लाम्दिक् 5:6 - लिम्बु6 आम्भा खे़न् ये़न्ले़ याःन्दिक् हाङ्ङिल्ले़ याःम्बक्को मना के़भम्बा मिस्रिहाॽ नु याःम्बक् ओगे़मे़प्पा इस्राइलिहाॽ अक्तङ्बा इङ्जाङ् पिरुसि, Gade chapit la |
लाम्दिक् 5:6
14 Referans Kwoze
कन्नुःल्ले़ वेॽ उज्जियाहरे़ थङ् चोःक्मा के़हुॽसिङ्बा नु ते़न्धङ्ले़ लागि आभे़ल्ले़साङ् यारिप् के़बोङ्बा यरिक् थक्सुबाहाॽआङ् कत्तुसि॥ थक्सुबाहाॽओबा मा सुहाङ्मिबा यहिएल नु सुहाङ्युक्पा मासेयाहःल्ले़ याम्नाःत्निःत् कुइसिक् कुलुप् कुलुप् चोगे़सुआङ् हाङ्ङिल्ले़ लत्छा कुसुहाङ्युक्पा हनन्याहरे़ कुयुक्को कन्हाॽ मे़वये़र याःन्दे़सुसि॥
इस्राइलिहाॽ हाङ्वागे़न् मुॽइसाम् पिमासि पोङ्ॽ फाॽआङ् यहवे दाङ्बे़ल्ले़ कुसे़वारोबा मोसाःल्ले़ तगिए इङ्जाङ् पिरुसिबा कुइसिक्, वेॽ लाजेॽबा, आप्फेक् लाजेॽबा, के़रे़क् इस्राइलिहाॽ, खे़ङ्हाॽरे़ खुन्छिॽ साम्योसिक्साम्बाहाॽ, युक्साबाहाॽ, खासे़न्लोःम्बाहाॽ खे़ङ्हाॽनु सोसोरिक् यहवे दाङ्बे़ल्ले़ कुमाङ्हुप् सन्दोक् के़बङ्बा ले़बि निङ्वाॽफुसाम्बाहाॽरे़ खुनिॽ तगि सन्दोक् नाहाङ् कत्नाहाङ् कुभ्रे़ःङ् एबाल कोःक्मा तगि नु वेॽ कुभ्रे़ःङ् गिरिज्जिम कोःक्मा तगि मे़ये़म्सिङ्॥
कल्ले़चोगुल्ले़ आङ्गाॽ खिनिॽ थाःक्थक्माबा कुधे़गेक् मनाहाॽ सेगुङ्सिङ्॥ खे़ङ्हाॽ के़रे़क् खासिङ् के़निःप्पा नु मिङ्सो इङ्धाङ्साबा मना मे़वये़, खे़ब्याङ् खिनिॽ थाःक्थक्माबा मनाहाॽरे़ लागि खे़ङ्हाॽ हे़न्छिङ्, किप् थिक्, ङाबोङ् नु थिबोङ्ले़ लागि लाम्लोबा सेःन्दुङ्सिङ्॥ थाःक्थाःक्ले़ लागि थाःक्लाम्लोबाहाॽआङ् सेःन्दुङ्सिङ्॥
खे़ब्याङ् यहवे दाङ्बे़ल्ले़ मोसान् मे़त्तु, “इस्राइलिहाॽओ नुबोङ् लाम्लोबाहाॽ फुक्खे़से़ॽ, खे़ङ्हाॽ मनाहाॽओ लाम्लोबा नु युक्साबा मे़वाॽ के़लॽबा खे़ने़ॽ के़निसुॽ, हे़क्क्याङ् खे़ङ्हाॽ तुम्मादे़न् साःङ्गाहिम्मो आङ्गाॽओ तारे़से़ॽ, खे़ब्याङ् खे़ङ्हाॽ खे़प्मो खे़ने़ॽनु सोरिक् मे़ये़प्ल॥
यहवे दाङ्बे़ल्ले़ मे़त्तु, “मिस्र लाजेॽओ आङ्गाॽ आमनाहाॽ साॽरिक् ताप्फे़ःल्लिक् मे़मे़त्तुसिआङ् तुक्खे मे़जाःत्तुसिर मे़याक्, खे़न् आङ्गाॽ निसुङ्ङाङ् वाॽ॥ याःम्बक्को मना के़भम्बा मिस्रिहाॽरे़ खुन्छिॽ हुक्कोलाम् से़म्मारे़ लागि खे़ङ्हाॽरे़ खुन्छिॽ पेलिन् आङ्गाॽ खे़प्सुङ्ङाङ् वाॽ॥ खे़ङ्हाॽरे़ खुनिॽ तुक्खेन् नु के़साक्पा मे़दुमुबान् आङ्गाॽ कुसिङ् निःत्तुङ्ॽ॥
कल्ले़चोगुल्ले़ खे़ङ्हाॽरे़ खुन्छिॽ सम्धाङ् मिस्रबा मना याःम्बक्को के़भम्बा साॽरिक् कुॽइगे़भे़म्बाहाॽ मुरा मे़मे़त्तुसि, खे़ङ्हाॽरे़ खुन्छिॽ साॽरिक् किप्मा के़घुबा नु के़साक्पा याःम्बक् चोःक्मा मे़बाङ्घुसिआङ् खुन्छिॽ निङ्साङ् साक्ख्रिक् पुगे़र मे़याःन्दुसि॥ हाङ् चिगक्वा फुङ्मा युङ्मारे़ लागि इस्राइलिहाॽरे़ पिताम नु रामसेस ये़क्यक्हाॽ मे़जोगु॥
Piblisite