लाम्‍दिक् 7:21 - लिम्‍बु

²¹ च्‍वाःत्तोबा ङाहाॽ मे़स्‍ये़ हे़क्‍क्‍याङ् मिस्रिहाॽरे़ च्‍वाःत्ते थुङ्‌मा मे़न्‍छुक्‍के थारिक् साॽरिक् नाम्‍बसु सुसे़॥ मिस्रबा के़रे़क् च्‍वाःत्‍हाॽ माक्‍खिॽ पोःक्‍खे़॥

लाम्‍दिक् 7:21 Referans Kwoze

लाम्‍दिक् 7:18

वहःङ्‌ङोबा ङाहाॽ मे़स्‍सिःॽ, हे़क्‍क्‍याङ् वहःङ्‌ङिन् साॽरिक् नाम्‍सुबाल्‍ले़ चोगुल्‍ले़ मिस्रबा मनाहाॽरे़ च्‍वाःत्तिन् थुङ्‌मा मे़न्‍छुक्‍तुन्‌ॽ॥’”

सुफो 8:9

हे़क्‍क्‍याङ् कुलक् सुम्‍सिओ कुसुक्‌वा थिक् वरःङ्‌ङो के़याक्‍पा कुहिङ्‌वे़त् पाथुङ्‌साहाॽ मे़स्‍ये़, हे़क्‍क्‍याङ् खे़प्‍मोबा कुलक् सुम्‍सिओ कुसुक्‌वा थिक् वालाधाहाॽआङ् मे़यरे़ मे़बेरो॥

लाम्‍दिक् 7:20

खे़ब्‍याङ् मोसान् नु हारुने़ल्‍ले़ यहवे दाङ्‌बे़ल्‍ले़ मे़त्तुसिबा हे़क्‍केए चोगे़सु॥ हाङ्‌ङिन् नु कुसुहाङ्‌युक्‍पाहाॽरे़ खुन्‍छिॽ तगि हारुने़ल्‍ले़ कुदक्‍काःत्तिन् फोःक्‍खुआङ् वहःङ्‌ङिन् हिप्‍तु हे़क्‍क्‍याङ् खे़प्‍मो के़ने़बा के़रे़क् च्‍वाःत्‍हाॽ माक्‍खिॽ पोःक्‍खे़॥

लाम्‍दिक् 7:22

कर मिस्रबा कित्‍चाक् के़जोःक्‍पाहाॽरे़आङ् खुन्‍छिॽ मिक्‍ले़ःङ्‌मालाम् हे़क्‍तङ्‌बाए मे़जोगु॥ हे़क्‍केःल्‍ले़ फारो हाङ्‌ङिन् तगि हे़क्‍केए हादिङ् के़धक्‍पा पोःक्‍खे़॥ यहवे दाङ्‌बाल्‍ले़ पाःत्तुबा हे़क्‍केए हाङ्‌ङिल्‍ले़ मोसान् नु हारुने़ल्‍ले़ खुन्‍छिॽ पाःन्‍निन् खे़म्‍मा मे़दे़न्‍दे़न्॥

निङ्‌वाॽफु साम्‍लोसुम् 105:29

खे़ङ्‌हाॽरे़ खुनिॽ च्‍वाःत्तिन् माक्‍खिॽ पोःक्‍खे़र याःन्‍दुरो, हे़क्‍क्‍याङ् के़रे़क् ङाहाॽ हदॽ मे़स्‍ये़रो॥

लाम्‍दिक् 8:14

खे़न् के़सिबा पे़दःक्‍हाॽ मिस्रिहाॽरे़ मे़भुक्‍खुसिआङ् मे़लुप्‍सुसि हे़क्‍क्‍याङ् लाजेःन्‍ने नाम्‍सुमा हेःक्‍ते़॥

यसैया 19:8

ङा के़से़प्‍पाहाॽ मे़हाःप्‍लो, खेःङ् के़देबाहाॽ मे़रिङ् मे़धक्‍लो हे़क्‍क्‍याङ् निल वहःङ्‌ङोबा च्‍वाःत्तो योःङ् के़ले़प्‍पाहाॽ खुन्‍छिॽ निङ्‌साङ् पुक्‍लो॥