लाम्‍दिक् 7:9 - लिम्‍बु

⁹ “फारोल्‍ले़ खिन्‍छिॽ आप्‍फेक् मिक्‍सेन् पिमारे़ लागि खुने़ॽ लत्‍छा निङ्‌वाॽ के़माबा याःम्‍बक् चोःक्‍मा के़बाङ्‌सिने़भग्र हारुने़ल्‍ले़ कुदक्‍काःत्तिन् फारोल्‍ले़ कुदगि लाप्‍फुमा पाङ्‌घे़ॽ हे़क्‍क्‍याङ् खे़न् असेःक् पोङ्‌ॽ॥”

लाम्‍दिक् 7:9 Referans Kwoze

युहुन्‍ना 2:18

हे़क्‍केःल्‍ले़ कुभा यहुदि लाम्‍लोबाहाॽरे़ खुने़ॽ सेःन्‍मे़दोसु “थे़मा युक्‍किल्‍ले़ खे़ने़ॽ अक्‍खे के़जोगुबाबे? कन् युक्‍किन् निङ्‌वाॽफुमाङ्‌लाम्‍ने़ फाॽग्र निङ्‌वाॽ के़माबा मिक्‍सेन् याप्‍मि ओसेःन्‍आधाक्‍ते़ॽ॥”

यसैया 7:11

“खे़मायङ्‌सङ् यो लाम् इग्र ताङ्‌साङ्‌बो थो लाम्‍साङ् खुने़ॽ कुबाःन्‍जाःक्‍किन् कुसिङ् निःप्‍मारे़ लागि यहवे दाङ्‌बा के़निङ्‌वाॽफुमाङ्‌ङिन् लत्‍छा मिक्‍सेन् थिक् नाःक्‍ते़ॽ॥”

लाम्‍दिक् 4:2

यहवे दाङ्‌बे़ल्‍ले़ सेःन्‍दोसु, “खे़ने़ॽ के़हुक्‍को थे़माःन् के़गत्तुॽ?” खे़ल्‍ले़ पाःत्तुॽ, “तक्‍कात्॥”

युहुन्‍ना 6:30

खे़ल्‍ले़चोगुल्‍ले़ खे़ङ्‌हाॽरे़ खुने़ॽ सेःन्‍मे़दोसु, “आक्‍तङ्‌बा निङ्‌वाॽ के़माबा मिक्‍सेन् के़जोगुआङ् आनिगे नसान् चोःक्‍कासिगे़बाबे? आनिगे लागि खे़ने़ॽ थे के़जोगुबे?

लाम्‍दिक् 4:17

कर कन् तक्‍काःत्तिन् खे़ने़ॽ के़हुक्‍कोए तेॽरे़आङ् पेगे़ॽ॥ खे़ने़ॽ कन् तक्‍काःत्तोलाम् निङ्‌वाॽ के़माबा मिक्‍सेःन्‍हाॽ के़जोगुरो॥”

लाम्‍दिक् 10:13

मोसाःल्‍ले़ कुदक्‍काःत्तिन् मिस्रओ फोःक्‍खु हे़क्‍क्‍याङ् यहवे दाङ्‌बे़ल्‍ले़ खे़ल्‍ले़ याःन्‍दिक् नाम्‍धाधा नु से़न्‍दिक् नाम्‍दाःत्तात् मिस्र लाजेॽओ नाङ्‌गे़न् ले़प्‍माङ्‌लाम् सुरित् केजङ् हुरे़र याःन्‍दु॥ कुदाःक्‍दिक्‍मा तानाम् खे़न् सुरित् केजङ्‌ङिल्‍ले़ निःङ्‌घुक्‌वाहाॽ तारुसि॥

