इजकिएल 1:1 - लिम्‍बु

¹ आङ्‌गाॽ तङ्‌बे सुम्‍बोङ् के़राङ्‌बा लिसिगेक्‍पा ला ङासिगेक्‍पा ये़न्‍नो, लाजेॽलाम् मे़लःत्तु मे़देसुसिबा यहुदाबा सङ्‌जुम्‍भोहाॽनु सोरिक् बेबिलोन लाजेॽओबा कबार वहःङ्‌ङिल्‍ले़ कुयाओ आङ्‌गाॽ इजकिएःल्‍ले़न् वयाङ्‌ङिल्‍ले़ ताङ्‌साङ्‌बे़न् हरे़ हे़क्‍क्‍याङ् आङ्‌गाॽ निङ्‌वाॽफुमाङ्‌ङिल्‍ले़ कुसुफोहाॽ निसुङ्॥

इजकिएल 1:1 Referans Kwoze

सुफो 19:11

हे़क्‍क्‍याङ् इङ्‌गाॽ साङ्‌ग्राम्‍पेदाङ्‌ङिन् हरे़बा निसुङ्, हे़क्‍क्‍याङ् खे़प्‍मो फदाङ्‌बा अन्‍धिक् वये़॥ खे़न् सम्‍दाङ् के़युङ्‌बाल्‍ले़ कुमिङ्‌ङिन् “नसाःन्‍साबा” नु “से़क्‍खा” मे़मे़त्तुरो॥ खुने़ॽग नुरिक्‍काङ् खासे़न् चोगुॽ हे़क्‍क्‍याङ् थङ् चोगुॽरो॥

सेःक्‌युक्‍मिबाहाॽ 7:56

हे़क्‍क्‍याङ् स्‍तिफनसे़न् अक्‍खेलॽरिक् पारे़, “ओमे़त्ते़म्‍मे़ॽ, इङ्‌गाॽ साङ्‌ग्राम्‍पेदाङ्‌ङिन् हरे़बा निसुङ्, हे़क्‍क्‍याङ् मे़न्‍छाम्‍साःन् निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् ये़प्‍पा निसुङ्‌लो!”

मत्ति 3:16

ये़सुन् बप्‍तिस्‍मा पोःक्‍खे़आङ् च्‍वाःत्तोलाम् लाःक्‍कात् लःन्‍दे़नुमे़ःन्‍ने ताङ्‌साक्‍पे़न् हरे़आङ् निङ्‌वाॽफुमाङ्‌ङिल्‍ले़ कुसेसेमाङ्‌ङिन् पुत्तुःक्‍के हे़क्‍के खुने़ॽ कुसम्‍दाङ् ये़र पत्‍छे़बा निसुरो॥

इजकिएल 11:24

खे़न् एगाङ् बेबिलोनओ मे़दे़म्‍सु मे़देॽरुसिआङ् के़वाॽबाहाॽओ निङ्‌वाॽफुमाङ्‌ङिल्‍ले़ कुयाम्‍साम्‍मिल्‍ले़ आङ्‌गाॽ सुफोओ याम्‍मो याङ्‌ना के़त्ताङ्॥ हे़क्‍केलॽरिक् आङ्‌गाॽ यरुसले़ःम्‍मो पेगाङ्‌ङिल्‍ले़ निसुङ्‌बा सुफोन् नुबे़॥

सेःक्‌युक्‍मिबाहाॽ 10:11

हे़क्‍क्‍याङ् ताङ्‌साक्‍पे़न् हरे़बा कुइसिक् खे़त्‍थोलाम् यम्‍बा तेत् हे़क्‍तङ्‌बान् लिसि कुसुक्‍पो खेःङ्‌मनाबा थ्‍ये़र पत्‍छे़बा निसु॥

लुका 3:21

थिक्‌ये़न् काक् मनाहाॽ बप्‍तिस्‍मा मे़बोःक्‍खे़ल्‍ले़ ये़सुःन्‍नाङ् बप्‍तिस्‍मा पोःक्‍खे़॥ हे़क्‍क्‍याङ् खुने़ॽ तुवा चोगुर पत्‍छे़ल्‍ले़ ताङ्‌साक्‍पे़न् हरे़आङ्

