ए़ज्रा 2:1 - लिम्बु1 मे़दे़म्सु मे़देॽरुसिआङ् के़वाॽबा यरिक् यहुदिहाॽ बेबिलोन ते़ङ्गपलाम्बा यरुसले़म नु यहुदाओ मे़नुःक्खे़ हे़क्क्याङ् खुन्छिॽ आबाङे ये़क्यक्हाॽओ मे़बे॥ नबुकदनेसर हाङ्ङिल्ले़ ते़म्सु तेॽरुसिबा ये़म्माङ्धो खे़न् ये़म्मो थारिक् खे़ङ्हाॽरे़ खुन्छिॽ हिम्सयङ्हाॽ बेबिलोनओ मे़याःक्ते़आङ् मे़वये़॥ Gade chapit la |
ए़ज्रा 2:1
27 Referans Kwoze
खे़न् यहुदा हिम्सयङ्बा के़हिङ्बा के़याःक्पाहाॽरे़ लागि पोङ्लो, खे़प्मो खे़ङ्हाॽरे़ मे़ल्लुक् चाराम्दे़न् मे़घोसुरो॥ युःन्छिक् खे़ङ्हाॽ अस्कलोनबा हिम्हाॽओ मे़इम्लो॥ यहवे खुन्छिॽ निङ्वाॽफुमाङ्ङिल्ले़ खे़ङ्हाॽ ओमे़त्तुसि कम्ब्राङ् मे़त्तुसिरो खुने़ॽ खे़ङ्हाॽ नुॽमादामे़न् याम्मो नुःक्तु पिरुसिरो॥
खे़ल्ले़ कुनिङ्मिहाॽ खुने़ॽ कुन्दाङ्बा मे़बोःक्खे़आङ् मे़वाॽरो, खे़ल्ले़ कुअत् कुबाङ्हाॽ मे़नाःम्सिङ्ङाङ् मे़वाॽरो॥ खे़ल्ले़ यरिक् कुलायोहाॽरे़ चोगुल्ले़ यहवे दाङ्बे़ल्ले़ खे़न् तुक्खेओ थासुबारो, खे़ल्ले़ अङे़ःक्वा कुस्साहाॽ निङ्मिहाॽरे़ खुन्छिॽ तगि पुङ्लाहिम्मो मे़दे़म्सु मे़देॽरुसिआङ् मे़वाॽरो॥
खे़न् एगाङ् सुम्सिगेक्पा ला, इग्र सिवान लाओबा निबोङ्ङाङ् सुम्सिगेक्पा ये़न्नो हाङ्ङिल्ले़ कुसुहाङ्मिबाहाॽ मे़उःत्तुसि॥ मोर्दकैःल्ले़ यहुदिहाॽ इङ्जाङ् पिरुसिबा कुइसिक् भारत लाजेॽआङ् कत्ना इथियोपिया लाजेॽ थारिक्पा १२७ ते़ङ्गप्हाॽओबा यम्बा सुहाङ्गे़म्बाहाॽ, चुक्सा हाङ्हाॽ नु तुम्म्याङ्हाङ्हाॽरे़ खुन्छिॽ लागि ते़ङ्गप् थक्माबा आप्फेक् आप्फेक् खुन्छिॽ सक्सक् कुइसिक् नु सुवाङ् थक्माबा खुन्छिॽ आप्फेक् पाःन्दाङ्हाॽओ हे़क्क्याङ् यहुदिहाॽरे़ लागिआङ् खुन्छिॽ आप्फेक् सक्सक् नु पाःन्दाङ्ङो लत्छा साप्मनाबा हाङ्इङ्जाङ् मे़लःत्तु॥
खे़प्मो हाःत्ताङ् कुसिराॽ मे़न्धाङ्ङे थुङ्बाङ्मा थिम् होःप्ते़॥ के़रे़क् मनाहाॽरे़ खुन्छिॽ सिराॽथाङ्मा नु मे़न्धाङ्मा पाःन्निन् कुसिङ् निःप्मा पोङ् हे़क्क्याङ् मनाहाॽरे़ खुन्छिॽ थुङ्धुङ् पिमासि पोङ् फाॽआङ् हाङ्ङिल्ले़ सेजःङ्वा के़हाबा के़रे़क् से़वारोबाहाॽ इङ्जाङ् पिरुसिआङ् वये़॥
