ए़ज्रा 10:1 - लिम्बु1 ए़ज्रान् माङ्हिम्मिल्ले़ कुदगि कुधे़गेःक्किन् तर्घुॽ मे़त्तुआङ् पेलिगे़न् तुवा चोःक्नु, हाबे़र खे़ङ्हाॽरे़ लायो मे़जोगुबाए फाॽआङ् पाःत्तुर युङे़॥ इस्राइलबा ये़म्बित्छा, मे़न्छुमा नु हिन्जाॽबित्छाॽहाॽरे़न् लत्छा यम्बा मनालुप् थिक् खुने़ॽ कुघिरि मे़जुप्से़॥ मना लुप्पोबा मनाहाॽआङ् खुन्छिॽ निङ्वाॽ लोरे़र मे़हाबे़र मे़ये़बे़॥ Gade chapit la |
ए़ज्रा 10:1
29 Referans Kwoze
खे़ने़ॽ के़से़वारोबान् नु के़मना इस्राइलिहाॽरे़ कन् ते़न्नो ले़प्माङ् मे़हिसिङ्ङाङ् तुवा मे़जोःक्किल्ले़ खे़ङ्हाॽरे़ खुन्छिॽ चुङ्जिगे़न् नःम्नःम्बा पेलिन् खे़प्से़ॽओ॥ खे़ने़ॽ के़युक्नादे़न् साङ्ग्राम्पेदाङ्लाम् खे़प्से़ॽओ, खम्भ्याङ् आल्ल खे़ने़ॽ के़घे़प्सुल्ले़, खे़ङ्हाॽ ले़प्मि पिरे़से़ॽओ॥
हे़क्क्याङ् हाङ्युक्पा नहेम्याह, साम्योथिम्साम्बा निङ्वाॽफुसाम्बा ए़ज्रा नु निसाम् के़हुॽबार के़बप्पा ले़बिहाॽरे़ खे़ङ्हाॽ के़रे़क् मे़मे़त्तुसि, “आइन्बा ये़न्निन् आनिॽ यहवे दाङ्बा निङ्वाॽफुमाङ्ङिल्ले़ कुलागि सेसे चोक्॥ आइन् खिनिॽ हाःप्मा फिःक्मा मे़नुॽने़न्॥” थेआङ्भे़ल्ले़ साम्योथिम् इङ्जाङ्ङोबा पाःन्जाःक्किन् मे़घे़प्सुआङ् खे़ङ्हाॽ के़रे़क् मे़हाबे़र मे़ये़बे़॥
हे़क्क्याङ् आङ्गाॽ दाउदरे़ कुहिम्सयङ् नु यरुसले़म के़युङ्बाहाॽओ लुङ्गुम् हे़क्क्याङ् पेलिगे़न् तुवा के़जोःक्पा याम्साम्मिन् पाङ्घुङ् युसुङ्ॽ॥ खे़ङ्हाॽरे़ मे़धुबुबान् ओमे़मे़त्तु, हे़क्क्याङ् लत्थिक्पा साःल्ले़ कुलागि कुभा मे़रिङ् थक्पा कुइसिक् खुने़ॽ कुलागि खे़ङ्हाॽ मे़रिङ् मे़धक्, तुम्बा साःल्ले़ कुलागि मे़रिङ् मे़धक्पा कुइसिक् खे़ङ्हाॽ साॽरिक् मे़रिङ् मे़धक्लो॥
साप्मनाबा साप्लाओ अक्तङ्बा पत्छे़, “आनिगे निङ्वाफुसाम्बाहाॽ, ले़बिहाॽ, लाम्धेत् के़गोबाहाॽ, साम्गे़लोबाहाॽ, माङ्हिम्मो याःम्बक् के़जोःक्पाहाॽ नु वेॽ इस्राइलिहाॽ हे़क्क्याङ् आबाङे मेःत्हाॽ खे़ब्याङ् कुसिङ् के़निःप्पा हिन्जाॽबित्छाॽ खक्पे़त्ले़, निङ्वाॽफुमाङ्ङिल्ले़ कुसाम्योथिम् इङ्जाङ्ङिन् इःप्मा नाःप्मारे़ लागि आबाङे लाजेॽओ थिम्मे़न्दङ् सुवाङ्हाॽलाम्बा लाःत्लाःत् पोङ्मा याःम्बक् चोगुम्बे़आङ् वयिगे़॥
