लाम्दिक् 8:26 - लिम्बु26 कर मोसाःल्ले़ मे़त्तु, “हे़क्के चोःक्मा नुबा मे़बोङ्ने़न् थेआङ्भे़ल्ले़ आनिगे निङ्वाॽफुमाङ् यहवे दाङ्बाओ थक्साहाॽ वयागे़न् सिदुङ्जभा तोःम्मासि पाःन्निल्ले़ कुयाःम्बेओ मिस्रिहाॽ खुन्छिॽ याःक्ले़ॽ॥ मिस्रिहाॽरे़ खुन्छिॽ मिक् तगि आनिगे कन् थक्साहाॽ सिदुङ्जभा तोःम्मा हे़ःक्तुम्सिबे़ल्ले़ खे़ङ्हाॽरे़ आनिगे लुङ्ङिल्ले़ मे़बःत्तिगे़ मे़स्ये़रिगे़॥ Gade chapit la |
लाम्दिक् 8:26
11 Referans Kwoze
खे़ब्याङ् युसुफरे़ कुलागि वेॽ हे़क्क्याङ् खुने़ॽ कुम्भुॽ कुन्साॽसिरे़ लागि वेॽ हे़क्क्याङ् खुने़ॽनु के़जाबा मिस्रिहाॽरे़ लागि वेॽ तःक् मे़युक्खु, थेआङ्भे़ल्ले़ मिस्रिहाॽरे़ हिब्रुहाॽनु सोसोरिक् युङ्माआङ् चामा मे़न्नुॽमनाबा वये़॥ हे़क्के चोःक्मा मिस्रिहाॽरे़ लागि सिक्के़ले़ःङ्बा पान् वये़॥
हाःत्ताङ् युङ्ङाङ् निङ्वाॽ मे़इःत्छिङ्ङे़न्लो, कम्भे पाःप्मारे़ लागि आत्तिल्ले़आङ् सिक्कुम् निङ्वाॽ मे़गत्तुन्लो, इग्र खासिङ् मे़निःत्ने़न्लो, “आङ्गाॽ खे़ल्ले़ कुभ्रे़ःङ् सिङ् हाःन्दुङ्लो॥ हाबा खे़न् सिङ्ङिल्ले़ खरे़ःङ् ले़ःक्खुङ्लो, आङ्गाॽ सा नयुङ्ङाङ् चाङ्लो॥ थे आल्ल खे़न् के़नम्बा सिङ्ङिन् याम्गे़सिङ्बा सामा चोगुङ्बाबि? थे आङ्गाॽ सिङ्मुःत्ते़ल्ले़ कुदगाङ् साम्बोन् हबत् पप्मा पोङ्बाबि?”
“कन् के़रे़क् चोःक्मा मे़सुरुआङ् इस्राइलबा मनाहाॽ, निङ्वाॽफुसाम्बाहाॽ नु ले़बिहाॽरे़आङ् खुन्छिॽ पेसाङ्बा लाजेॽ के़युङ्बा यक्युङ्बा कनानि, हित्ति, परिज्जि, यबुसि नु एमोरिहाॽरे़ खुन्छिॽ याम्गे़सिङ्बा याःम्बक्लाम् लाःत्लाःत् मे़न्युङ्ङे मे़वाॽ फाॽआङ् इस्राइलबा कुभा लाम्लोबाहाॽरे़ आङ्गाॽ मे़मे़त्ताङ्॥ खे़न् मनाहाॽरे़ मे़जोगुबा याम्गे़सिङ्बा याःम्बक्हाॽ इस्राइलिहाॽरे़आङ् मे़जोगुर मे़वये़॥
यरुसले़म नाङ्गे़न् ले़प्माङ् चिःन्जिःन् के़घुबा मे़जोगुबा कोःक्माल्ले़ लाङ्गे़त् पिसाङ् इस्राइलबा हाङ् सोलोमनरे़ सिदोनिहाॽरे़ खुन्छिॽ याम्गे़सिङ्बा माङ्मा अस्तोरेत, मोआबबा सिक्के़ले़ःङ्बा माङ् कमोसे़न् नु अम्मोनबा मनाहाॽरे़ खुन्छिॽ याम्गे़सिङ्बा माङ् मोलोखरे़ कुलागि माङ्धाःन्हाॽ चोगुआङ् ने़स्से़, खे़न् माङ्धाःन्हाॽआङ् योसियाहःल्ले़ आसुत्थो चोगु॥
“इस्राइलबा लाम्लोबाहाॽरे़ खे़ने़ॽ के़बाःन्निन् मे़घे़प्सुॽ॥ खे़ब्याङ् खे़ने़ॽ नु इस्राइलबा खे़न् लाम्लोबाहाॽ मिस्रबा हाङ्ङे़ओ के़बेगिॽ, हे़क्क्याङ् खिनिॽ खे़न् अक्खे के़मे़त्तुम्ॽ, ‘यहवे दाङ्बा हिब्रुहाॽरे़ खुनिॽ निङ्वाॽफुमाङ्ङिन् आनिगे तुम्से़ ये़आङ् वाॽ, खे़ब्याङ् यहवे दाङ्बा आनिगे निङ्वाॽफुमाङ्ङिल्ले़ कुलागि वयागे़न् सिदुङ्जभा तोःन्छे़ मुरे़क् खारे़क्पा थेआङ् के़होप्पादे़न्नो सुम्यान्बा लाम्दिःक्को पेःक्मा आभाःक्ते़ॽ॥’
Piblisite