2 खे़ने़ॽ मनाहाॽ पेःक्मा के़म्भाःक्तुसिन्ने़भग्र आङ्गाॽ खे़ने़ॽ के़रे़क् के़लाजेॽओ पे़दःक्हाॽ पाङ्घुङ्सिङ्ङाङ् तुक्खे चाःत्ने़॥
खुने़ॽ याङ्ना सिजाहाॽ हयङ् हयङ् लॽरिक् पाङ्घु तासुसिआङ् मिस्रबा मनाहाॽ मे़हाॽरुसिरो, हे़क्क्याङ् खुने़ॽ पे़दःक्हाॽ पाङ्घु तासुसिआङ् मिस्र लाजेन् सिदे़प् मे़दे़प्तुरो॥
खे़ने़ॽ खे़ङ्हाॽ पेःक्मा के़म्भाःक्तुसिन् हे़क्क्याङ् आल्लसाङ् के़साक्तु के़गत्तुसिने़भग्र,
खे़ब्याङ् यहवे दाङ्बे़ल्ले़ मोसान् मे़त्तु, “फारोन् हादिङ् के़धक्पा पोःक्खे़आङ् वाॽ हे़क्क्याङ् इस्राइलिहाॽ पेःक्मा मे़भाःक्तुसिन्॥
खे़ङ्हाॽरे़ खुनिॽ लाजेन् पे़दःक्हाॽरे़ सिदे़प् मे़दे़प्तुरो, हाङ्हिम्मो सुहाङ्युक्पाहाॽरे़ खुनिॽ इम्मादे़न्हाॽआङ् सधे़क् मे़धिम्सुरो॥
खे़ब्याङ् यहवे दाङ्बे़ल्ले़ मोसान् मे़त्तु, “फारोओ पेगे़ॽ हे़क्क्याङ् यहवे दाङ्बे़ल्ले़ अक्खे पाःत्तुर पत् मे़त्ते़ॽ, ‘आङ्गाॽ आमनाहाॽ पेःक्मा फाःक्ते़से़ॽ हे़क्क्याङ् मे़बेःक्काङ् खे़ङ्हाॽरे़ आङ्गाॽ माङ्से़वा मे़मे़त्ता॥
निल वहःङ्ङिन् पे़दःक्हाॽरे़ सधे़क् मे़धिम्सुॽ, हे़क्क्याङ् खे़न् पे़दःक्हाॽ खे़ने़ॽ के़हिम्मो, के़इम्मादे़न् याक्फाङ्ङो, के़ने़त्नाओ, के़सुहाङ्युक्पाहाॽ नु के़मनाहाॽरे़ खुन्छिॽ हिम्हाॽओ हे़क्क्याङ् के़दःक् थोःक्मादे़न्नो नु फेॽरुम् सॽमा खप्प्याओआङ् मे़दाःॽ॥