दाङ्ङो मे़साप्तुआङ् वये़ हे़क्क्याङ् मे़निरुल्ले़ पाःन्ले़ङ्मा के़बोङ्बा पोःक्खे़आङ् वये़॥
नुसि ला तोॽरुल्ले़ इस्राइलिहाॽ आबाङे खुनिॽ ये़क्यक्हाॽओ युङ्मा मे़हेःक्ते़आङ् वये़॥ खे़ङ्हाॽ के़रे़क् यरुसले़ःम्मो च्वाःत् लाम्धेःप्पाल्ले़ सिगाङ् ले़प्माङ्बा लक्खुम्मो थिक्हुप् मे़बोःक्खे़आङ् मे़जुप्से़॥ यहवे दाङ्बे़ल्ले़ मोसाःल्ले़ कुहुक्लाम्बा इस्राइलिहाॽ पिरुसिबा साम्योथिम् इङ्जाङ्ङिल्ले़ साप्पन्निन् साम्योथिम्साम्बा ए़ज्रान् खे़ङ्हाॽरे़ ताःप्मा मे़बाङ्घु॥