‘के़साक्पा तुक्खे आनिगे सम्धाङ् पोङ्दाने़भग्र, इग्र खासे़न्ले़ ताभेन् किग्र माङ्दुक्मा ताने़भग्र, साक्वान् पोःक्ने़भग्र, आदाङ्बारे़ के़मिङ् के़वाॽबा कन् माङ्हिम्मे़ल्ले़ कुदगि आदाङ्बारे़ के़दगि ये़म्मादिगे़रो॥ खम्भ्याङ् आनिगे के़साक्पा तुक्खेओ आदाङ्बा पेलि फाक्कासिगे़ॽ, हे़क्क्याङ् आदाङ्बारे़ आनिगे पेलिन् के़घे़प्सुआङ् आनिगे आग्से़ःप्॥’
यहवे दाङ्बे़ल्ले़ खुने़ॽ मे़त्तुरो, “खे़ने़ॽ आङ्गाॽ आदगि के़दोःन्दुबा तुवान् नु पेलि के़भाक्ताङ्बान् आङ्गाॽ खे़प्सुङ्॥ खे़ने़ॽ के़जोगुबा कन् माङ्हिम्मिन् आङ्गाॽ सेसे चोगुङ्ङाङ् युङ्ॽ, हे़क्क्याङ् सदादिङ्ले़ लागि आङ्गाॽ आमिङ्ङिन् कॽयो युक्खुङ्ङाङ् युङ्ॽ॥ आङ्गाॽ आमिक्किन् नु आङ्गाॽ आयाम्साम्मिन् आभे़ल्ले़साङ् खे़प्मो वाॽ॥
ये़म्बित्छा नु मे़न्छुमा, हिन्जाॽबित्छाॽ नु खिनिॽ ये़क्यक्को के़वाॽबा वेॽ लाजेॽबाहाॽ के़रे़क् सुप्से़म्सिम्मे़ॽ, हे़क्क्याङ् खे़ङ्हाॽरे़ मे़घे़प्सुआङ् यहवे दाङ्बा खिनिॽ निङ्वाॽफुमाङ्ङिन् किप्मा नु कन् साम्योथिम् इङ्जाङ्ङोबा के़रे़क् पाःन्जाःक्हाॽ सिङ्सिङ् ये़क्ये़क्काङ् इःप्मा नाःप्मा मे़हुॽसिङ्ल॥
हे़क्क्याङ् खे़न् माङ्हिम्मिल्ले़ कुदगिलाम् एल्यासिबरे़ कुस्सा यहोहानानरे़ कुयाक्फाङ्ङो पे हे़क्क्याङ् मे़दे़म्सु मे़देॽरुसिबालाम् के़नुःङ्बा के़भे़म्बा मनाहाॽ नसाःन्साबा मे़होप्ते़बाल्ले़ चोगुल्ले़ खुने़ॽ मे़रिङ् थक्नु से़न्दिक् नाम्दाःत्तात् युङे़आङ् खाओःन्दु॥ खुने़ॽ थेआङ् मे़जने़न् मे़धुङुन्॥
खे़ब्याङ् यहोसुःल्ले़ कुजाङ्हाॽ थे़ःक्खु हे़क्क्याङ् यहवे दाङ्बे़ल्ले़ कुमाङ्हुप् सन्दोक्किल्ले़ कुदगाङ् युःन्छिक् थारिक् खाम्बाङ्ङो साबन् हबत् फन्छिङ्॥ हे़क्क्याङ् खुने़ॽ नु इस्राइलबा साम्योसिक्साम्बाहाॽरे़ खुन्छिॽ थे़गेक्पान् खाम्भुत्राःल्ले़ मे़जुःत्तुआङ् आम्भा मे़युङे़ मे़गरे़॥
Piblisite