लाम्‍दिक् 4:20 - लिम्‍बु

²⁰ कल्‍ले़चोगुल्‍ले़ मोसाःल्‍ले़ खुने़ॽ कुमेत् नु कुस्‍साहाॽ लत्‍छा अदङ्‌ङो युक्‍खुसि हे़क्‍क्‍याङ् निङ्‌वाॽफुमाङ्‌ङिल्‍ले़ कुदक्‍काःत्तिन् कुहुक्‍को याङ्‌सिङ्‌ङाङ् खुने़ॽ मिस्र ले़प्‍माङ् थासिङ्॥

लाम्‍दिक् 4:20 Referans Kwoze

लाम्‍दिक् 17:9

मोसाःल्‍ले़ यहोसुन् मे़त्तु, “आनिॽ लागि मनाहाॽ सेगे़से़ॽआङ् अमाले़किहाॽनु थङ् चोःक्‍से़ पेगे़ॽ॥ ताःन्‍दिक् यहवे दाङ्‌बे़ल्‍ले़ कुदक्‍काःत्तिन् आहुक्‍को याङ्‌सिङ्‌ङाआङ् कोःक्‍माल्‍ले़ कुसम्‍धाङ् आङ्‌गाॽ ये़प्‍पा॥”

खानिःत् 20:11

हे़क्‍क्‍याङ् मोसाःल्‍ले़ कुहुक्‍किन् फोःक्‍खुआङ् निरे़ङ् कुदक्‍काःत्तिल्‍ले़ याक्‍पेन् हिप्‍तु॥ खे़ब्‍याङ् खे़प्‍मोलाम् फजङ्‌जङ् लॽरिक् वे़त्ते़सरे़ च्‍वाःत् फक्‍ते़लःन्‍दे़, हे़क्‍क्‍याङ् सङ्‌जुम्‍भो नु पित् थक्‍साहाॽरे़ मे़धुङु॥

लाम्‍दिक् 4:2

यहवे दाङ्‌बे़ल्‍ले़ सेःन्‍दोसु, “खे़ने़ॽ के़हुक्‍को थे़माःन् के़गत्तुॽ?” खे़ल्‍ले़ पाःत्तुॽ, “तक्‍कात्॥”

लाम्‍दिक् 4:17

कर कन् तक्‍काःत्तिन् खे़ने़ॽ के़हुक्‍कोए तेॽरे़आङ् पेगे़ॽ॥ खे़ने़ॽ कन् तक्‍काःत्तोलाम् निङ्‌वाॽ के़माबा मिक्‍सेःन्‍हाॽ के़जोगुरो॥”

सेःक्‌युक्‍मिबाहाॽ 7:29

कन् पाःन्‍निन् खे़प्‍सुआङ् मोसारे़ इङ्‌गाॽ मिस्रिःन् से़रुङ्‌बा पाःन्‍निन्‍नाङ् वेॽ मनाहाॽरे़ निङ्‌वाॽ मे़घोसुबिला लॽरिक् निङ्‌वाॽ इतुर किसे़आङ् मिस्रलाम् मिद्‌यान लाजेॽओ खे़त्‍छिङ् पेआङ् खे़प्‍मोए वाॽमा हेःक्‍ते़, हे़क्‍क्‍याङ् खे़प्‍मोए मेःक्‍खिम् चोगुआङ् ने़प्‍फु कुस्‍साआङ् पोःक्‍खे़त्‍छिरो॥

लाम्‍दिक् 2:22

सिप्‍पोराःल्‍ले़ ये़म्‍बित्‍छा साधिक् कत्तु, हे़क्‍क्‍याङ् मोसाःल्‍ले़ खे़न् गेर्सोम मिङ् वाःत्तु, थेआङ्‌भे़ल्‍ले़ खुने़ॽ पाःत्तु, “आङ्‌गाॽ वेॽ लाजेॽओ वे़प्‍मिबा पोःक्‍खाङ्‌ङाङ् युङ्‌ङा॥”

लाम्‍दिक् 14:16

खे़ने़ॽ के़दक्‍काःत्तिन् फोःक्‍खे़ॽआङ् वरःङ्‌ङिल्‍ले़ कुसम्‍धाङ् सन्‍छे़ॽ॥ च्‍वाःत्तिन् कुलक् ने़त्‍छि पोङ्‌ङाङ् एॽए से़न् हे़क्‍क्‍याङ् इस्राइलिहाॽ से़ङ्‌से़ङ्‌बा खाम्‍बाङ्‌ङो वरःङ्‌ङिल्‍ले़ कुलुम्‍मो पोङ्‌माआङ् पेःक्‍मा मे़सुक्॥

लाम्‍दिक् 18:6

यित्रोःल्‍ले़ मोसान् अक्‍तङ्‌बा इङ्‌घङ् हाक्‍तुआङ् वये़, “आङ्‌गाॽ खे़ने़ॽ के़न्‍नुःप्‍पे़न् खे़ने़ॽ के़मेःत् सिप्‍पोराःन् नु ने़प्‍फु के़स्‍सा ये़म्‍बित्‍छाहाॽ फे़त्तुङ्‌सिङ्‌ङाङ् खे़ने़ॽओ फे़न्‍नार पत्ता॥”