लाम्‍दिक् 39:13 - लिम्‍बु

¹³ हे़क्‍क्‍याङ् लिसिगेक्‍पा कुदिःक्‍लाओ, नुधि चाःम्‍बा मुधिङ्‌लुङ्, अनिक्‍स मुधिङ्‌लुङ् नु अम्‍अम् के़लॽबा मुधिङ्‌लुङ् पत्‍छे़॥

लाम्‍दिक् 39:13 Referans Kwoze

सुफो 21:20

ङासिगेःक्‍पे़न् मुधिङ्‌लुङ्, तुक्‍सिगेःक्‍पे़न् लुङ्‌से़रुम्‍बा, नुसिगेःक्‍पे़न् अम्‍ले़ङ्‌लुङ्, ये़त्‍छिगेःक्‍पे़न् लुङ्‌मिङ्, फाङ्‌सिगेःक्‍पे़न् कुरिङ्‌लुङ्, थिबोङ् सिगेःक्‍पे़न् कुहिःक्‍लुङ्, थिक्‍थिक् सिगेःक्‍पे़न् फुःत्ताङ्‌लुङ्, हे़क्‍क्‍याङ् थिक्-ने़त् सिगेःक्‍पे़न् हे़ःक्‍कङ्‌लुङ्‌ङिल्‍ले़न् मे़जोगुआङ् वये़रो॥

लाम्‍दिक् 28:11

माङ्‌लुङ् के़लक्‍पा चबेगुःल्‍ले़ आक्‍खेलॽरिक् लक्‍तु, हे़क्‍केलॽरिक्‍के खे़न् ने़प्‍माङ् माङ्‌लुङ्‌हाॽओ इस्राइलबा ये़म्‍बित्‍छा साहाॽरे़ खुन्‍छिॽ मिङ्‌हाॽ लक्‍ते़ॽ॥ खे़ब्‍याङ् खे़ने़ॽ नुबा साम्‍म्‍याङ् कुयुङ्‌मादे़न्‍नो खे़न् माङ्‌लुङ्‌हाॽ फम्‍मा पाङ्‌घे़से़ॽ॥

लाम्‍दिक् 39:12

सुम्‍सिगेक्‍पा कुदिःक्‍लाओ माक्‍कुम् के़लॽबा कुहे़ःत्‍ला मुधिङ्‌लुङ्, वरे़ङ्‌ले़ङ्‌बा कुहिःक्‍ला कुहे़ःत्‍ला मुधिङ्‌लुङ् नु पारान्‍ला चाःम्‍बा मुधिङ्‌लुङ् पत्‍छे़॥

लाम्‍दिक् 39:14

खे़न् मुधिङ्‌लुङ्‌हाॽ इस्राइलबा ये़म्‍बित्‍छा साहाॽरे़ खुन्‍छिॽ मिङ्‌हाॽ कुइसिक् थिबोङ्‌ङाङ् ने़त्‍छि वये़॥ के़रे़क्‍को एःप्‍साप्‍पो लक्‍मनाबा कुइसिक् थिबोङ्‌ङाङ् ने़त्‍छि थाःक्‍हाॽओबा लत्‍छा मुधिङ्‌लुङ् थक्‍मा लत्‍छा लत्‍छा मिङ् पत्‍छे़॥

सोलोमनरे़ कुसाम्‍लो 5:14

खुने़ॽ कुहुक्‍किन् कुइःत् के़दाबा चोक्‍लो हे़क्‍क्‍याङ् कुहुक्‍चोओ मुधिङ् युङ्‌मनाबा स्‍वागेःप्‍हाॽ वारुआङ् पत्‍लो॥ कुधक्‍किन् कुभिङ्‌लुङ् के़बप्‍पा तक्‍मिबाल्‍ले़ कुगेङ् हे़क्‍के वरे़ङ्‌ले़ङ् के़लॽबा चोक्‍लो॥

तोलिङ्‌सोमु 2:12

खे़न् लाजेॽओबा साम्‍म्‍याङ्‌ङिन् नुबा चोक्॥ खे़प्‍मो कुनाम्‍गे़नुॽबा आङ्‌घिक्‌वा नु ओनिक्‍स् मे़प्‍मनाबा माङ्‌लुङ् खोदे़त्॥

लाम्‍दिक् 28:9

“खे़ने़ॽ ने़त्‍छि अनिक्‍स माङ्‌लुङ्‌हाॽ याङ्‌सिङ्‌ङे़ॽआङ् खे़प्‍मो इस्राइलरे़ कुस्‍सा ये़म्‍बित्‍छाहाॽरे़ खुन्‍छिॽ मिङ्‌हाॽ लक्‍ते़ॽ॥

१ साप्‍मुःन्‍धुम् 29:2

आङ्‌गाॽ आसुक्‍सुक् थारिक् आनिङ्‌वाॽफुमाङ्‌ङिल्‍ले़ कुहिम्‍मिल्‍ले़ लागि साम्‍म्‍याङ् याःम्‍बक्‍ले़ लागि साम्‍म्‍याङ्, युप्‍पा याःम्‍बक्‍ले़ लागि युप्‍पा, कासाःल्‍ले़ लागि कासा, फे़न्‍जेल्‍ले़ लागि फे़न्‍जेॽ, सिङ्‌ले़ लागि सिङ्, हे़क्‍क्‍याङ् हिम्‍ले़ लागि मुधिङ्‌लुङ्, हिःक्‍कोःम्‍कोःम्‍बा मुधिङ्, साॽरिक् यरिक् लुङ्‌हाॽ नु के़रे़क् परिक्‍पा कुमे़न् के़घिःक्‍पा लुङ्‌हाॽ नु माङ्‌लुङ्‌हाॽ वे़त्ते़सरे़ लुप्‍सुङ्‌ङाङ् ने़रो॥

इजकिएल 1:16

काप्‍लोःक्‍हाॽ मुधिङ्‌लुङ्‌लाम् चोःक्‍मनाबा हे़क्‍के तिल्‍ले़क् तिल्‍ले़क् के़लॽबा चोगे़॥ के़रे़क् लिसि काप्‍लोःक्‍हाॽ लत्‍थिक् परिक्‍पा निमे़दे़त्ते़ हे़क्‍क्‍याङ् लत्‍थिक् परिक्‍ले़ मे़जोगुबा चोगे़, के़रे़क् काप्‍लोःक्‍हाॽ लुम्‍मो लत्‍छा लत्‍छा वेॽ काप्‍लोक् पत्‍छे़॥