लाम्‍दिक् 8:25 - लिम्‍बु

²⁵ खे़ब्‍याङ् फारोल्‍ले़ मोसान् नु हारुने़न् उःत्तुसिआङ् मे़त्तुसि, “खे़निॽ पेगे़म्‍मे़ॽ कर हाबा कन् लाजेॽओ खिनिॽ निङ्‌वाॽफुमाङ्‌ङो सिदुङ्‌जभा तोःन्‍दे़म्‍मे़ॽ॥”

लाम्‍दिक् 8:25 Referans Kwoze

लाम्‍दिक् 9:27

फारोल्‍ले़ मोसान् नु हारुने़न् उःत्तुसिआङ् मे़त्तुसि, “कन्‍छुमो आङ्‌गाॽ लायो चोगुङ्॥ यहवे दाङ्‌बान् कुदोःप्‍मा चोक्, आङ्‌गाॽ नु आमनाहाॽरे़ याःम्‍बक् फेःन्‍दुम्‍बे़॥

लाम्‍दिक् 8:8

खे़ब्‍याङ् फारो हाङ्‌ङिल्‍ले़ मोसान् नु हारुने़न् खुन्‍छिॽ उःत्‍छे़ पाङ्‌घुसिआङ् मे़त्तुसि, “आङ्‌गाॽ नु आमनाहाॽलाम् पे़दःक्‍हाॽ खे़त्तुदेसुसिर फाॽआङ् यहवे दाङ्‌बान् पेलि फाक्‍ते़से़ॽ, हे़क्‍क्‍याङ् यहवे दाङ्‌बे़ल्‍ले़ कुलागि सिदुङ्‌जभा तोःन्‍छे़ खे़न्‍छिॽ मनाहाॽ पेःक्‍मा फाःक्‍तुङ्‌सिङ्‌ॽ॥”

लाम्‍दिक् 12:31

खे़न् से़न्‍दिक् फारोल्‍ले़ मोसान् नु हारुने़न् खुन्‍छिॽ उःत्‍छे़ पाङ्‌घुसिआङ् मे़त्तुसि, “खिन्‍छिॽ नु खिनिॽ इस्राइलिहाॽ लःन्‍दे़म्‍मे़ॽआङ् पेगे़म्‍मे़ॽ॥ आङ्‌गाॽ आलाजेन् ले़रे़म्‍मे़ॽआङ् पेगे़म्‍मे़ॽ हे़क्‍क्‍याङ् खिनिॽ के़बाःत्तुम्‍बा हे़क्‍के खिनिॽ यहवे दाङ्‌बे़न् माङ्‌से़वा मे़त्ते़म्‍मे़ॽ॥

लाम्‍दिक् 10:16

खे़ब्‍याङ् हाङ्‌ङिल्‍ले़ हाराहारा मोसान् नु हारुने़न् उःत्तुसिआङ् मे़त्तुसि, “आङ्‌गाॽ खिनिॽ यहवे दाङ्‌बान् नु खिनिॽ तक्‍ले़ङ्‌वाओ लायो चोगुङ्॥

सुफो 3:9

कुभारे़ आनिगे यहुदिसिगे़ मे़लॽ कर खे़ङ्‌हाॽ मेःन्‍छिरो, खे़ङ्‌हाॽग माफे़न्‍साम्‍मिल्‍ले़ कुमना इङ्‌ले़क् के़बाःप्‍पासिरो॥ खे़प्‍से़ॽओ, खे़ङ्‌हाॽ के़लाङ्‌जक्‍पो मे़नःम्‍सिङ्‌ङाङ् मे़दार चोगुङ्‌सिङ्‌ङाङ् खे़ङ्‌हाॽरे़ खे़ने़ॽए लुङ्‌माॽ तुक्‍ने़ॽ के़लॽबान् कुसिङ् मे़निःत्तुॽरो॥

लाम्‍दिक् 9:28

यहवे दाङ्‌बान् पेलि आभाक्‍ते़ आबिरे़म्‍मे़ॽ, थेआङ्‌भे़ल्‍ले़ कन् खे़रे़ङ्‌घुरुङ् के़लॽबा इक्‍लान् नु फःन्‍निन् साॽरिक् इःत्ते़॥ आङ्‌गाॽ खिनिॽ पेःक्‍मा फाःक्‍निङ् फाॽआङ् पाःत्तुङ्‌ॽ, आल्‍ल खिनिॽ कॽयो युङ्‌मा मे़बोङ्‌ने़न्॥”

लाम्‍दिक् 10:8

खे़ब्‍याङ् मोसान् नु हारुने़न् फारोओ मे़दारुसि हे़क्‍क्‍याङ् हाङ्‌ङिल्‍ले़ खुन्‍छिॽ मे़त्तुसि, “खिनिॽ पेगे़म्‍मे़ॽ, हे़क्‍क्‍याङ् खिनिॽ यहवे दाङ्‌बा निङ्‌वाॽफुमाङ्‌ङिन् माङ्‌से़वा मे़त्ते़म्‍मे़ॽ॥ कर खिनिॽओ आत्तिन् आत्तिन्‍हाॽ के़बेगिबा?”

लाम्‍दिक् 10:24

खे़ब्‍याङ् फारो हाङ्‌ङिल्‍ले़ मोसान् उःत्तुआङ् मे़त्तु, “खिनिॽ पेगे़म्‍मे़ॽआङ् खिनिॽ यहवे दाङ्‌बे़न् माङ्‌से़वा मे़त्ताम्‍मे़ॽ, खिनिॽ मे़न्‍छुमाहाॽ, हिन्‍जाॽबित्‍छाॽहाॽआङ् मे़बेःक्‍ल॥ कर खिनिॽ मे़ल्‍लुक् मे़ःन्‍दाहाॽ पित् नु कुम्‍बाबा पित्‍हाॽ आम्‍भा कप्‍मो मे़याःक्‍ल॥”

यसैया 28:22

आल्‍ल खे़निॽ कुनामे़न्‍छाॽ पाःप्‍मा ले़राम्‍मे़ॽओ, मेःन्‍ने़भग्र खे़निॽ के़म्‍घेःक्‍खिबा फे़न्‍थक्‍क्रङ्‌ङिन् आल्‍लसाङ् साॽरिक् के़लिःप्‍पा पोङ्‌लो॥ यहवे दाङ्‌बा, मुक्‍साम्‍दाङ्‌बा यहवे दाङ्‌बे़ल्‍ले़ के़रे़क् लाजेन् मे़क् फाॽआङ् आङ्‌गाॽ मे़त्ताङ्‌ङाङ् वाॽरो॥