आल्ल आङ्गाॽ, नबुकदनेसररे़ साङ्ग्राम्पेदाङ्बा पयम् हाङ्ङिल्ले़ कुनारा, कुमिङ्सो कुधाःङ्सो फोसुङ्ॽ हे़क्क्याङ् मिमिदिङ् पिरुङ्ॽ, थेआङ्भे़ल्ले़ खुने़ॽ थे़मा चोगुसाङ् नुबा चोगुॽ, हे़क्क्याङ् कुयाःम्बक्हाॽ के़रे़क् कुदोःप्मा चोक्॥ हे़क्क्याङ् खुने़ॽ यम्बा के़हे़न्छिङ्बाहाॽ नःम्नःम्बा चोःक्मा सुक्तुसिरो॥
लाम्दिक् 8:4 - लिम्बु4 खे़न् पे़दःक्हाॽ खे़ने़ॽ नु खे़ने़ॽ के़मनाहाॽओ हे़क्क्याङ् के़रे़क् के़सुहाङ्युक्पाहाॽओ पित्चाक् पित्चाक् मे़बिन्ल मे़दाःॽ॥’” Gade chapit la |
लाम्दिक् 8:4
13 Referans Kwoze
यहवे दाङ्बे़ल्ले़ मिस्र लाजेॽओ पयम् यम्बा मिन्देॽ पोःक्ल याःन्दुॽ॥ खुने़ॽ खे़ॽयो के़युङ्बा मनाहाॽ मे़दुक्ल याःन्दुसिॽ, हे़क्क्याङ् खे़ङ्हाॽ याम्मो वेःन्दुसिॽ॥ खे़ब्याङ् खे़ङ्हाॽ यहवे दाङ्बान् ले़प्माङ् मे़नुःङ्ॽ॥ हे़क्क्याङ् खुने़ॽ खे़ङ्हाॽरे़ खुन्छिॽ पेलिन् खे़प्सुआङ् वेःन्दुसिॽ॥
सोअनबा युक्साबाहाॽ चाॽरिक् अदङ् मे़जोक्लो! मिस्र लाजेॽबा फारो हाङ्ङिल्ले़ सिक्कुम्साबा कुसुजादाङ्बाहाॽरे़ कुसुम् मे़न्दम्मनाबा पान् मे़बाःत्तुरो॥ खिनिॽ आक्खेलॽरिक् फारो हाङ्ङिन् अक्खे के़मे़त्तुम्बे, “थे सिक्कुम्साबाहाॽओ आङ्गाॽआङ् लत्छाआ मेःम्बि? हे़क्क्याङ् उन्छोन् उनाहुरिबा हाङ्हाॽरे़ खुन्छिॽ हुॽसाम्बाआ मेःम्बि?”
हे़क्क्याङ् मनाहाॽ मोसाओ मे़द्ये़आङ् मे़मे़त्तु, “यहवे दाङ्बे़ल्ले़ कुदक्ले़ङ्वाओ नु खे़ने़ॽ के़दक्ले़ङ्वाओ पारिगे़आङ् आनिगे लायो चोगुम्बे़आङ् वाॽ॥ खुने़ॽ आनिगे़ओलाम् कन् असेःक्हाॽ खे़त्तुदेसुसिर फाॽआङ् यहवे दाङ्बान् पेलि फाक्ते़ आबिरे़ॽ॥” खे़ब्याङ् खे़न् मनाहाॽरे़ खुन्छिॽ लागि मोसाःल्ले़ पेलिगे़न् तुवा चोगु॥
खे़ब्याङ् हाङ्ङिल्ले़ निङ्वाॽफुमाङ्ङिल्ले़ कुमनान् मे़त्तु, “आङ्गाॽ आहुक्किन् तगि कुइसिःक्सिःक् चोःक्मारे़ लागि यहवे दाङ्बा खे़ने़ॽ के़निङ्वाॽफुमाङ्ङिन् पेलि फाक्ताङ् पिराङ्ङे़ॽ॥” कल्ले़चोगुल्ले़ खे़ल्ले़ निङ्वाॽ चोगुबा कुइसिःक्के निङ्वाॽफुमाङ्ङिल्ले़ कुमनाःल्ले़ यहवे दाङ्बे़न् पेलि फाक्तु, हे़क्क्याङ् हाङ्ङिल्ले़ कुहुक्किन् तगि हे़क्केए कुइसिःक्सिःक् पोःक्खे़॥
Piblisite