लाम्दिक् 6:7 - लिम्बु7 आङ्गाॽ खिनिॽ आबाङे आमना पोङ्मारे़ लागि ताःक्निङ्, हे़क्क्याङ् आङ्गाॽ खिनिॽ निङ्वाॽफुमाङ् पोङ्ङा॥ खे़ब्याङ् आङ्गाॽ खिनिॽ यहवे दाङ्बा निङ्वाॽफुमाङ्आ, मिस्रिहाॽरे़ योक् के़म्जोगिबालाम् खुने़ॽ खिनिॽ के़लःत्ति के़भे़त्ति के़लॽबा पाःन्निन् खिनिॽ कुसिङ् के़निःत्तुम्ॽ॥ Gade chapit la |
लाम्दिक् 6:7
50 Referans Kwoze
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिल्ले़ कुलागि खिनिॽ लत्छा सेसेबा सुवाङ्निङ्लो॥ यहवे दाङ्बा खिनिॽ निङ्वाॽफुमाङ्ङिल्ले़ इक्सादिङ् खाम्बेःक्को के़वाॽबा के़रे़क् मे़न्छाम् याप्मिहाॽलाम् खुने़ॽ कुलागि लत्छा के़ये़क्पा सुवाङ्, लत्छा इमे़ल्लुङ्बा याङ्साकुन्धे चोःक्मारे़ लागि खिनिॽ के़सेगिआङ् वाॽ॥
हे़क्क्याङ् इङ्गाॽ हाङ्युक्नाओलाम् यम्बा इक्लाधिक् त्ये़बा खे़प्सुङ्लो, “आल्ल निङ्वाॽफुमाङ्ङिल्ले़ कुवाॽमा ते़न्निङ्ग मे़न्छाम् याप्मिहाॽनु सोरिक् पोःक्खे़आङ् वाॽ, हे़क्क्याङ् खुने़ॽ खे़ङ्हाॽनु वाॽ॥ हे़क्क्याङ् खे़ङ्हाॽग कुसेसे याप्मि मे़बोङ्लो॥ निङ्वाॽफुमाङ्ङिन् आबाङे खे़ङ्हाॽनु वाॽआङ् खुने़ॽ खे़ङ्हाॽरे़ खुनिॽ निङ्वाॽफुमाङ् पोङ्लो॥
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
“इस्राइलबा आमनाहाॽनु चोःक्मा इःत्तुङ्बा कुसङ् माङ्हुप्पिन् अक्तङ्बा पोङ्लो” यहवे दाङ्बे़ल्ले़ पाःत्तुरो “खे़ङ्हाॽरे़ खुन्छिॽ निङ्वाॽओ आसाम्योथिम् इङ्जाङ्ङिन् युक्खुङ् पिरुङ्सिङ्लो हे़क्क्याङ् खुन्छिॽ सिक्लुङ्मो साप्तुङ् पिरुङ्सिङ्लो॥ खे़ङ्हाॽरे़ खुन्छिॽ निङ्वाॽफुमाङ् पोङ्ङारो खे़ब्याङ् खे़ङ्हाॽ आमना मे़बोङ्लो॥
“कल्ले़चोगुल्ले़ इस्राइलिहाॽ मे़त्ते़से़ॽ, ‘आङ्गाॽ यहवे दाङ्बाआ, आङ्गाॽ खिनिॽ ताङ्से़ःप्निङ्ॽ हे़क्क्याङ् मिस्रिहाॽरे़ योक् के़म्जोगिबालाम् से़न्ने़निङ्ॽ॥ आङ्गाॽ मुक्साम्साबा आहुक्किल्ले़ साःप्सुङ्सिङ्ङाङ् मिस्रिहाॽ किप्मा के़घुबा खुम्दिङ् पिरुङ्सिङ् हे़क्क्याङ् खिनिॽ ताङ्से़ःप्निङ्ॽ॥
खे़ने़ॽ के़लागि हाङ्हाॽ पानुदिङ् पा हे़क्के हे़क्क्याङ् हाङ्माहाॽ मा हे़क्के कम्ब्राङ् के़मे़प्पा मे़बोङ्लो॥ खे़ङ्हाॽरे़ खे़ने़ॽ खाम्बाङ्ङो थारिक् अःक्खुम् मे़भन्छिङ्ङाङ् से़वा के़म्मे़त्लो, हन्नाङ् नःम्नःम्बा मे़बोङ्ङाङ् मिङ्सो इङ्धाङ् के़म्बिरो॥ हे़क्केलॽरिक् यहवे दाङ्बाआ फाॽआङ् खे़ने़ॽ निङ्वाॽ के़घोसुरो, आङ्गाॽ आलाम् ओगे़मे़प्पाहाॽ निङ्वाॽ तुक्मो मे़न्धाने़ल्लो॥”
