यहवे दाङ्बे़ल्ले़ कुमिक्साओ खिनिॽ फे़न्याःम्बक् के़जोगुम्माङ् खिनिॽ के़रे़क् लायोल्ले़ चोगुल्ले़ खुने़ॽ कुसाक्के़न् के़भोःक्खुम्॥ खे़ल्ले़चोगुल्ले़ तगिबा हे़क्के से़न्दिक् ले़न्दिक् लिबोङ् ये़न् थारिक् यहवे दाङ्बे़ल्ले़ कुदगि ले़म्बे़त् ने़स्साङ्गराङ्॥ आङ्गाॽ खरे़ःङ् इग्र च्वाःत् मे़न्जाबा मे़न्धुङ्बा॥
ए़ज्रा 10:6 - लिम्बु6 हे़क्क्याङ् खे़न् माङ्हिम्मिल्ले़ कुदगिलाम् एल्यासिबरे़ कुस्सा यहोहानानरे़ कुयाक्फाङ्ङो पे हे़क्क्याङ् मे़दे़म्सु मे़देॽरुसिबालाम् के़नुःङ्बा के़भे़म्बा मनाहाॽ नसाःन्साबा मे़होप्ते़बाल्ले़ चोगुल्ले़ खुने़ॽ मे़रिङ् थक्नु से़न्दिक् नाम्दाःत्तात् युङे़आङ् खाओःन्दु॥ खुने़ॽ थेआङ् मे़जने़न् मे़धुङुन्॥ Gade chapit la |
ए़ज्रा 10:6
16 Referans Kwoze
एल्यासिब, योयादा, योहानान नु येद्दुअ तुम् निङ्वाॽफुसाम्बाहाॽरे़ खुनिॽ हिङ्मन्नो ले़बि नु निङ्वाॽफुसाम्बा हिम्सयङ्बा सुभाहाॽरे़ खुनिॽ मिङ्स्रा मे़युक्खु मे़बिरुसिआङ् मे़वये़॥ फारस लाजेॽओ पयम् हाङ् दाराःल्ले़ हाङ् चोगुबा ये़म्मोआङ् खे़ङ्हाॽरे़ खुनिॽ मिङ्स्रान् मे़साप्तु मे़सुरुआङ् ने़स्से़॥
तुम् निङ्वाॽफुसाम्बा एल्यासिबे़न् नु निङ्वाॽफुसाम्बा कुन्जुम्हाॽ मे़दङ्सिङ्ङाङ् मे़ल्लुक् लाम्धेःप्पान् मे़जोगु, हे़क्क्याङ् खे़ॽयोबा पयम् लाम्धेःप्पाहाॽ मे़जोगु॥ हे़क्केलॽरिक् खे़ङ्हाॽरे़ लुङ्धाक्किन् किप्थिक् चङ्हिम् मे़प्मनाबा नु हननेलरे़ कुजङ्हिम् थारिक् चाःङ्वा मे़मे़त्तुर मे़देॽरु हे़क्क्याङ् खे़न्निन् मे़जोगुआङ् मे़दोन्दु॥
खुने़ॽ माङ्हिम्मोबा यम्बा कुजा युङ्मादे़न्धिक् ओगाप् चोःक्मारे़ लागि तोबियान् पिरु॥ तगि माङ्हिम्मो ताःप्मनाबा कुजा सिदुङ्जभा, सुक्पा, निङ्वाॽफुसाम्बाहाॽ पिमनासिबा सामाहाॽ, थिबोङ् लक्हाॽ हे़क्क्याङ् ले़बिहाॽ, साम्गे़लोबाहाॽ नु लाम्धेत् के़गोबाहाॽ पिमनासिबा कुजा थिबोङ् लक्हाॽ, चे़ल्ले़क्सेॽ थि, पे़ःङ्वालिःत्छेॽ निःङ्गेॽ नु थेयावयाहाॽ युङ्मारक् खे़न् याक्फाङ्ङिन् ओगाप् पोःक्खे़आङ् वये़॥
ए़ज्रान् माङ्हिम्मिल्ले़ कुदगि कुधे़गेःक्किन् तर्घुॽ मे़त्तुआङ् पेलिगे़न् तुवा चोःक्नु, हाबे़र खे़ङ्हाॽरे़ लायो मे़जोगुबाए फाॽआङ् पाःत्तुर युङे़॥ इस्राइलबा ये़म्बित्छा, मे़न्छुमा नु हिन्जाॽबित्छाॽहाॽरे़न् लत्छा यम्बा मनालुप् थिक् खुने़ॽ कुघिरि मे़जुप्से़॥ मना लुप्पोबा मनाहाॽआङ् खुन्छिॽ निङ्वाॽ लोरे़र मे़हाबे़र मे़ये़बे़॥
हे़क्क्याङ् मे़दे़म्सु मे़देॽरुसिबालाम् के़नुःङ्बा के़भे़म्बा मनाहाॽरे़ मे़जोगुबा लायोल्ले़ चोगुल्ले़ इस्राइलबा निङ्वाॽफुमाङ्ङिल्ले़ पाःत्तुबा पाःन्जाःक्लाम् के़गिबा मनाहाॽ आङ्गाॽ आगब्रिङ् चुम्मा मे़हेःक्ते़॥ आङ्गाॽ युःन्छिक् सिदुङ्जभा तोःम्मा ये़म् थारिक् मे़रिङ् थक्नु खे़प्मोए युङाङ्॥
Piblisite