लाम्दिक् 6:1 - लिम्बु1 खे़ब्याङ् यहवे दाङ्बे़ल्ले़ मोसान् मे़त्तु, “आङ्गाॽ फारोन् थे मे़त्तुङ्ॽ, आल्ल खे़ने़ॽ के़निसुॽ॥ आङ्गाॽ आमनाहाॽ ले़प्मासिरे़ लागि आङ्गाॽ खे़न् के़साक्पा चाःत्तुङ्ॽ॥ खुने़ॽ कुलाजेॽओलाम् खे़ङ्हाॽ नाःप्मादेमासिरे़ लागि आङ्गाॽ खे़ल्ले़ के़साक्पा तुमुर याःन्दुङ्ॽ॥” Gade chapit la |
लाम्दिक् 6:1
27 Referans Kwoze
आल्ल ओमे़त्ते़म्मे़ॽ, आङ्गाॽग खुने़ॽएआरो, आङ्गाॽनुःल्ले़ वेॽ हाःत्ताङ् माङ् होप्लो॥ आङ्गाॽए से़रुङ्सिङ्लो, हे़क्क्याङ् आङ्गाॽए कुहिङ्वे़त् चोगुङ्सिङ्लो॥ आङ्गाॽए खाःन्दुङ्सिङ्लो, खम्भ्याङ् आङ्गाॽए वेःन्दुङ्सिङ्लो, हे़क्क्याङ् आङ्गाॽ आहुक्कोलाम् हाःत्ले़आङ् से़म्मा मे़सुक्तुसिन्लो॥
कन् थङ्ङिन् खिनिॽ थक्मा मे़बोङ्ने़न्॥ पे़न्बे़न् थे़ःक्पे़त् पे़न्नासिम्मे़ॽआङ् हाङ्घाम्मे़ॽआङ् ये़बे़म्मे़ॽ॥ यहवे दाङ्बे़ल्ले़ खिनिॽ ताङ्गे़से़ःप्तिबा याःम्बक्किन् खिनिॽ निमा के़घोसुम्ॽ॥ मे़गिसे़म्मिन्ने़ॽआङ् खिनिॽ यङ्माआङ् मे़गे़रे़म्मिन्ने़ॽ॥ ताःन्दिक् खे़ङ्हाॽनु थक्से़ खिनिॽ लःन्दे़म् फे़रे़म्मे़ॽ, थेआङ्भे़ल्ले़ यहवे दाङ्बे़न् खिनिॽ ले़प्माङ् वाॽ॥’”
खे़न् सुहाङ्युक्पे़ल्ले़ निङ्वाॽफुमाङ्ङिल्ले़ कुमनान् अक्खे मे़त्तुआङ् वये़, “ओमे़त्ते़ॽ, यहवे दाङ्बे़ल्ले़ साङ्ग्राम्पेदाङ्बा लाम्धेःत्हाॽ हन्दु आबिसाङ् अक्तङ्बा पोङ्मा थे सुक्काङ्बे?” निङ्वाॽफुमाङ्ङिल्ले़ कुमनाःल्ले़ खे़न् सुहाङ्युक्पे़न् अक्खे मे़त्तुआङ् वये़, “खे़ने़ॽ आप्फेक् के़मिक्किल्ले़ खे़न् के़निसुॽ, कर खे़ने़ॽ खे़प्मोलाम् थेआङ् चामा के़ङ्घोसुन्लो॥”
हाङ्ङिल्ले़ कत्तुबा सुहाङ्युक्पा से़वारोबे़ल्ले़ निङ्वाॽफुमाङ्ङिल्ले़ कुमनान् मे़त्तु, “ओमे़त्ते़ॽ, यहवे दाङ्बे़ल्ले़ साङ्ग्राम्पेदाङ्बा लाम्धेःत्हाॽ हन्दु आबिसाङ् अक्तङ्बा पोङ्मा थे सुक्काङ्बे?” एलिसाःल्ले़ नुगप् पिरु, “खे़ने़ॽ आप्फेक् के़मिक्किल्ले़ खे़न् के़निसुॽ, कर खे़ने़ॽ खे़प्मोलाम् थेआङ् चामा के़ङ्घोसुन्लो॥”
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लागि मिस्र लाजेॽओ चोगुबा कुइसिक् आत्तिन् माङ्ङिल्ले़ कुसुवाङ्ङिन् वेॽसमा सुवाङ्लाम् लःत्तुसिआङ् आप्फेक् कुमना चोगुसिआङ् वाॽबे? खिनिॽए मिक् तगि खुने़ॽ पयम् यम्बा कुमुक्साम्मिन् नु कुमुक्किन् ओगप् चोगु॥ खुने़ॽ पयम् यम्बा माङ्दुक्मा नु ते़न्धङ् पोगे़र याःन्दु, ने़हिनिङ्वाॽरे़ मे़न्धाप्मनाबा नु निङ्वाॽ के़माबा याःम्बक्हाॽ चोगुआङ् किप्मा के़घुबा पाःन्हाॽ पोःक्खे़र याःन्दु॥
खे़ब्याङ् मोसाःल्ले़ मनाहाॽ मे़त्तुसि, “खिनिॽ योःग्बा योःग्मा के़बोःक्खिआङ् के़वयिबा मिस्र लाजेन् के़ले़रुम्माङ् के़भे़रिबा कन् ये़न्निन् निङ्वाॽ इःत्ते़म्मे़ॽ॥ कल्ले़ याःन्दिक् यहवे दाङ्बे़ल्ले़ खुने़ॽ पयम् यम्बा कुमुक्साम्मिल्ले़ खिनिॽ के़लःत्ति के़भे़त्ति॥ कल्ले़ याःन्दिक् के़भङ्बा सिदाॽ मे़न्याक्केबा खरे़ःङ्रक् खिनिॽ चे़म्मे़ॽ॥
यहवे दाङ्बे़ल्ले़ खुने़ॽ मुक्साम्बा कुहुक्किल्ले़ मिस्र लाजेॽलाम् खिनिॽ के़लःत्ति के़भे़त्तिबाल्ले़ चोगुल्ले़ कन् तोःम्मनाबा तङ्नाम्मिन् खिनिॽ निङ्वाॽसुम् के़मे़प्पा पोङ्ल फाॽआङ् खुने़ॽ के़रे़क् कुधिम्हाॽ खिनिॽ मुराओ तामाआङ् पप्मारे़ लागि कन् खिनिॽ लागि लत्छा मिक्सेन् हुक्को नु त्वाबो पत्ल॥
Piblisite