लाम्दिक् 9:16 - लिम्बु16 कर आङ्गाॽ आमुक्साम्मिन् ओसेःन्धाङ् चोःक्मारे़ लागि के़रे़क् इक्सादिङ् खाम्बेःक्को आमिङ् तिःत्ल फाॽआङ् आङ्गाॽ कुहिङ्वे़त् ले़त्ने़आङ् के़वाॽ॥ Gade chapit la |
लाम्दिक् 9:16
30 Referans Kwoze
इङ्गाॽ कन् पाःन्हाॽ मे़त्निङ्, थेआङ्भे़ल्ले़ निङ्वाॽफुमाङ् मेःन्नेबा कुभा मनाहाॽ स्वाःत्ताङ् खिनिॽ लुम्मो मे़लासे़आङ् मे़वाॽरो॥ तगिसा माङ्निङ्वाॽपान् के़बाःप्पाहाॽरे़ खे़न् हे़क्तङ्बा मनाहाॽरे़ खुम्दिङ् मे़घोसुॽ लॽरिक् मे़बाःत्तुआङ् मे़वये़रो॥ खे़ङ्हाॽरे़ निङ्वाॽफुमाङ्ङिल्ले़ लुङ्माॽ आदुक्पाल्ले़ चोगुल्ले़ के़रे़क् ताप्फे़ःम्बा याःम्बक् चोःक्मा आबिॽ लॽरिक् मे़बाःत्तुॽ, हे़क्क्याङ् आनिॽ थिक्लक् हाङ् के़जोःक्पा नु दाङ्बा ये़सु ख्रिस्ते़न् नसान् चोःक्मा मे़न्दे़न्ने़न्लो॥
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
हे़क्क्याङ् आङ्गाॽ खे़ल्ले़ कुनिङ्वान् हादिङ् के़धक्पा चोगुङ् पिरुङ्ॽ खे़ब्याङ् खे़ल्ले़ खे़ङ्हाॽ नाःत्तुसिॽ, कर खे़न् नु खे़ल्ले़ कुधक्सुबाहाॽ आङ्गाॽ नाःन्दुङ्सिङ्ॽ हे़क्क्याङ् मनाहाॽरे़ आङ्गाॽ मिमिदिङ् मे़बिआ॥ खे़ब्याङ् मिस्रिहाॽरे़ यहवे दाङ्बान् आङ्गाॽए फाॽआङ् निङ्वाॽ मे़घोसुॽ॥” हे़क्क्याङ् इस्राइलिहाॽरे़ हे़क्केए मे़जोगु॥
“कर अक्खेलॽरिक् इङ्ले़क् के़जोक्पे़न् साङ्ग्रा माङ्दे थार, खे़न् मनाःल्ले़ आबाङे कुधक्सा लुप्पोबा ताःक्मा सुक्के़दे़प्पा कुम्बाबा थक्सान् तोःम्मारे़ लागि माङ्हुप् चोगुॽ, कर के़गाःम्बा थक्सान् यहवे दाङ्बाओ तोःन्दुॽ॥ थेआङ्भे़ल्ले़ आङ्गाॽ पयम् यम्बा हाङ्आ, हे़क्क्याङ् के़रे़क् मे़न्छाम् सुवाङ्हाॽ आङ्गाॽनु मे़गिआङ् मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
मिस्र लाजेॽबा फारो हाङ्ङिन् नु कुसुहाङ्युक्पाहाॽरे़, हे़क्क्याङ् कुलाजेॽबा के़रे़क् मनाहाॽरे़ खुनिॽ तक्ले़ङ्वाओ खे़ने़ॽ मिक्सेन् नु निङ्वाॽ के़माबा याःम्बक्हाॽ के़जोगुरो थेआङ्भे़ल्ले़ मिस्रिहाॽ आङ्दिङ् मे़लॽरे़र के़मनाहाॽ मे़घुम्सुसिआङ् मे़वये़रो, खे़ने़ॽ खे़न् के़निसुआङ् के़वये़रो॥ हे़क्केलॽरिक् खे़ने़ॽ आबाङे मिङ्सो इङ्धाङ् के़घोसुरो, खे़न् आइन् थारिक् आम्भा वाॽरो॥
हे़क्क्याङ् इक्सादिङ् खाम्बेःक्मो खे़ने़ॽ आबाङे ताङ्से़ःप्से़ के़बेबा खे़ने़ॽ के़सेगुबा इस्राइल सुवाङ् हे़क्तङ्बा वेॽ सुवाङ् हात् वाॽबे? खे़न् सुवाङ्ङिल्ले़ लागि खे़ने़ॽ आबाङे ताङ्से़ःप्से़ के़बे॥ खे़न्लाम्बाए खे़ने़ॽ आबाङे के़मिङ्ङिन् के़से़सु हे़क्क्याङ् मिस्रलाम्बा के़लःत्तु के़धाक्तु॥ खे़ङ्हाॽरे़ खुन्छिॽ लाम्मो के़युङ्बा वेॽ सुवाङ्हाॽ नु खे़ङ्हाॽरे़ खुन्छिॽ माङ्हाॽ के़नाःत्तुसि॥ हे़क्क्याङ् पयम् यम्बा किप्मा के़घुबा नु निङ्वाॽ के़माबा याःम्बक्हाॽ के़जोगु॥
Piblisite