युहुन्‍ना 10:38

कर इङ्‌गाॽ खे़न् याःम्‍बक्‍किन् चोगुङ्‌ने़ फाॽग्र इङ्‌गाॽओ नसान् के़न्‍जोगुम्‍मिन्‍छाङ् कन् चोगुङ्‌बा याःम्‍बक्‍हाॽओग नसान् चोगे़म्‍मे़ॽओ॥ हे़क्‍केलॽरिक् पानुदिङ् पान् इङ्‌गाॽओ वाॽ हे़क्‍क्‍याङ् इङ्‌गाॽ खुने़ॽओ वाॽआ के़लॽबा पाःन्‍निन् कुसिङ् के़निःत्तुम्‍लो॥”

मत्ति 12:39

ये़सुरे़ खे़ङ्‌हाॽ नोगप् पिरुसि, “कन् ये़म्‍मोबा कुॽइगे़भे़ॽबा नु लायोबा मनाहाॽरे़ निङ्‌वाॽ के़माबा मिक्‍सेःन्‍हाॽ ओमे़प्‍मा मे़गोःत्तुॽ, कर खे़ङ्‌हाॽरे़ग माङ्‌निङ्‌वाॽपान् के़बाःप्‍पा योनारे़ कुमिक्‍सेःन्‍नाङ्‌धो वेॽ मिक्‍सेन् थेआङ् ओमे़प्‍मा मे़ङ्‌घोसुन्‍लो॥

इजकिएल 29:3

मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुरो— “निलबा वइक्‍लाहाॽओ स्‍वाःत् के़याक्‍पा, यम्‍बा होरुए मिस्रबा हाङ्, फारोए, आङ्‌गाॽ खे़ने़ॽ के़निङ्‌मिआरो, थेआङ्‌भे़ल्‍ले़ खे़ने़ॽ अक्‍खे के़बाःत्तुआङ् वाॽरो, ‘निल वहःङ्‌ङिन् आङ्‌गाॽइन्‍लो, आङ्‌गाॽ कन् आप्‍फेक् आलागि चोगुङ्‌बारो॥’

लाम्‍दिक् 9:23

खे़ब्‍याङ् मोसाःल्‍ले़ कुदक्‍काःत्तिन् ताङ्‌साङ्‌बो ले़प्‍माङ् सन्‍छु, हे़क्‍क्‍याङ् यहवे दाङ्‌बाल्‍ले़ खे़रे़ङ्‌घुरुङ् लॽरे़आङ् फःन् थ्‍ये़र याःन्‍दु, खे़म्‍ब्‍याङ् इक्‍सादिङ् खाम्‍बेःक्‍मो साःम्‍भे ले़क्‍ते़॥ हे़क्‍क्‍याङ् यहवे दाङ्‌बे़ल्‍ले़ मिस्रओ आत्ति आत्ति यम्‍बा फःन् थ्‍ये़र याःन्‍दु॥

लाम्‍दिक् 4:20

कल्‍ले़चोगुल्‍ले़ मोसाःल्‍ले़ खुने़ॽ कुमेत् नु कुस्‍साहाॽ लत्‍छा अदङ्‌ङो युक्‍खुसि हे़क्‍क्‍याङ् निङ्‌वाॽफुमाङ्‌ङिल्‍ले़ कुदक्‍काःत्तिन् कुहुक्‍को याङ्‌सिङ्‌ङाङ् खुने़ॽ मिस्र ले़प्‍माङ् थासिङ्॥

लाम्‍दिक् 7:8

खे़ब्‍याङ् यहवे दाङ्‌बे़ल्‍ले़ मोसान् नु हारुने़न् मे़त्तुसि,

लाम्‍दिक् 4:3

यहवे दाङ्‌बे़ल्‍ले़ मे़त्तु, “खे़न् खाम्‍बाङ्‌ङो लाप्‍फुसे़ॽ॥” मोसाःल्‍ले़ तक्‍काःत्तिन् खाम्‍बाङ्‌ङो लाप्‍फुसु हे़क्‍क्‍याङ् खे़न् असेःक् पोःक्‍खे़ खे़ब्‍याङ् मोसान् किसे़आङ् खे़त्‍छिङ्॥