कल्ले़चोगुल्ले़ आल्ल आदाङ्बा हाङ्ङे! आदाङ्बारे़ याप्मि लुङ्माॽ के़दुक्ने़भग्र, बेबिलोनओ के़ने़बा हाङ् साप्लामुधिङ्हाॽ ओमे़प्मा पोङ्ॽ हे़क्क्याङ् कोरेस हाङ्ङिल्ले़ कन् यरुसले़मबा माङ्हिम्मिन् याम्मो चोःक्मा इङ्जाङ् पिरुसिबाबि मेःम्बि, खे़न् कुसिङ् निःप्मा पोङ्ॽ॥ खे़न् एगाङ् खे़ल्ले़ कुयाःम्बेओ आदाङ्बारे़ आक्तङ्बा के़निङ्वाॽ पोङ्ॽ, खे़न् आनिगे याप्मि आमे़त्ते़ॽओ॥
ए़ज्रा 6:1 - लिम्बु1 दारा पयम् हाङ्ङिल्ले़ बेबिलोनबा थाःङ्ङो मे़ने़स्सुबा हाङ् साप्मुन्धुम् साप्लाहाॽ मे़गोःत्तुर फाॽआङ् मुरा मे़त्तुसि॥ Gade chapit la |
ए़ज्रा 6:1
16 Referans Kwoze
आदाङ्बारे़ के़म्बा के़न्धे़बासिरे़ मे़साप्तु मे़ने़स्सुबा हाङ्जुम्मोबा साप्लामुन्देहाॽओ कोःप्मा पाङ्घे़से़ॽ॥ कन् यरुसले़म ये़क्यक्किन् आभे़ल्ले़साङ् पिफ्युङ् के़जोःक्पा ये़क्यक् नु उन्छेःन्बा ये़म्माङ्धोए हाङ् नु ते़ङ्गप्पोबा युक्साबाहाॽ ये़त्तुक्खे के़जाःप्पा वये़बा पाःन्निन् आदाङ्बारे़ निङ्वाॽ के़घोसुॽ॥ कन् ये़क्यक्कोबा मनाहाॽ युक्को कप्मासि आभे़ल्ले़साङ् के़साक्पा पोःक्खे़आङ् वाॽ॥ खे़ल्ले़चोगुल्ले़ ये़क्यक्किन् खाप्पुथ्यःङ् मे़जोगुआङ् वये़॥
खे़ल्ले़चोगुल्ले़ यर्मियाःल्ले़ वेॽ साप्लाथङ्मा थिक् तारु हे़क्क्याङ् नेरियाहःल्ले़ कुस्सा कुसुहाङ्मिबा बारुक्के़न् मे़त्तुर साप्मा पाङ्घु॥ खे़ब्याङ् यहुदाबा हाङ् यहोयाकिमे़ल्ले़ हाःन्दुदेसुबा साप्लाथःङ्मो पत्छे़बा के़रे़क् पाःन्हाॽ बारुक्के़ल्ले़ साप्तु॥ वेॽ यरिक् पाःन्हाॽग कन् ये़म्मोरक् खुने़ॽ योॽरुरो॥
खे़ब्याङ् खे़ने़ॽ यहुदाबा हाङ् यहोयाकिमे़न् अक्खे मे़त्ते़ॽ, ‘यहवे दाङ्बे़ल्ले़ अक्खे पाःत्तुॽ, खे़ने़ॽ खे़न् साप्लाथःङ्मे़न् के़हाःन्दु के़देसु, हे़क्क्याङ् के़बाःत्तु, “बेबिलोनबा हाङ्ङिन् फे़न्नाङ् कन् लाजेन् खाप्पुथ्यःङ् चोगुॽ, हे़क्क्याङ् खे़ल्ले़ थक्साहाॽ नु मनाहाॽ से़रुसिॽ फाॽआङ् खे़ने़ॽ थेआङ् खे़प्मो के़साप्तु?”
नुसि ये़न् थारिक् खे़ङ्हाॽरे़ निङ्वाॽ हाङ्हाङ् सिदाॽ मे़म्भःन्नेबा खरे़ःङ् चामा तङ्नाम्मिन् मे़दोसु॥ खे़ङ्हाॽ निङ्वाॽ ये़ये़ मे़लॽरे़आङ् मे़वये़ थेआङ्भे़ल्ले़ निङ्वाॽफुमाङ्ङिल्ले़ अस्सुरबा पयम् हाङ्ङिन् खे़ङ्हाॽ लुङ्माॽ के़दुक्पा चोगुआङ् वये़ हे़क्क्याङ् खे़ल्ले़ इस्राइलबा निङ्वाॽफुमाङ्ङिल्ले़ कुहिम्मिन् चोःक्मा खे़ङ्हाॽ फाॽरुसिआङ् वये़रो॥
कन् पाःन्नो निङ्वाॽ पिरे़ॽ हे़क्क्याङ् कुसिङ्निःत्ते़ॽ, यरुसले़ःम्मिन् याम्मो चोःक्मा नु याम्मो तोःम्मारे़ लागि कन् इङ्जाङ्ङिन् इङ्भन् पोःक्खे़बा ये़म्माङ्धो माङ्थोःक्ना के़बोङ्बा मनान्, इग्र युक्साबा थिक् मे़न्दाए थारिक्, नुसि ‘नुसिहाॽ’ नु तुक्पोङ्ङाङ् ने़त्छि ‘नुसिहाॽ’ पोङ्ॽ॥ माराम्हाॽ नु ये़क्यक् कब्रिङ् पाक्लुम् के़लॽबा ते़न्हाॽ सोसोरिक् कन् याम्मो मे़जोगुॽ, कर तुक्खेलाक्खेबा ये़म् पोङ्ॽ॥
Piblisite