इजकिएल 10:20

आङ्‌गाॽ कबार वहःङ्‌ङिल्‍ले़ कुयाओ वयाङ्‌ङिल्‍ले़ इस्राइलबा निङ्‌वाॽफुमाङ्‌ङिल्‍ले़ कुभोसाङ् आङ्‌गाॽ निसुङ्‌सिङ्‌बा कुहिङ्‌वे़त् थक्‍साहाॽ आम्‍भा कन्‍हाॽए मे़वये़॥ खे़ङ्‌हाॽ करुबहाॽ मे़वये़ फाॽआङ् आङ्‌गाॽ निङ्‌वाॽ खोसुङ्॥

इजकिएल 10:15

खे़ब्‍याङ् करुबहाॽ थाःङ् ले़प्‍माङ् मे़बोगे़॥ आङ्‌गाॽ कबार वहःङ्‌ङिल्‍ले़ कुयाओ निसुङ्‌सिङ्‌ङाङ् वये़बा कुहिङ्‌वे़त् थक्‍साहाॽ हाबा कन्‍हाॽए मे़वये़रो॥

सुफो 4:1

कन् एगाङ् इङ्‌गाॽ साङ्‌ग्राम्‍पेदाङ्‌ङो लाम्‍धेःप्‍पे़न् हल्‍ले़क् हरे़आङ् पत्‍छे़बा निसुङ्‌लो॥ हे़क्‍क्‍याङ् तगि खे़प्‍सुङ्‌बा थुत्‍थुरिःप्‍पाल्‍ले़ कुइक्‍ला कुइसिक् याम्‍मो अक्‍खेलॽरिक् इङ्‌गाॽनु पारे़रो, “कत्‍थो थाङे़ॽओ, आल्‍ल इङ्‌गाॽ ताःन्‍दि के़बोङ्‌बा पाःन्‍हाॽ ओःन्‍धाक्‍ने़ॽरो॥”

युहुन्‍ना 1:51

खुने़ॽ आल्‍लसाङ् योॽरुर पाःत्तु, “खे़ने़ॽ से़क्‍खाए मे़त्‍ने़ॽ, साङ्‌ग्राम्‍पेदाङ्‌ङिन् हन्‍नाङ् निङ्‌वाॽफुमाङ्‌ङिल्‍ले़ कुमाङ्‌लाइङ्‌बाहाॽ मे़न्‍छाम्‍साओ मे़युबा नु थाःङ् मे़बेःक्‍पा के़निसुसिॽरो॥”

इजकिएल 43:3

आङ्‌गाॽ मिक् निसुङ्‌बा सुफोन् खुने़ॽ ये़क्‌यक्‍किन् खाप्‍पुथ्‍यःङ् चोःक्‍से़ ये़ःल्‍ले़ आङ्‌गाॽ मिक् निसुङ्‌ङाङ् वयाङ्‌बा सुप्‍फोन् हे़क्‍तङ्‌बा नु आङ्‌गाॽ कबार वहःङ्‌ङिल्‍ले़ कुयाओ निसुङ्‌ङाङ् वयाङ्‌बा सुफोहाॽ हे़क्‍तङ्‌बाए चोगे़॥ हे़क्‍क्‍याङ् आङ्‌गाॽ खाम्‍बाङ्‌ङो साम्‍बोन् हबत् फन्‍छिङ्‌ङाङ्॥

इजकिएल 8:3

खे़ल्‍ले़ हुक् हे़क्‍तङ्‌बाधिक् सन्‍छुआङ् आङ्‌गाॽ आध्‍गेक् इओ ते़म्‍साङ्‌ङाङ् तेॽराङ्॥ खे़न् एगाङ् सुफोओ निङ्‌वाॽफुमाङ्‌ङिल्‍ले़ कुयाम्‍साम्‍मिल्‍ले़ आङ्‌गाॽ ताङ्‌साङ्‌बो थाःङ् पक्‍खाङ् हे़क्‍क्‍याङ् निङ्‌वाॽफुमाङ्‌लाम्‍बाबा सुफोओ यरुसले़म के़त्ताङ्॥ माङ्‌हिम् सिगाङ् के़ने़बा लक्‍खुम्‍मो लाःप्‍मा थाङ्‌गे़त् ले़प्‍माङ्‌बा यम्‍बा लाम्‍धेःत्तो के़त्ताङ्, खे़प्‍मो यम्‍बा नावाइत्‍ला थिक् युङ् खे़ल्‍ले़ यहवे दाङ्‌बे़न् साॽरिक् कुनागे़हे़म्‍बा चोगुआङ् वाॽ॥

