आङ्गाॽ आसे़वारोबाहाॽरे़ खुन्छिॽ पाःन्निन् निःन्धो चोगुङ्लो, हे़क्क्याङ् आइङ्घङ् के़साबाहाॽरे़ खुन्छिॽ माङ्निङ्वाॽपान्निन् कुलिङ्दो के़त्तुङ्लो॥ आङ्गाॽ यरुसले़म ये़क्यक्किल्ले़ कुयाःम्बेओ अक्खे पाःत्तुङ्लो, ‘खे़न् मनाहाॽरे़ खुन्छिॽ युङ्मादे़न् पोङ्लो,’ आङ्गाॽ यहुदाबा ये़क्यक्हाॽरे़ कुयाःम्बेओ कम्भ पाःत्तुङ्लो, ‘खे़ङ्हाॽ याम्मो चोःक्मा पोङ्लो,’ आङ्गाॽ खे़न् मे़धुप्सु मे़यसुबादे़न्हाॽरे़ कुयाःम्बेओ अक्खे पाःत्तुङ्लो, ‘आङ्गाॽ याम्मो से़त्तुङ् चोगुङ्लो॥’
ए़ज्रा 1:2 - लिम्बु2 “फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥ Gade chapit la |
ए़ज्रा 1:2
34 Referans Kwoze
खे़न्नुःल्ले़ग साङ्ग्राम्पेदाङ्बा यहवे दाङ्बे़ल्ले़ कुदक्ले़ङ्वाओ आप्फेक् के़बोगे़आङ् के़वाॽ॥ आदाङ्बारे़ खुने़ॽ कुहिम्मोबा चल्लाङ्ना खोर्याहाॽ खे़ने़ॽओ ताःप्मा के़बाङ्घुसि, हे़क्क्याङ् आदाङ्बा नु आदाङ्बारे़ के़सुहाङ्युक्पाहाॽ, आदाङ्बारे़ के़मेःत्हाॽ नु के़जक्मेःत्हाॽरे़ खे़न् सामाहाॽओ चे़ल्ले़क्सेॽ थि के़धुङुम्॥ खे़ब्याङ् मिक्मे़न्निमनाबा, नामे़ङ्घे़म्मनाबा नु खासिङ् मे़न्निःप्नाबा युप्पा, साम्म्याङ् कासा, फे़न्जेॽ, सिङ् नु लुङ् माङ्हाॽ मिङ्सो इङ्धाङ् के़बिरुम्सिम्॥ कर आदाङ्बारे़ के़हिङ्मन् नु आदाङ्बारे़ के़लाम्हाॽ हुक्को के़गप्पा कन् निङ्वाॽफुमाङ्ङिन् आदाङ्बारे़ मिङ्सो इङ्धाङ् के़म्बिरुन्॥
मनाहाॽलाम् खे़ने़ॽ के़म्नात् के़म्देरो हे़क्क्याङ् ताम्भुङ् थक्साहाॽनु के़वाॽ के़युङ्ॽ, पित्थक्साहाॽ कुइसिक् खे़ने़ॽ याःन्सुङ्हाॽ के़जरो॥ मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ के़लॽबा पाःन्नो खे़ने़ॽ के़न्दे़न्ने़ल्ल थारिक् खे़ने़ॽ के़लागि कुगप् नुसि ये़म् ले़क्पेक्॥”
मनाहाॽलाम् आदाङ्बा के़म्लत् के़म्दे, हे़क्क्याङ् ताम्भुङ् थक्साहाॽनु के़वाॽ के़युङ्, पित्थक्साहाॽ कुइसिक् याःन्सुङ्हाॽ के़जरो, हे़क्क्याङ् ताङ्साङ्बोबा सेःक्वाःल्ले़ आदाङ्बा वागे़रक्॥ मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ फाॽआङ् आदाङ्बारे़ निङ्वाॽ के़ङ्घोसुन्ल थारिक् आदाङ्बारे़ के़लागि कुगप् नुसि ये़म् ले़क्पेक्॥
कर साङ्ग्राम्पेदाङ्ङो निङ्वाॽफुमाङ् वाॽ, खुने़ॽ सिबिॽबा पाःन्हाॽ ओसेःन्धाङ् चोगुॽ॥ खुने़ॽ के़दाबा ये़म्मो के़बोङ्बा पाःन्हाॽ पयम् हाङ् नबुकदनेसरे़न् ओसेःन्धाक्तुआङ् वाॽ॥ आदाङ्बा ने़त्नाओ के़सोःन्छिङ्ङाङ् के़ने़स्से़ल्ले़ आदाङ्बारे़ के़निङ्वाॽओ के़माक्तुबा से़प्माङ्ङिन् नु के़निसुबा सुफोहाॽ हाबा कन्हाॽएरो—