खे़निॽ तुक्खे के़जाःप्पाहाॽ आङ्गाॽ खुन्छिॽ आबाङे ने़क्सान् चामा पाङ्घुङ्सिङ्लो॥ चे़ल्ले़क्सेॽ थिःल्ले़ मयुसिबा हे़क्के खे़ङ्हाॽ आबाङे खुन्छिॽ माक्खिल्ले़ मयुसिरो॥ हे़क्केलॽरिक् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ आङ्गाॽए खे़ने़ॽ के़यहवे दाङ्बा के़से़न्लप्दाङ्बाआ, के़मे़ल्लुङ् के़हुङ्बाआङ् के़धे़ॽबा याकुबरे़ कुमुक्साम्दाङ्बा कुनिङ्वाॽफुमाङ्आ फाॽआङ् निङ्वाॽ मे़घोसुरो॥”
हाङ्माल्ले़ कुनु के़धुङ्बा अङे़ःक्वा हे़क्केए मुक्साम्साबा हाङ्हाॽ नु मुक्के़गुबा मे़न्छाम् सुवाङ्हाॽरे़ खे़ने़ॽ चाहा के़जोःक्पा पाःन्हाॽओ के़निङ्वाॽ के़म्दा के़म्बिरो॥ आङ्गाॽ, यहवे दाङ्बा, के़से़न्लप्दाङ्बा, खे़ब्याङ् खे़ने़ॽ के़धे़ॽबा, हे़क्क्याङ् इस्राइलबा मुक्साम्दाङ्बाआ फाॽआङ् खे़ने़ॽ कुसिङ्गे़निःत्तुरो॥
खे़ब्याङ् मोसाःल्ले़ मनाहाॽ मे़त्तुसि, “खिनिॽ योःग्बा योःग्मा के़बोःक्खिआङ् के़वयिबा मिस्र लाजेन् के़ले़रुम्माङ् के़भे़रिबा कन् ये़न्निन् निङ्वाॽ इःत्ते़म्मे़ॽ॥ कल्ले़ याःन्दिक् यहवे दाङ्बे़ल्ले़ खुने़ॽ पयम् यम्बा कुमुक्साम्मिल्ले़ खिनिॽ के़लःत्ति के़भे़त्ति॥ कल्ले़ याःन्दिक् के़भङ्बा सिदाॽ मे़न्याक्केबा खरे़ःङ्रक् खिनिॽ चे़म्मे़ॽ॥
हे़क्क्याङ् आङ्गाॽ खे़ल्ले़ कुनिङ्वान् हादिङ् के़धक्पा चोगुङ् पिरुङ्ॽ खे़ब्याङ् खे़ल्ले़ खे़ङ्हाॽ नाःत्तुसिॽ, कर खे़न् नु खे़ल्ले़ कुधक्सुबाहाॽ आङ्गाॽ नाःन्दुङ्सिङ्ॽ हे़क्क्याङ् मनाहाॽरे़ आङ्गाॽ मिमिदिङ् मे़बिआ॥ खे़ब्याङ् मिस्रिहाॽरे़ यहवे दाङ्बान् आङ्गाॽए फाॽआङ् निङ्वाॽ मे़घोसुॽ॥” हे़क्क्याङ् इस्राइलिहाॽरे़ हे़क्केए मे़जोगु॥
खे़ङ्हाॽ किमा नु यङ्मा के़प्माल्ले़ सुःप्तुसिआङ् वाॽरो॥ यहवे दाङ्बाए! खे़ङ्हाॽरे़ खे़ने़ॽ के़मुक्साम्मिन् मे़निसुरो, खे़ने़ॽ योःक्लाम् के़से़न्दु के़भे़त्तुसिबा के़मनाहाॽ, लाङ्मे़घेःक्काङ् नाधाःम्बि मे़बेःक्किल्ले़ निङ्मिहाॽ किमाल्ले़ चिरिम्लिम्ना मे़यङ्ङाङ् मे़म्बाःत्ते मे़ये़प्लो॥
हे़क्केसाङ् यहवे दाङ्बे़ल्ले़ पाःत्तुॽ, “आङ्गाॽ लिबोङ् तङ्बे थारिक् मुरे़क् खारे़क् थेआङ् के़होप्पादे़न्नो खिनिॽ लाम्लोनिङ् फे़त्निङ्ङिल्ले़ खिनिॽ थक्को के़जाक्खुम्बा चाङ्हाॽ कुद्रे़क् मे़बोःक्खे़न्, हे़क्क्याङ् खिनिॽ लाङ्ङो के़जाक्खुम्बा लाङ्सुःप्पिन्नाङ् कुद्रे़क् मे़बोःक्खे़न्॥
निङ्वाॽफुमाङ्ङिल्ले़ कुमनान् इस्राइलबा हाङ् आहाबरे़ओ त्ये़आङ् खुने़ॽ मे़त्तु, “यहवे दाङ्बे़ल्ले़ अक्खे पाःत्तुॽ—‘यहवे दाङ्बे़ङ्ग कोःक्माहाॽओबा माङ्, ने़ने़बादे़न्नोबा माङ् मेःन् फाॽआङ् अरामिहाॽरे़ मे़इःत्तुॽ॥ कल्ले़चोगुल्ले़ आङ्गाॽ कन् आत्तातान्ने यरिक् थक्सुबाहाॽ खे़ने़ॽ के़हुक्को थासुङ्सिङ्ॽ, हे़क्क्याङ् आङ्गाॽए यहवे दाङ्बाआ फाॽआङ् खे़ने़ॽ निङ्वाॽ के़घोसुॽ॥’”
Piblisite