इजकिएल 3:23

खे़ल्‍ले़चोगुल्‍ले़ आङ्‌गाॽ पोगाङ्‌ङाङ् पेगाङ्, खम्‍भ्‍याङ् कबार वहःङ्‌ङिल्‍ले़ कुबेसाङ् तगि निसुङ्‌बा सुफो हे़क्‍के आङ्‌गाॽ खे़प्‍मो यहवे दाङ्‌बे़ल्‍ले़ कुमिमिदिङ्‌ङिन् निसुङ्॥ हे़क्‍क्‍याङ् आङ्‌गाॽ खाम्‍बाङ्‌ङो साम्‍बोन् हबत् फन्‍छिङ्‌ङाङ्॥

इजकिएल 1:3

(बेबिलोनिहाॽरे़ खुन्‍छिॽ लाजेॽबा कबार वहःङ्‌ङिल्‍ले़ कुयाओ यहवे दाङ्‌बे़ल्‍ले़ कुइङ्‌घङ्‌ङिन् बुजिरे़ कुस्‍सा निङ्‌वाॽफुसाम्‍बा इजकिएलरो के़रे़, हे़क्‍क्‍याङ् यहवे दाङ्‌बे़ल्‍ले़ कुहुक्‍किन् खुने़ॽ कुसम्‍धाङ् पत्‍छे़बा निङ्‌वाॽ खोसु॥)

यसैया 1:1

यहुदाबा हाङ् उज्‍जियाह, योताम, आहाज हे़क्‍क्‍याङ् हिजकियारे़ युक् मे़जोगुबा ये़म्‍मो यहुदा नु यरुसले़मरे़ कुयाःम्‍बेओ आमोजरे़ कुस्‍सा ये़म्‍बित्‍छा यसैयाःल्‍ले़ निसुबा सुफोरो॥

खानिःत् 12:6

खे़ब्‍याङ् खुने़ॽ मे़त्तुसि, “आङ्‌गाॽ आबाःन्‍निन् खे़न्‍छिॽ खे़प्‍से़त्‍छे़ॽओ— “खिनिॽ लुम्‍मो माङ्‌निङ्‌वाॽपान् के़बाःप्‍पे़न् वाॽइल्‍ले़, खे़न् मनाःन्‍नु आङ्‌गाॽ यहवे दाङ्‌बे़न् सुफोओ ओःन्‍धाक्‍सिङ्‌ङारो, से़प्‍माङ्‌मो आङ्‌गाॽ खे़न्‍नु पाःत्तारो॥

२ कोरन्‍थि 12:1

इङ्‌गाॽ चम्‍सिङ्‌ङाल्‍ले़ थेआङ् मे़जक्‍कान्‍छाङ् इङ्‌गाॽ दाङ्‌बालाम्‍बा खोसुङ्‌बा सुफोहाॽ नु ओसेःन्‍दाङ्‌हाॽरे़ कुयाःम्‍बेओ चम्‍सिङ्‌ङारए पोङ्‌लो॥

मर्कुस 1:10

खुने़ॽ च्‍वाःत्तोलाम् लःन्‍दे़नुमे़ःन्‍ने ताङ्‌साक्‍पे़न् हरे़आङ् सेसेमाङ्‌ङिन् पुत्तुःक्‍के हे़क्‍के खुने़ॽ कुसम्‍दाङ् ये़र पत्‍छे़बा निसुरो॥

योएल 2:28

खे़न् एगाङ् आयाम्‍साम्‍मिन् के़रे़क् मनाहाॽ सम्‍धाङ् पाङ्‌घुङ्‌लो, खिनिॽ ये़म्‍बित्‍छा मे़न्‍छुमासाहाॽरे़ माङ्‌निङ्‌वाॽपान् मे़बाःत्तुरो॥ खिनिॽ खदाक्‍मि मनाहाॽरे़ ताॽदिगे़न् से़प्‍माङ् मे़माक्‍तुरो, हे़क्‍क्‍याङ् खिनिॽ नालिगे़न् थाङ्‌बे़न् मनाहाॽरे़ सुफो मे़निसुरो॥

