लाम्दिक् 34:6 - लिम्बु6 खे़न् एगाङ् यहवे दाङ्बे़न् खुने़ॽ कुबेसाङ्लाम् पोःक्खे़आङ् अक्खे के़लॽबा उवा चोगु, “यहवे दाङ्बा, यहवे दाङ्बान् मना साॽरिक् लुङ्माॽ के़दुक्पा नु के़नुॽबा निङ्वाॽफुमाङ्, हे़क्क्याङ् हने़ कुसिक् मे़म्बोःक्मनाबा नु साॽरिक् नासि के़धःप्पा चोक्, खे़ब्याङ् थधप् मे़ल्लॽमनाबा मिम् आमे़प्मे़प्पा नु नसाःन्साबा चोक्॥ Gade chapit la |
लाम्दिक् 34:6
47 Referans Kwoze
खिनिॽ चाङ्ङिन् थे़ःक्खे़म्मे़ॽआङ्ग मेःन्दुक्लो, कर खिनिॽ निङ्वाॽओ लायोलाम् हिन्दे़म्मे़ॽओ हे़क्क्याङ् यहवे दाङ्बा खिनिॽ निङ्वाॽफुमाङ्ङो नुःक्खे़म्मे़ॽओ॥ थेआङ्भे़ल्ले़ खुने़ॽ कुलुङ्माॽ स्याःत् के़लॽबा, साॽरिक् के़नुॽबा, हारा कुसिक् मे़म्बोःक्मनाबा नु लुङ्माॽ आदुक्तुक्पा चोक्लो, खम्भ्याङ् खुने़ॽ तुक्खे लाक्खे तारुल्ले़ कुनिङ्वाॽ तुक्लो॥
खे़ङ्हाॽरे़ के़इङ्जाङ्ङिन् इःप्मा नाःप्मा मे़न्दे़न्दे़न्लो, हे़क्क्याङ् खुन्छिॽ मे़निसुर के़जोगुबा के़रे़क् के़याःम्बक्हाॽ नु निङ्वाॽ के़माबा के़याःम्बक्हाॽ खे़ङ्हाॽरे़ निङ्वाॽ मे़भेःत्छुरो॥ खे़ङ्हाॽ आबाङे आङ्दिङ् मे़लॽरे़आङ् याम्मो मिस्र लाजेॽओ योक् पोङ्से़ नुःङ्मा पेःक्मा फाॽआङ् खे़ङ्हाॽरे़ लाम्लोबाधिक् मे़सेगुरो॥ कर खे़ने़ॽ ले़प्मि के़बिबा निङ्वाॽफुमाङ्ने़रो, लुङ्माॽ आदुक्तुक्पा नु नुरिक् आमे़प्मे़प्पा हे़क्क्याङ् हारा कुसिक् मे़म्बोःक्मनाबा निङ्वाॽफुमाङ्ने़रो, खे़ने़ॽ साॽरिक् लुङ्माॽ आदुक्तुक्पा के़जोःक्लो, खे़ङ्हाॽ के़न्नाॽरुन्सिन्लो॥
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
यहवे दाङ्बा ले़प्माङ् खिनिॽ के़नुःक्खिने़भग्र खिनिॽ फुॽनुसाॽहाॽ नु खिनिॽ साएहाॽ के़दे़म्बा के़देॽबाहाॽरे़ खे़ङ्हाॽ नुरिक् मे़मे़त्तुसि, हे़क्क्याङ् खे़ङ्हाॽ कन् लाजेॽओ मे़नुःङ् मे़भे़न्ॽ॥ थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन् के़नुॽबा नु लुङ्माॽ आदुक्तुक्पा चोक्॥ खिनिॽ खुने़ॽ ले़प्माङ् के़नुःक्खिने़भग्र खुने़ॽ खिनिॽलाम् मे़नुःङ्ने़न् मे़बेःक्ने़न्॥”
आङ्गाॽ के़सेसे हिम्ले़प्माङ् हिसिङ्ङाआङ् से़वा चोःक्कारो, हे़क्क्याङ् खे़ने़ॽ चक्मे़ल्लॽए आनिगे याप्मि लुङ्माॽ के़दुक्पा नु नसाःन्साबा के़जोःक्पाल्ले़ चोगुल्ले़ आङ्गाॽ मिङ्सो इङ्धाङ् पिने़रो, थेआङ्भे़ल्ले़ खे़ने़ॽ के़मिङ्ङिन् नु के़बाःन्जाःक्किन् के़रे़क् पाःन्हाॽनुःल्ले़आङ् यम्बा चोक् फाॽआङ् खे़ने़ॽ ओसेःन्दाङ् के़जोगुआङ् वाॽरो॥
खे़न् ये़म्मो खिनिॽ अक्खे के़बाःत्तुम्लो, “यहवे दाङ्बान् नुगे़न् पिरे़म्मे़ॽओ, खुने़ॽ पयम् यम्बा चोक् फाॽआङ् यम्बा इक्लाओ इङ्भोसे़म्मे़ॽओ॥ खुने़ॽ चोगुबा याःम्बक्किन् इक्सादिङ् खाम्बेःक्कोबा मे़न्छाम् सुवाङ्हाॽ चे़क्ते़म्सिम्मे़ॽओ, हे़क्क्याङ् खुने़ॽ कुमिङ्ङिन् के़रे़क्नुःल्ले़ यम्बा पोःक्खे़आङ् वाॽ फाॽआङ् उवा चोगे़म्मे़ॽओ॥
