लाम्दिक् 34:7 - लिम्बु7 खुने़ॽ हे़न्छिङ् हे़न्छिङ् मनाहाॽ लुङ्माॽ तुक्तुसि, हे़क्क्याङ् फे़न्याःम्बक्, पिफ्युङ् नु लायोन् ले़प्मि चोगुॽ॥ कर खुने़ॽ आप्तिक्साबान् आक्खे फाॽआङ्साङ् खुम्दिङ् पिरु॥ पाधे़बाहाॽरे़ मे़जोगुबा फे़न्याःम्बक्किल्ले़ कुले़क्वा खे़ङ्हाॽरे़ खुन्छिॽ साहाॽ, मे़न्छाॽहाॽ हे़क्क्याङ् सुम्सिगेक्पा लिसिगेक्पा थाःक् थारिक् खुम्दिङ् पिरुसिॽ॥” Gade chapit la |
लाम्दिक् 34:7
57 Referans Kwoze
“खे़ने़ॽ आनिगे निङ्वाॽफुमाङ्ने़रो! खे़ने़ॽग पयम् यम्बा, किप्मा के़घुबा नु मुक्के़गुबा निङ्वाॽफुमाङ्ने़रो! खे़ने़ॽ माङ्हुप् के़जोगुबान् आबाङे के़गे़त्तुरो, अस्सुरबा हाङ्हाॽरे़ आनिगे याप्मि खुम्मा मे़हेःक्तिगे़बा ये़म्माङ्धो आल्लो थारिक् आनिगे साॽरिक् तुक्खे च्ये़ॽइगे़आङ् वाॽरो! आनिगे हाङ्हाॽ, लाम्लोबाहाॽ, निङ्वाॽफुसाम्बाहाॽ, माङ्निङ्वाॽपान् के़बाःप्पाहाॽ, पाधे़बाहाॽ नु आनिगे के़रे़क् के़मनाहाॽरे़ तुक्खे तुमुम्बे़आङ् वाॽरो, आनिगे साॽरिक् तुक्खे चामनाआङ् वाॽ, खे़ने़ॽ निङ्वाॽ इःत्ते़ॽओ!
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
“खे़ल्ले़चोगुल्ले़ इङ्गाॽ खिनिॽ मे़त्निङ्, मे़न्छाम् याप्मिरे़ चोःक्मनाबा के़रे़क् लायो नु निङ्वाॽफुमाङ्ङिल्ले़ कुदक्ले़ङ्वाओ पाःप्मनाबा माङ्चे़ॽया पाःन्निल्ले़न् ले़प्मि खोमा सुक्ते़त्, कर सेसेमाङ्ङिल्ले़ कुदक्ले़ङ्वाओ पाःप्मनाबा माङ्चे़ॽया पाःन्निल्ले़न् ले़प्मि आप्फाल्ले़आङ् खोमे़दे़त्ने़न्लो॥
पोङ्मा के़इःप्पा पाःन्हाॽ पाःत्ते़म्मे़ॽओ, खे़न् ओसेःन्धाङ् चोगे़म्मे़ॽओ॥ खे़ङ्हाॽरे़ खुन्छिॽ लुम्मो आबाङे पान् मे़दङ्घुररो, यरिक् तङ्बे तगि कन् पाःन्निन् हाःत्ले़ पाःत्तुआङ् वये़बे? थे आङ्गाॽ यहवे दाङ्बे़ल्ले़ए मेःम्बि? आङ्गाॽनुःल्ले़ वेॽ हाःत्ताङ् निङ्वाॽफुमाङ् होप्लो॥ साम्योबा निङ्वाॽफुमाङ् नु से़न्लप्दाङ्बा, आङ्गाॽनुःल्ले़ वेॽ हाःत्ताङ् होप्लो॥
हे़क्केलॽरिक् लुते़न् ए़ल्ले़ङ्भे़ल्ले़ङ् नाम्देसिङ्ङाङ् यागे़ल्ले़, खे़न् ने़त्छि मनाहाॽरे़ खे़ल्ले़ कुहुक्किन् हे़क्क्याङ् खे़ल्ले़ कुमेःत्तिल्ले़ कुहुक्किन् हे़क्क्याङ् ने़प्मजाङ् कुस्साहाॽरे़ खुन्छिॽ हुक्हाॽ ते़म्से़छुआङ् ये़क्यक् लाःक्कात् लःत्ते़छुसि॥ यहवे दाङ्बाल्ले़ खे़ङ्हाॽ कुलुङ्माॽ स्याःत् मे़लॽरे़बाल्ले़ चोगुल्ले़ खुने़ॽ अक्खे चोगुबारो॥
खुने़ॽ पाःत्तु, “आङ्गाॽ खे़ने़ॽ के़बेसाङ्ङे आङ्गाॽ आगे़रे़क् नुबा पाःन्हाॽ ओःन्धाक्ने़, हे़क्क्याङ् खे़ने़ॽ के़बेसाङ्ङे ‘यहवे दाङ्बा’ मिङ्ङिन् उवा चोगुङ्ॽ॥ आत्तिन् आङ्गाॽ लुङ्माॽ तुक्मा निङ्वाॽ चोगुङ्ॽ आङ्गाॽ खे़न् लुङ्माॽ तुक्तुङ्ॽ॥ आत्तिन् आङ्गाॽ नुरिक् मे़प्मा निङ्वाॽ चोगुङ्ॽ, आङ्गाॽ खे़न् नुरिक् मे़त्तुङ्ॽ॥”
