लाम्‍दिक् 6:25 - लिम्‍बु

²⁵ हारुने़ल्‍ले़ कुस्‍सा एलाजारे़ल्‍ले़ पतिएलरे़ कुस्‍सा मे़न्‍छुमाहाॽओ लत्‍छा मेःक्‍खिम् मे़त्तु, खे़ल्‍ले़ पिनहासे़न् सा कत्तु॥ ले़बिहाॽरे़ खुनिॽ हिम्‍सयङ्‌हाॽओबा मुलि मनाहाॽ खे़ङ्‌हाॽरे़ खुनिॽ थाःक्‍थाःक् कुइसिक् कन्‍हाॽए मे़वये़॥

लाम्‍दिक् 6:25 Referans Kwoze

यहोसु 24:33

हे़क्‍क्‍याङ् हारुनरे़ कुस्‍सा एलाजारे़न्‍नाङ् मासिङ्, हे़क्‍क्‍याङ् खुने़ॽ कुस्‍सा पिनहासे़न् मे़बिरुबा एफ्राइमबा कोःक्‍मा फाङ्‌जङ्‌बा गिबाओ खे़ङ्‌हाॽरे़ खुने़ॽ मे़जिक्‍खुरो॥

खासे़न्‍लोःम्‍बा 20:28

हे़क्‍क्‍याङ् एलाजाररे़ कुस्‍सा हारुनरे़ कुम्‍मे़न्‍छाॽ पिनहासरे़ खे़ल्‍ले़ कुबेसाङ् माङ्‌से़वा चोगुर वये़॥ खम्‍भ्‍याङ् इस्राइलिहाॽरे़ यहवे दाङ्‌बे़न् सेःन्‍मे़दोसु, “थे आनिगे फुॽनुसाॽ बेन्‍यामिनिहाॽरे़ खुन्‍छिॽ तक्‍ले़ङ्‌वाओ थङ् चोःक्‍से़ याम्‍मो पेगिगे़बि इ मे़बेगिगे़न्‍बि?” यहवे दाङ्‌बे़ल्‍ले़ खे़ङ्‌हाॽ मे़त्तुसि, “खिनिॽ पेगे़म्‍मे़ॽ, खे़ङ्‌हाॽ फत्ते़म्‍सिम्‍मे़ॽ॥ ताःन्‍दिक् आङ्‌गाॽ खे़ङ्‌हाॽ खिनिॽ हुक्‍को थासुङ्‌सिङ्॥”

यहोसु 22:13

हे़क्‍क्‍याङ् इस्राइलिहाॽरे़ गिलादबा लाजेॽओ रुबेनि, गादि नु मनस्‍सेरे़ कुभ्रे़ःङ् कुधाःक्‍हाॽओ निङ्‌वाॽफुसाम्‍बा एलाजाररे़ कुस्‍सा पिनहासे़न् मे़बाङ्‌घु,

खानिःत् 31:6

मोसाःल्‍ले़ के़रे़क् थाःक्‍हाॽओलाम् थाःक्‍थक्‍मा १,००० थिक्‍थिक् थङ्‌ङो पाङ्‌घुसि, हे़क्‍क्‍याङ् खे़ङ्‌हाॽनु सोरिक् निङ्‌वाॽफुसाम्‍बा एलाजारे़ल्‍ले़ कुस्‍सा पिनहासे़न् सेसेदे़न्‍नोबा सामापुमाहाॽ नु थङ् मिक्‍सेःन्‌ मुःप्‍नाबा थुत्‍थुरिःप्‍पाहाॽ हुक्‍मे़सुप्‍तुआङ् मे़बाङ्‌घुमे़देसु॥

खानिःत् 26:57

ले़बिःल्‍ले़ कुमुॽइदाङ्‌साहाॽरे़ खुन्‍छिॽ थाःक्‍थाःक् कुइसिक् मे़निरुसिबा ले़बिहाॽ हाबा कन्‍हाॽएरो— गेर्सोनलाम् गेर्सोनिहाॽरे़ खुन्‍छिॽ मुॽइदाङ्‌सा, कहातलाम् कहातिहाॽरे़ खुन्‍छिॽ मुॽइदाङ्‌सा, मरारिलाम् मरारिहाॽरे़ खुन्‍छिॽ मुॽइदाङ्‌सा मे़बोःक्‍खे़॥

ए़ज्रा 7:5

बुक्‍किन् अबिसुःल्‍ले़ कुस्‍सा, अबिसुन् पिनहासे़ल्‍ले़ कुस्‍सा, पिनहासे़न् एलाजारे़ल्‍ले़ कुस्‍सा हे़क्‍क्‍याङ् एलाजारे़न् तुम् निङ्‌वाॽफुसाम्‍बा हारुने़ल्‍ले़ कुस्‍सा वये़॥