खुने़ॽ हाङ्युक् चोगुबा सुम्सिगेक्पा तङ्बेओ खुने़ॽ के़रे़क् कुदुम्म्याङ्हाॽ नु कुसुहाङ्युक्पाहाॽ लत्छा यम्बा साभःङ्जा चाःत्तुसि॥ फारसि नु मादि लाजेॽबा थक्सुबाहाॽरे़ खुन्छिॽ लाम्लोबाहाॽ, मिङ्सोदाङ्बाहाॽ हे़क्क्याङ् ते़ङ्गप् ते़ङ्गप्पोबा तुम्म्याङ्हाङ्हाॽ खुने़ॽ कुदगि मे़जुप्से़आङ् मे़वये़॥
“यहुदा ते़ङ्गप्पो आनिगे पेगिगे़ हे़क्क्याङ् पयम् यम्बा निङ्वाॽफुमाङ्ङिल्ले़ कुहिम्मिन् मे़जोगुर मे़यागे़बा निसुम्बे़॥ कन् पाःन्निन् आदाङ्बा पयम् यम्बा हाङ्ङिल्ले़ कुसिङ् के़निःत्तुर के़लॽबा निङ्वाॽ इःत्तुम्बे़॥ यम्बयम्बा लुङ्हाॽ मे़से़त्तुर लुङ्धाक्को पे़रे़म्सिङ्हाॽ मे़याक्तुर मे़यागे़॥ साॽरिक् सिङ्सिङ् ये़क्ये़क्काङ् याःम्बक्किन् पोङ्ल पत् खे़ब्याङ् चक्मे़ल्लॽए तगि पोर पत्॥
खे़न् एगाङ् मे़दे़म्सु मे़देॽरुसिबालाम् के़नुःङ्बा के़भे़म्बा के़रे़क्ले़ इस्राइलबा निङ्वाॽफुमाङ्ङो मिधिङ्मनादेमनाबा सिदुङ्जभा तोःम्मारे़ लागि खुन्छिॽ सिदुङ्भजाहाॽ मे़दारु॥ खे़ङ्हाॽरे़ के़रे़क् इस्राइलरे़ लागि थिबोङ्ङाङ् ने़त्छि से़गम्बा पित्, फाङ्बोङ्ङाङ् तुक्सि यम्बा मे़ल्लुक् नु नुबोङ्ङाङ् नुसि थुःम्बा सिदुङ्जभा मे़जोगु॥ खे़ङ्हाॽरे़ थिबोङ्ङाङ् ने़त्छि मे़ःन्दबकाआङ् आबाङे लायोलाम् सुत्थो मे़जोक्सिङ्ल मिधिङ्मनादेमनाबा सिदुङ्जभा मे़दोन्दु॥ कन् के़रे़क् थक्साहाॽ यहवे दाङ्बाओ मिधिङ्मनादेमनाबा सिदुङ्जभा मे़दोन्दुसि॥
इस्राइलबा के़रे़क् मनाहाॽरे़ खुन्छिॽ मिङ्हाॽ खे़ङ्हाॽरे़ खुन्छिॽ थाःक् कुइसिक् मे़निरु॥ कन् पाःन्निन् इस्राइलबा हाङ्हाॽरे़ खुन्छिॽ मिङ्स्रा साप्पन्नो मे़भत्छुआङ् पत्छे़॥ यहुदाबा मनाहाॽ नसाःन्साबा मे़म्बोःक्खे़न्बाल्ले़ चोगुल्ले़ खुम्दिङ् मे़घोसुआङ् लाजेॽलाम् मे़लःत्तु मे़देॽरुसिआङ् बेबिलोनओ मे़वये़रो॥
निङ्वाॽफुसाम्बा, ले़बि हे़क्क्याङ् कुभा मनाहाॽ यरुसले़म नु खे़ल्ले़ कुबेसाङ्बा ते़न्हाॽओ मे़युङ्सिङ्॥ साम्गे़लोबाहाॽ, इक्के़गोबाहाॽ नु माङ्हिम्मो याःम्बक् के़जोःक्पाहाॽ आम्भा खे़ल्ले़ कुबेसाङ्बा ये़क्यक्को मे़युङ्सिङ् हे़क्क्याङ् वेॽ के़रे़क् इस्राइलिहाॽ आबाङे खुन्छिॽ पाधे़बाहाॽ मे़युङे़बा ये़क्यक्हाॽओ युङ्मा मे़हेःक्ते़रो॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
Piblisite