खुने़ॽ मे़त्तु, “आङ्गाॽ आदाङ्बारे़ के़निमो के़निङ्वाॽ के़दाबा पोःक्खाङ्ङाङ् वाॽआने़भग्र, यहवे दाङ्बाए, आङ्गाॽ पेलि फाक्ने़, यहवे दाङ्बान्ने आनिगे़नु सोरिक् लाङ्घेगे़ॽ॥ कन्हाॽ आधिङ्गानि मना मे़बोःक्खे़साङ् आनिगे फे़न्याःम्बक् नु लायोलाम् ले़प्मि आबिरे़ॽआङ् लक्खोबा कुइसिक् आबाङे के़माना हे़क्के आदाःक्ते़ॽओ॥”
खे़ने़ॽ के़से़वारोबान् नु के़मना इस्राइलिहाॽरे़ कन् ते़न्नो ले़प्माङ् मे़हिसिङ्ङाङ् तुवा मे़जोःक्किल्ले़ खे़ङ्हाॽरे़ खुन्छिॽ चुङ्जिगे़न् नःम्नःम्बा पेलिन् खे़प्से़ॽओ॥ खे़ने़ॽ के़युक्नादे़न् साङ्ग्राम्पेदाङ्लाम् खे़प्से़ॽओ, खम्भ्याङ् आल्ल खे़ने़ॽ के़घे़प्सुल्ले़, खे़ङ्हाॽ ले़प्मि पिरे़से़ॽओ॥
यहवे दाङ्बा ले़प्माङ् खिनिॽ के़नुःक्खिने़भग्र खिनिॽ फुॽनुसाॽहाॽ नु खिनिॽ साएहाॽ के़दे़म्बा के़देॽबाहाॽरे़ खे़ङ्हाॽ नुरिक् मे़मे़त्तुसि, हे़क्क्याङ् खे़ङ्हाॽ कन् लाजेॽओ मे़नुःङ् मे़भे़न्ॽ॥ थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन् के़नुॽबा नु लुङ्माॽ आदुक्तुक्पा चोक्॥ खिनिॽ खुने़ॽ ले़प्माङ् के़नुःक्खिने़भग्र खुने़ॽ खिनिॽलाम् मे़नुःङ्ने़न् मे़बेःक्ने़न्॥”
कर आङ्दिङ् के़लॽबे़ल्ले़ अक्खे चोगुररो, ‘चक्मे़ल्लॽए मनाहाॽ लुङ्माॽ के़दुक्पा, कुदोःप्मा खासे़न् के़लोःम्बा, हे़क्क्याङ् इक्सादिङ् खाम्बेःक्मो साम्योबा आङ्गाॽ यहवे दाङ्बान् खे़ल्ले़ कुसिङ् निःत्ताररो॥’ हाबा कन् पाःन्हाॽओ आङ्गाॽ आनिङ्वाॽ तारो, आङ्गाॽ यहवे दाङ्बान् पाराङ्ङाङ् वाॽआरो॥”
आल्ल खे़ने़ॽ साङ्ग्राम्पेदाङ्लाम् खे़प्से़आङ् खासे़न् चोगे़ॽओ॥ आप्तिक्साबे़न् आप्तिक्साबा लेःत्ते़ॽ हे़क्क्याङ् खे़ल्ले़ कुयाःम्बक्हाॽरे़ कुले़क्वा खुने़ॽए कुधे़गेःक्पो थासे़ॽर खे़ने़ॽ के़से़वारोबाहाॽरे़ खुन्छिॽ लुम्मो खासे़न् चोगे़ॽओ॥ कुदोःप्मान् कुदोःप्माए लेःत्ते़ॽओ, हे़क्क्याङ् खे़न् कुदोःप्मा कुयाःम्बक्कोए थधप् मे़ल्लॽए के़वाॽबा चोगे़ॽओ॥
आङ्गाॽ खिनिॽनु वाॽआरो हे़क्क्याङ् खिनिॽ ताङ्से़ःप्निङ्लो॥ आङ्गाॽग मे़न्छाम् सुवाङ्हाॽओ के़रे़क् पिसाङ् से़निङ्ङाङ् वयाङ्लो, खे़ङ्हाॽ के़रे़क् आङ्गाॽ युम्रे़क् मे़क्खुङ्सिङ्लो कर खिनिॽग आङ्गाॽ मे़मे़ङ्निङ्ङिन्लो॥ हे़क्केसाङ् आङ्गाॽ खिनिॽ खुम्दिङ् मे़म्बिएग मे़ले़त्निङ्ङिन्लो कर खुम्दिङ् पिनिङ्ङिल्ले़ कुदोःप्मा खासे़ःन्नो खुम्दिङ् पिनिङ्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥”
Piblisite