यहवे दाङ्बे़ल्ले़ मे़त्तु, “कोःक्माओ पेगे़ॽआङ् यहवे दाङ्बे़ल्ले़ कुदगि ये़बे़ॽ, थेआङ्भे़ल्ले़ यहवे दाङ्बे़न् खे़प्मोलाम् पेःक्मा चोःक्ल पत्॥” खे़ब्याङ् यहवे दाङ्बे़ल्ले़ कुदगि कुदगि लत्छा साॽरिक् यम्बा नु के़इक्सिङ्बा सुरित् केजङ्ङिन् कोःक्माहाॽ हे़रुर हे़क्क्याङ् याक्पेॽहाॽ खे़रुर खइक् खइक् इक्सिङ्भे़रे़, कर सुरित् केजङ्ङो यहवे दाङ्बे़न् होःप्ते़॥ सुरित् केजङ् हुःक्ते़बा एगाङ् लुप्लि थाङे़, कर लुप्लिओ यहवे दाङ्बे़न् मे़वये़ने़न्॥
आत्तिन् नावाइत्लाःन्नाङ् खिनिॽ से़वा मे़मे़त्ते़म्मिन्ने़ॽ हे़क्क्याङ् खिनिॽ खे़न् माङ्से़वाआङ् मे़मे़त्ते़म्मिन्ने़ॽ थेआङ्भे़ल्ले़ आङ्गाॽ यहवे दाङ्बाआ॥ खिनिॽ वेॽ माङ्ङिन् माङ्से़वा के़मे़त्तुम्मिल्ले़ आङ्गाॽ नासि मे़धःत्तान्॥ आङ्गाॽ याप्मि के़जिःप्पाहाॽ खुन्छिॽ मुॽइदाङ्साहाॽरे़ खुन्छिॽ सुम्सिगेक्पा नु लिसिगेक्पा थाःक् थारिक् खुम्दिङ् पिरुङ्सिङ्ॽ॥
खुने़ॽ पाःत्तु, “आङ्गाॽ खे़ने़ॽ के़बेसाङ्ङे आङ्गाॽ आगे़रे़क् नुबा पाःन्हाॽ ओःन्धाक्ने़, हे़क्क्याङ् खे़ने़ॽ के़बेसाङ्ङे ‘यहवे दाङ्बा’ मिङ्ङिन् उवा चोगुङ्ॽ॥ आत्तिन् आङ्गाॽ लुङ्माॽ तुक्मा निङ्वाॽ चोगुङ्ॽ आङ्गाॽ खे़न् लुङ्माॽ तुक्तुङ्ॽ॥ आत्तिन् आङ्गाॽ नुरिक् मे़प्मा निङ्वाॽ चोगुङ्ॽ, आङ्गाॽ खे़न् नुरिक् मे़त्तुङ्ॽ॥”
खे़ने़ॽ के़से़वारोबान् नु के़मना इस्राइलिहाॽरे़ कन् ते़न्नो ले़प्माङ् मे़हिसिङ्ङाङ् तुवा मे़जोःक्किल्ले़ खे़ङ्हाॽरे़ खुन्छिॽ चुङ्जिगे़न् नःम्नःम्बा पेलिन् खे़प्से़ॽओ॥ खे़ने़ॽ के़युक्नादे़न् साङ्ग्राम्पेदाङ्लाम् खे़प्से़ॽओ, खम्भ्याङ् आल्ल खे़ने़ॽ के़घे़प्सुल्ले़, खे़ङ्हाॽ ले़प्मि पिरे़से़ॽओ॥
आत्तिल्ले़ कन् लाजेॽओ हाङ्वागे़न् मुॽइसाम्मिन् उवा चोगुॽ, खे़ल्ले़ से़क्खाबा निङ्वाॽफुमाङ्ङिल्ले़ कुमिङ्ङो अक्खे चोगुरो, हे़क्क्याङ् कन् लाजेॽओ माङ्गे़हे़क्सिङ्बे़ल्ले़ निङ्वाॽफुमाङ्ङिल्ले़ कुमिङ्ङो माङ्हे़क्सिङ्लो, थेआङ्भे़ल्ले़ तगिबा तुक्खेहाॽ माबेःक्काङ् निङ्वाॽ मुःन्लो॥”
कर आङ्दिङ् के़लॽबे़ल्ले़ अक्खे चोगुररो, ‘चक्मे़ल्लॽए मनाहाॽ लुङ्माॽ के़दुक्पा, कुदोःप्मा खासे़न् के़लोःम्बा, हे़क्क्याङ् इक्सादिङ् खाम्बेःक्मो साम्योबा आङ्गाॽ यहवे दाङ्बान् खे़ल्ले़ कुसिङ् निःत्ताररो॥’ हाबा कन् पाःन्हाॽओ आङ्गाॽ आनिङ्वाॽ तारो, आङ्गाॽ यहवे दाङ्बान् पाराङ्ङाङ् वाॽआरो॥”
“यहवे दाङ्बा, आन्दाङ्बा अब्राहाम्मिल्ले़ कुनिङ्वाॽफुमाङ्ङिल्ले़ कुनारा पोररो, खुने़ॽ थधप् मे़ल्लॽमनाबा मिःम्जि नु नसाःन्साःन्बा चोःक्पा पाःन्निन् आन्दाङ्बान् ओसेःन्धाक्तुआङ् वाॽ॥ आङ्गाॽग यहवे दाङ्बाल्ले़ए लाम्मो तिःक्ताङ्ल आन्दाङ्बाल्ले़ कुगाॽइल्ले़ कुहिम्मो ताराङ्ङाङ् वाॽआरो॥”
Piblisite