ए़ज्रा 3:2 - लिम्बु2 खे़ब्याङ् निङ्वाॽफुमाङ्ङिल्ले़ कुमनाहाॽ मोसाःल्ले़ पिरुसिबा साम्योथिम् इङ्जाङ्ङो साप्ते़आङ् के़बप्पा इङ्जाङ् कुइसिक् खे़ङ्हाॽरे़ खे़प्मो खुन्छिॽ ले़त्तिहाॽ तोःम्मारे़ लागि योसादाके़ल्ले़ कुस्सा येसुआन्, खुने़ॽ कुन्देङ् कुन्जुम् निङ्वाॽफुसाम्बाहाॽ, सालतिएलरे़ कुस्सा यरुबाबेल नु खुने़ॽ कुगाॽइहाॽरे़ इस्राइलबा निङ्वाॽफुमाङ्ङो ले़त्ति तोःम्मादे़न् मे़जोगु॥ Gade chapit la |
ए़ज्रा 3:2
33 Referans Kwoze
कल्ले़चोगुल्ले़ यहवे दाङ्बे़ल्ले़ सालतिएलरे़ कुस्सा यहुदाबा हाङ्युक्पा यरुबाबेले़न् नु यहोसादाकरे़ कुस्सा तुम् निङ्वाॽफुसाम्बा यहोसुन् हे़क्क्याङ् के़वाॽबा के़याःक्पा मनाहाॽ खुन्छिॽ सिक्समे़र याःन्दुसि॥ खे़ङ्हाॽ मे़भे़रे़आङ् मुक्साम्दाङ्बा यहवे दाङ्बा खुन्छिॽ निङ्वाॽफुमाङ्ङिल्ले़ कुहिम्मो याःम्बक् चोःक्मा मे़हेःक्ते़॥
खे़ब्याङ् यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्ङिल्ले़ हाग्गैन् पाङ्घुबाल्ले़ चोगुल्ले़, सालतिएलरे़ कुस्सा यरुबाबेल, यहोसादाकरे़ कुस्सा तुम् निङ्वाॽफुसाम्बा यहोसुन् नु के़वाॽबा के़याःक्पा के़रे़क् मनाहाॽरे़आङ् यहवे दाङ्बा खुन्छिॽ निङ्वाॽफुमाङ्ङिल्ले़ कुइक्लान् हे़क्क्याङ् माङ्निङ्वाॽपान् के़बाःप्पा हाग्गैःल्ले़ कुइङ्घङ्ङिन् मे़इःत्तु मे़नाःत्तु॥ खम्भ्याङ् मनाहाॽ यहवे दाङ्बे़न्नु मे़गिसे़रो॥
माङ्हिम् मे़जोगुबादे़न् यरुसले़ःम्मो खे़ङ्हाॽ मे़गे़रे़ मे़द्ये़बा निसिगेक्पा तङ्बेओबा निसिगेक्पा लाओ खे़ङ्हाॽरे़ याःम्बक् चोःक्मा मे़हेःक्तु॥ यरुबाबेल, येसुआ नु खे़ङ्हाॽरे़ के़रे़क् आबाङे खुन्छिॽ लाजेॽबा तेःङ्जुम्हाॽ, निङ्वाॽफुसाम्बाहाॽ हे़क्क्याङ् ले़बिहाॽ नु से़क्खाःल्ले़ मे़दे़म्सु मे़देॽरुसिबालाम् यरुसले़ःम्मो के़नुःङ्बा के़दाबा के़रे़क् मनाहाॽ खे़न् याःम्बक्को मे़भन्छिङ्॥ निबोङ् तङ्बे इग्र खे़न्नुःल्ले़ यरिक् तङ्बे के़गे़प्पा के़रे़क् ले़बिहाॽ माङ्हिम्मिन् याम्मो चोःक्मा याःम्बक्को लक्पे़न्साबा पोङ्मारे़ लागि मुरा मे़मे़त्तुसि॥
Piblisite