सक्इङ्घङ्ङो हेरामे़ल्ले़ अक्तङ्बाआङ् साप्तु— “साङ्ग्राम्पेदाङ् नु इक्सादिङ् खाम्बेक् नावागे़न् चइःत् के़जोःक्पा यहवे दाङ्बा इस्राइलबा निङ्वाॽफुमाङ्ङिल्ले़ कुनारा पोररो॥ खुने़ॽ दाउद हाङ्ङिन् सिक्कुम्दिङ् निङ्वाॽ, ने़हिनिङ्वाॽ नु खासिङ्गे़निःप्पा ये़म्बित्छा साधिक् पिरुआङ् वाॽ, खे़ल्ले़ यहवे दाङ्बे़ल्ले़ कुलागि माङ्हिम् थिक् नु खुने़ॽ आप्फेक् कुलागि लत्छा हाङ्हिम् चोगुॽ॥
लुङ् नु सिङ् याःम्बक् के़जोःक्पाहाॽ नाम्याक् पिमासि फाॽआङ् मनाहाॽरे़ याङ् मे़बिरुसि हे़क्क्याङ् ले़बनानलाम् मे़युरुबा साम्माङ्सिङ्हाॽरे़ कुले़क्वाओ तुरोस नु सिदोनओ हाङ्मा के़बोङ्बा कुजा नु चैतुन निःङ्गेॽआङ् मे़बिरुसि॥ साम्माङ्सिङ्हाॽ वरःङ्ङोलाम् योप्पा थारिक् मे़दारु॥ कन् के़रे़क् याःम्बक्हाॽ फारस लाजेॽबा पयम् हाङ् कोरेसे़ल्ले़ चोःक्मा फाःक्तुसिआङ् वये़॥
यरुबाबेल, येसुआ नु हिम्सयङ्हाॽओबा तुम्भाक्पाहाॽरे़ खे़ङ्हाॽ मे़मे़त्तुसि, “यहवे दाङ्बा आनिगे निङ्वाॽफुमाङ्ङिल्ले़ कुहिम्मिन् चोःक्मारे़ लागि आनिगे खिनिॽ फाॽमा चाहा मे़जोगिगे़न्॥ खे़न् आनिगे आबाङे चोगुम्बे़॥ फारस लाजेॽबा पयम् हाङ् कोरेसे़ल्ले़ मुरा मे़त्तिगे़बा हे़क्के आनिगे खे़न् याःम्बक्किन् चोगुम्बे़॥”
“निङ्वाॽफुमाङ्ङिल्ले़ कुसाम्योनिमो कुसे़वा याःम्बक् चोःक्मारे़ लागि हात् उःत्तुआङ् वाॽबे? तॽइ नाङ्गे़न् पिसाङ्नु हाङ्ङिन् हाःत्ले़ कुसिक्समे़र याःन्दुआङ् वाॽबे? खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ कुयुक्को मे़दार याःन्दुसिरो, हे़क्क्याङ् हाङ्हाॽ खे़ल्ले़ कुबेसाङ् कुयुक्को तारुसिरो॥ खुने़ॽ खे़ङ्हाॽ कुदाभेःल्ले़ खाम्पु थ्यःङ् चोगुसिरो, हे़क्क्याङ् कुलिःल्ले़ सुरिःत्तिल्ले़ फे़सुबा याॽसिप् हे़क्के चोगुसिरो॥
आङ्गाॽ कोरेसरे़ कुयाःम्बेओ पाःत्तुङ्लो, ‘खे़न् आङ्गाॽ आमे़ल्लुक् के़गम्बारो’ हे़क्क्याङ् खे़ल्ले़ आङ्गाॽ चोःक्मा इःत्तुङ्बा के़रे़क् के़त्तु पिआरो॥ यरुसले़म ये़क्यक्किल्ले़ कुयाःम्बेओ खे़ल्ले़ अक्खे पाःत्तुरो, ‘खे़न् याम्मो मे़जोगुररो,’ खे़ब्याङ् माङ्हिम्मे़ल्ले़ कुयाःम्बेओग, ‘कल्ले़ कुयुक्ना पाङ्यक्किन् मे़युक्खुररो॥’”
यहवे दाङ्बे़ल्ले़ कोरेसे़न् हाङ् पोङ्मारे़ लागि माङ्थोःक्ना चोगुआङ् वाॽरो॥ खुने़ॽ खे़न् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासिरे़ लागि युक्तिङ् चोगुआङ् वाॽरो॥ खुने़ॽ खे़न् हाङ्हाॽरे़ खुन्छिॽ हुक्कोलाम् युक् नाप्मासिरे़ लागि पाङ्घुरो, यहवे दाङ्बे़ल्ले़ खे़ल्ले़ कुलागि ये़क्यक् पाङ्जुम्बा मालाम्धेःत्हाॽ मे़सुबुन्लो॥ यहवे दाङ्बे़ल्ले़ कोरेसे़न् अक्खे मे़त्तुरो—
“कोरेस पयम् हाङ्ङिल्ले़ आबाङे हाङ्युक् चोगुबा थिक्सिगेक्पा तङ्बेओ यरुसले़ःम्बा माङ्हिम्मिन् मे़जोगुर हे़क्क्याङ् खे़प्मो हुक्सोयाङ् नु मिधिङ्मनादेमनाबा सिदुङ्जभाहाॽ तोःम्मादे़न्निन् याम्मो पोङ्ल के़लॽबा इङ्जाङ् चोगु॥ खे़न् माङ्हिम्मिन् निबोङ्ङाङ् नुसि मितर कुलिङ्गे़न् नु खे़म्म्याक्के कुभे़रे़ पोङ्ॽ॥
Piblisite