लाम्‍दिक् 7:22 - लिम्‍बु

²² कर मिस्रबा कित्‍चाक् के़जोःक्‍पाहाॽरे़आङ् खुन्‍छिॽ मिक्‍ले़ःङ्‌मालाम् हे़क्‍तङ्‌बाए मे़जोगु॥ हे़क्‍केःल्‍ले़ फारो हाङ्‌ङिन् तगि हे़क्‍केए हादिङ् के़धक्‍पा पोःक्‍खे़॥ यहवे दाङ्‌बाल्‍ले़ पाःत्तुबा हे़क्‍केए हाङ्‌ङिल्‍ले़ मोसान् नु हारुने़ल्‍ले़ खुन्‍छिॽ पाःन्‍निन् खे़म्‍मा मे़दे़न्‍दे़न्॥

लाम्‍दिक् 7:22 Referans Kwoze

लाम्‍दिक् 7:11

खे़ब्‍याङ् हाङ्‌ङिल्‍ले़आङ् सिक्‍कुम्‍साबा कुमनाहाॽ नु कुगित्‍चाक् के़जोःक्‍पाहाॽरे़ खुन्‍छिॽ उःत्‍छे़ पाङ्‌घुसि हे़क्‍क्‍याङ् खे़ङ्‌हाॽरे़आङ् मिक्‍ले़ःङ्‌मालाम् हे़क्‍तङ्‌बाए मे़जोगु॥

२ तिमोथि 3:8

जेन्‍नस नु जेम्‍ब्रससिरे़ मोसान् मे़अत्तुबा कुइसिक् खे़न् मनाहाॽरे़ से़क्‍खान् मे़अत्तुरो॥ खे़न् मनाहाॽ फे़न्‍निङ्‌वाॽबासिरो, हे़क्‍क्‍याङ् खुनिॽ नसाःन्‍निन् से़क्‍खाबा मे़जोक्‍ने़न्॥

यर्मिया 27:18

खे़ङ्‌हाॽ से़क्‍खाए माङ्‌निङ्‌वाॽपान् के़बाःप्‍पासि हे़क्‍क्‍याङ् खे़ङ्‌हाॽरे़ आङ्‌गाॽ आइङ्‌घङ्‌ङिन् मे़बाःत्तुआङ् मे़वाॽने़भग्र माङ्‌हिम् नु हाङ्‌हिम्‍मो के़नम्‍बा याङ्‌साकुन्‍धेन् बेबिलोन ये़क्‌यक्‍को तेॽमा मे़बाङ्‌घे़से़न्‍ने़ॽ फाॽआङ् खे़ङ्‌हाॽरे़ मुक्‍साम्‍दाङ्‌बा यहवे दाङ्‌बान् पेलि मे़भाक्‍तुर॥

तोलिङ्‌सोमु 41:8

सोरे़आङ् तानाम् साॽरिक् निङ्‌साङ्‌ङो थ्‍ये़, हे़क्‍क्‍याङ् मिस्र लाजेॽबा के़रे़क् कित्‍चाक्‍हाॽ नु खे़ॽयोबा सिक्‍कुम्‍साबा मनाहाॽ खुने़ॽ उःत्तुसि॥ फारोल्‍ले़ खे़ङ्‌हाॽ कुसे़प्‍माङ्‌हाॽ चे़क्‍तुसि, कर खे़ॽयो खुने़ॽ कुसे़प्‍माङ्‌ङिल्‍ले़ कुबे के़हम्‍बा के़बिबा हाःत्ताङ् मे़होःप्‍ते़॥

लाम्‍दिक् 7:13

कर फारोन् आल्‍लसाङ् हादिङ् के़धक्‍पा पोःक्‍खे़आङ् युङे़ हे़क्‍क्‍याङ् यहवे दाङ्‌बे़ल्‍ले़ पाःत्तुबा कुइसिःक्‍के मोसान् नु हारुने़ल्‍ले़ खुन्‍छिॽ पाःन्‍निन् खे़म्‍मा मे़दे़न्‍दे़न्॥

लाम्‍दिक् 7:21

च्‍वाःत्तोबा ङाहाॽ मे़स्‍ये़ हे़क्‍क्‍याङ् मिस्रिहाॽरे़ च्‍वाःत्ते थुङ्‌मा मे़न्‍छुक्‍के थारिक् साॽरिक् नाम्‍बसु सुसे़॥ मिस्रबा के़रे़क् च्‍वाःत्‍हाॽ माक्‍खिॽ पोःक्‍खे़॥

लाम्‍दिक् 7:23

परुमाल्‍ले़ कन् के़रे़क् पाःन्‍हाॽ निनि खे़म्‍घे़म् मे़ल्‍लाप्‍पे खुने़ॽ हाङ्‌हिम् ले़प्‍माङ् थासिङ्‌ङाङ् पे॥