लाम्दिक् 8:22 - लिम्बु22 “‘कर आङ्गाॽ खे़न् ये़न्नो आङ्गाॽ आमनाहाॽ मे़युङ्बा गोसेन लाजेःङ्ग ताङ्से़ःप्तुङ् हे़क्क्याङ् खे़प्मो सिजाहाॽ मे़न्दाने़न्॥ आङ्गाॽ हे़क्के चोगुङ्ॽ हे़क्क्याङ् खे़ने़ॽ के़लाजेॽओ आङ्गाॽ यहवे दाङ्बे़ल्ले़ए कन् याःम्बक्हाॽ चोगुङ्ल वाॽआ फाॽआङ् खे़ने़ॽ कुसिङ् के़निःत्तुॽ॥ Gade chapit la |
लाम्दिक् 8:22
19 Referans Kwoze
मोसाःल्ले़ हाङ्ङिन् मे़त्तु, “ये़क्यक्कोलाम् लाःक्कात् लःन्दिगे़ पेगिगे़नुमे़ःन्ने आङ्गाॽ आहुक्हाॽ फोःक्खुङ्ङाङ् यहवे दाङ्बे़न् पेलि फाक्तुङ्ॽ॥ खे़रे़ङ्घुरुङ् लॽमा नाॽ हे़क्क्याङ् फःन् थामा नाॽ॥ खे़ब्याङ् कन् इक्सादिङ् खाम्बेःक्मान् यहवे दाङ्बे़ल्ले़न्रे़त्छ फाॽआङ् खे़ने़ॽ निङ्वाॽ के़घोसुॽ॥
आङ्गाॽ आबाःन्निन् खे़म्मा के़न्दे़न्ने़न्ने़भग्र आङ्गाॽ खे़ने़ॽ के़हिम्मो, खे़ने़ॽ के़सुहाङ्गे़म्बाहाॽरे़ खुन्छिॽ हिम्मो नु के़मनाहाॽरे़ खुन्छिॽ हिम्मो सिजाहाॽ पाङ्घुङ् तासुङ्सिङ्ङाङ् खे़ने़ॽ खुम्दिङ् पिने़॥ मिस्रबाहाॽरे़ खुन्छिॽ हिम्हाॽ, लाजेॽ सिङ्बुङ्ङिन् के़रे़क् सिजाहाॽरे़ सधे़क् तिम्ॽ, आङ्गाॽ पाःत्तुङ्बा कन् साम्दिङ् पाःन्निन् खे़प्से़ॽ॥
थेआङ्भे़ल्ले़ तुक्सि ये़न्नो यहवे दाङ्बे़ल्ले़ ताङ्साङ्बा, इक्सादिङ् खाम्बेःक्मा, वरःङ् नु खे़प्मो के़याक्पा के़रे़क् पाःन्हाॽ चोगु, कर नुसिगेक्पा ये़न्नो खुने़ॽ नाःम्सिङ्॥ खे़ल्ले़चोगुल्ले़ यहवे दाङ्बे़ल्ले़ नाःम्सिङ्मा ये़न्निन् हाङ्वागे़न् मुॽइसाम् पिरु, हे़क्क्याङ् खे़न् सेसे चोगु॥
Piblisite