लाम्दिक् 8:6 - लिम्बु6 कल्ले़चोगुल्ले़ मिस्रबा च्वाःत्हाॽओ हारुने़ल्ले़ कुहुक्किन् सन्छु हे़क्क्याङ् पे़दःक्हाॽ मे़लःन्दे़आङ् लाजेन् सिदे़प् मे़दे़प्तु॥ Gade chapit la |
लाम्दिक् 8:6
17 Referans Kwoze
याम्मो यहवे दाङ्बे़ल्ले़ मोसान् मे़त्तु, “हारुने़न् मे़त्ते़ॽ, ‘खे़ने़ॽ के़दक्काःत्तिन् याङ्सिङ्ङे़ॽआङ् मिस्रओ के़ने़ने़बा च्वाःत्, इग्र वहःङ्, खावा, नु वरक्कोबा च्वाःत्तिन् माक्खिॽ पोङ्बेःक्ल फाॽआङ् खे़ङ्हाॽरे़ कुसम्धाङ् के़हुक्किन् सन्छे़ॽ॥’ हे़क्क्याङ् खे़ङ्हाॽ माक्खिॽ पोङ्ॽ॥ मिस्र लाजेॽ के़रे़क् के़ने़बा च्वाःत्, खर्बा नु लुङ्बाक्वा च्वाःत्हाॽआङ् माक्खिॽ पोङ्ॽ॥”
मोसाःल्ले़ हाङ्ङिन् मे़त्तु, “ये़क्यक्कोलाम् लाःक्कात् लःन्दिगे़ पेगिगे़नुमे़ःन्ने आङ्गाॽ आहुक्हाॽ फोःक्खुङ्ङाङ् यहवे दाङ्बे़न् पेलि फाक्तुङ्ॽ॥ खे़रे़ङ्घुरुङ् लॽमा नाॽ हे़क्क्याङ् फःन् थामा नाॽ॥ खे़ब्याङ् कन् इक्सादिङ् खाम्बेःक्मान् यहवे दाङ्बे़ल्ले़न्रे़त्छ फाॽआङ् खे़ने़ॽ निङ्वाॽ के़घोसुॽ॥
हे़क्केलॽरिक् मिस्रिहाॽ अदङ् चोगुङ्सिङ्ङाङ् खुन्छिॽ निङ्वान् हादिङ् के़धक्पा चोगुङ् पिरुङ्सिङ् हे़क्क्याङ् खे़ङ्हाॽरे़ खुन्छिॽ लुम्मो निङ्वाॽ के़माबा याःम्बक्हाॽ चोगुङ्बान् खिनिॽ सामे़न्छाॽहाॽ मे़प्मा के़सुक्तुम्सिम्ल॥ हे़क्क्याङ् खिनिॽ के़रे़क्ले़ आङ्गाॽ यहवे दाङ्बाआ फाॽआङ् कुसिङ् के़निःत्तुम्ॽ॥”
खे़ब्याङ् खुने़ॽ अक्खे पाःत्तुरो— “यहवे दाङ्बा इस्राइलबा निङ्वाॽफुमाङ्ङे, खुन्छिॽ के़रे़क् निङ्वाःल्ले़ आदाङ्बारे़ के़लाम्मो चक्मे़ल्लॽए के़वाॽबा से़वारोबाहाॽनु के़मिःम्जिओ माङ्हुप् के़जोःक्पा आदाङ्बा हे़क्तङ्बा वेॽ निङ्वाॽफुमाङ् साङ्ग्राम्पेदाङ् नु इक्सादिङ् खाम्बेःक्मो हाःत्ताङ् होप्॥
यहवे दाङ्बे़ल्ले़ पाःत्तुरो, “इस्राइलबा मनासे, खे़निॽग आङ्गाॽ आदोःन्दिनिङ्लो सेःक्निङ्बा आसे़वारोबानिङ्लो, खे़ल्ले़चोगुल्ले़ खे़निॽ आङ्गाॽ कुसिङ् याप्मि के़निःत्तिरो हे़क्क्याङ् नसान् याप्मि के़जोगिरो, खे़म्ब्याङ् खे़ङ्ग आङ्गाॽएरो फाॽआङ् कुसिङ् के़निःत्तुम्लो॥ आङ्गाॽनुःल्ले़ तगि हाःत्ताङ् माङ् मे़म्बोङ्ङे वये़रो, हे़क्क्याङ् ताःन्दिआङ् हाःत्ताङ् माङ् मे़बोङ्ने़ल्लो॥
Piblisite