होसे 12:10

आङ्‌गाॽ माङ्‌निङ्‌वाॽपान् के़बाःप्‍पाहाॽनु ताॽजे़क्‍खाङ्‌लो, आङ्‌गाॽ खे़ङ्‌हाॽ यरिक् सुफोहाॽ पिरुङ्‌सिङ्‌लो हे़क्‍क्‍याङ् माङ्‌निङ्‌वाॽपान् के़बाःप्‍पाहाॽलाम् खे़दाॽ पाःन्‍हाॽ पिनिङ्‌लो॥

इजकिएल 40:2

निङ्‌वाॽफुमाङ्‌ङिल्‍ले़ कुसुफोहाॽओ खुने़ॽ आङ्‌गाॽ इस्राइल लाजेॽओ तेॽराङ्‌बा निसुङ्, हे़क्‍क्‍याङ् लत्‍छा साॽरिक् केःम्‍बा कोःक्‍मा सम्‍धाङ् युक्‍खाङ्॥ खे़प्‍मोलाम् आङ्‌गाॽ यो लाङ्‌गे़त् ले़प्‍माङ् कुभा हिम्‍हाॽ के़युङ्‌बा लत्‍छा ये़क्‌यक् हे़क्‍तङ्‌बाधिक् निसुङ्॥

इजकिएल 3:15

खे़ब्‍याङ् कबार वहःङ्‌ङिल्‍ले़ कुबेसाङ्, लाजेॽलाम्‍बा मे़लःत्तु मे़देसुसिबा यहुदाबा मनाहाॽ मे़युङे़बादे़न् तेल-अबिबओ त्‍याङ्॥ आङ्‌गाॽ आनिङ्‌वाॽ पङे़आङ् वयाङ् हे़क्‍क्‍याङ् आङ्‌गाॽ खे़ङ्‌हाॽनु नुसि ये़न् थारिक् युङाङ्‌लो॥

खानिःत् 4:3

तुम्‍मादे़न् साःङ्‌गाहिम्‍मो याःम्‍बक् चोःक् से़ के़दाबा खे़न् सुम्‍बोङ्‌ङाङ्‌धो ङाबोङ् तङ्‌बे थारिक् के़गे़प्‍पा ये़म्‍बित्‍छाहाॽ के़रे़क् निरे़से़ॽ॥

लाम्‍दिक् 24:10

खे़ङ्‌हाॽरे़ इस्राइलबा निङ्‌वाॽफुमाङ्‌ङिन् मे़निसु॥ खुने़ॽ कुलाङ्‌वाजक्‍पो सिगाङ् माङ्‌लुङ् फे़मनाबा ताङ्‌साक् हे़क्‍तङ्‌बा माङ्‌लुङ् लाम् ने़स्‍से़॥

तोलिङ्‌सोमु 46:2

हे़क्‍क्‍याङ् से़न्‍दिक् सुफोओ निङ्‌वाॽफुमाङ्‌ङिन् खुने़ॽनु पारे़, “याकुबे, याकुबे” मे़त्तुर खुने़ॽ उःत्तु॥ हे़क्‍क्‍याङ् खुने़ॽ मे़त्तु, “है, आङ्‌गाॽ कॽयोए वाआरो॥”

सेःक्‌युक्‍मिबाहाॽ 10:3

थिक्‌ये़न् ले़न्‍दिक् कुमुक् सुम्‍सि मुक्‍ते़आङ् वये़ल्‍ले़ खुने़ॽ सुफोधिक् निसु॥ खे़न् सुफोओ से़क्‍खाए निङ्‌वाॽफुमाङ्‌ङिल्‍ले़ पाङ्‌घुबा माङ्‌लाइङ्‌बान् खुने़ॽ ले़प्‍माङ् फे़रे़र “कर्नालियसे,” मे़त्तुरो॥

मत्ति 17:9

खे़ङ्‌हाॽ कोःक्‍मालाम् यो मे़ध्‍ये़र मे़बत्‍छे़ल्‍ले़ ये़सुरे़ खे़ङ्‌हाॽ इङ्‌जाङ् पिरुसि, “इङ्‌गाॽ मे़न्‍छाम्‍सान् सिमे़न्‍लाम् याम्‍मो मे़न्‍हिङ्‌ङे थारिक् कन् के़निसुम्‍बा पाःन्‍हाॽ आत्तिन्‍नाङ्‌ मे़जे़क्‍ते़म्‍मिन्‍ने़ॽओ॥”

