ए़ज्रा 1:5 - लिम्बु5 खे़ब्याङ् यहुदा नु बेन्यामिन सुवाङ्समा तुम्भाक्पाहाॽ, निङ्वाॽभुसाम्बाहाॽ नु ले़बिहाॽ हे़क्क्याङ् निङ्वाॽफुमाङ्ङिल्ले़ खुन्छिॽ सिक्लुङ्मो सिक्सम्मा निङ्वाॽ पिरुसिआङ् के़वाॽबाहाॽ के़रे़क् यरुसले़ःम्मो पेःक्माआङ् यहवे दाङ्बाल्ले़ कुहिम्मिन् याम्मो चोःक्मा यारिप् मे़बोःक्खे़॥ Gade chapit la |
हे़क्क्याङ् आङ्गाॽ निङ्वाॽफुमाङ्ङिल्ले़ यरुसले़ःम्मो थे चोःक्से़ पाङ्घाङ्बा फाॽआङ् खे़ल्ले़ कुयाःम्बेओ हाःत्ताङ् थेआङ् मे़म्मे़त्छिङ्बा॥ खे़ब्याङ् से़त्लुम्भक्ते़ल्ले़ कुभा मनाहाॽ चुम् तेॽरुङ्सिङ्ङाङ् आङ्गाॽ लाःक्कात् लःन्दाङ्॥ आङ्गाॽ युक्तुङ्बा लत्छा अदङ्धिक्लक् वये़ वेॽ थक्सा आनिगे मे़गत्तुम्बे़न्॥
फारसबा हाङ् कोरेसे़ल्ले़ हाङ्युक् चोगुबा थिक्सिगेक्पा तङ्बेओ यर्मियाःल्ले़ पाःत्तुबा यहवे दाङ्बे़ल्ले़ कुबाःन्जाक्के़न् के़प्मारे़ लागि यहवे दाङ्बे़ल्ले़ फारसबा हाङ् कोरेसे़न् कुसिक् के़सम्बा चोगु॥ हे़क्क्याङ् खुने़ॽ कुहाङ्जुम्मो के़रे़क् कुम्ब्राःल्ले़ए पाःत्तुआङ् हे़क्क्याङ् साप्तुआङ् अक्तङ्बा उवा चोगुरो—
“फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥
वेॽ लाजेॽओ मे़दे़म्सु मे़देॽरुसिबा खुने़ॽ कुभा कुमनाहाॽ नुःङ्मा फे़म्मारे़लागि फाॽमासि चाहाब् मे़जोक्ने़भग्र खुन्छिॽ पाङ्भेॽसाबाहाॽरे़ खे़ङ्हाॽ मे़भाॽरुसिर॥ खुन्छिॽ पाङ्भेॽसाबाहाॽरे़ खे़ङ्हाॽ साम्म्याङ्, युप्पा, चिगक्वाहाॽ हे़क्क्याङ् हिम्मो हिम्थक्साहाॽ नु यरुसले़ःम्मो निङ्वाॽफुमाङ्ङिल्ले़ कुहिम्मो तोःम्मारे़ लागि हुक्वा मे़बिरुसिर॥”
कल्ले़चोगुल्ले़ यहवे दाङ्बे़ल्ले़ सालतिएलरे़ कुस्सा यहुदाबा हाङ्युक्पा यरुबाबेले़न् नु यहोसादाकरे़ कुस्सा तुम् निङ्वाॽफुसाम्बा यहोसुन् हे़क्क्याङ् के़वाॽबा के़याःक्पा मनाहाॽ खुन्छिॽ सिक्समे़र याःन्दुसि॥ खे़ङ्हाॽ मे़भे़रे़आङ् मुक्साम्दाङ्बा यहवे दाङ्बा खुन्छिॽ निङ्वाॽफुमाङ्ङिल्ले़ कुहिम्मो याःम्बक् चोःक्मा मे़हेःक्ते़॥