इजकिएल 10:22

हे़क्‍क्‍याङ् आङ्‌गाॽ कबार वहःङ्‌ङिल्‍ले़ कुयाओ निसुङ्‌सिङ्‌ङाङ् वयाङ्‌बा थक्‍साहाॽरे़ खुन्‍छिॽ नाराहाॽ हे़क्‍तङ्‌बाए आत्तिआङ् मे़म्‍बेःक्‍के खे़ङ्‌हाॽरे़ खुन्‍छिॽ नारा पत्‍छे़, खम्‍भ्‍याङ् खे़ङ्‌हाॽ लाम्‍दिक् मे़जोगे़बा कुइसिःक्‍के, खे़ङ्‌हाॽ तगि ले़प्‍माङ् कुदोःप्‍मा मे़बेरो॥

तोलिङ्‌सोमु 15:1

खे़न् एगाङ्, सुफोओ यहवे दाङ्‌बाल्‍ले़ कुबाःन्‍जाःक्‍के़न् अब्राम्‍मिल्‍लो त्‍ये़, “अब्राम्‍मे, खे़ने़ॽ मे़गिसे़न्‍ने़ॽओ, खे़ने़ॽ के़घो आङ्‌गाॽआरो, हे़क्‍क्‍याङ् आङ्‌गाॽ चाॽरिक् यम्‍बा हाङ्‌से़म्‍मिन् पिने़रो॥”

लुका 3:23

आल्‍ल ये़सुरे़ माङ्‌से़वा याःम्‍बक् चोःक्‍मा हेःक्‍तुल्‍ले़ खुने़ॽ तङ्‌बे सुम्‍बोङ् (३०) के़रे़आङ् वये़॥ खुने़ॽ मे़न्‍छाम् याप्‍मिहाॽरे़ मे़इःत्तुबा कुइसिक् युसुफरे़ कुस्‍सा वये़रो॥

यसैया 6:1

उज्‍जियाह हाङ्‌ङिन् मासिङ्‌बा ये़म्‍मो यहवे दाङ्‌बान् केःम्‍बा नु चाङ्‌जाङ्‌बा हाङ्‌युक्‍नाओ युक् चोःक्‍नु युङे़बा आङ्‌गाॽ निसुङ्॥ खुने़ॽ ते़रे़ के़बप्‍पा कुजाङ् तेःत्तिल्‍ले़ कुसुक्‍पे़ल्‍ले़ माङ्‌हिम्‍मे़न् सुःप्‍तुआङ् पत्‍छे़॥

निङ्‌वाॽफु साम्‍लोसुम् 137:1

बेबिलोनबा वहःङ्‌हाॽरे़ कुयाओ युङिगे़रो, यरुसले़ःम्‍मिन् निङ्‌वाॽ इःत्तुम्‍बे़आङ् हाबिगे़रो॥

यर्मिया 29:15

यहवे दाङ्‌बे़ल्‍ले़ बेबिलोनओ माङ्‌निङ्‌वाॽपान् के़बाःप्‍पाहाॽ खिनिॽ के़बिरिआङ् के़वयि फाॽआङ् खिनिॽ के़बाःत्तुम्‌ॽ॥

इजकिएल 10:1

आङ्‌गाॽ आसुफोओ करुबहाॽरे़ खुन्‍छिॽ थे़गेक् सम्‍धाङ्‌बा से़ल्‍ले़ङ् से़ल्‍ले़ङ् के़ओःप्‍पा ताम्‍दाम्‍बा के़भे़सिङ्‌बादे़न्‍निल्‍ले़ कुसम्‍धाङ् हिःक्‍कङ्‌कङ्‌बा मुधिङ्‌लुङ् हे़क्‍तङ्‌बा हाङ्‌युक्‍ना थिक् निधाबे़बा निसुङ्॥

इजकिएल 10:10

लिम्राङ् के़रे़क् काप्‍लोःक्‍हाॽ लत्‍छा परिक्‍पा निमे़दे़त्ते़ हे़क्‍क्‍याङ् लत्‍छा परिक्‍ले़ मे़जोगुसिबा चोगे़, के़रे़क् काप्‍लोःक्‍हाॽ लुम्‍मो लत्‍छा लत्‍छा वेॽ काप्‍लोक् पत्‍छे़॥