लाम्‍दिक् 34:3 - लिम्‍बु

³ आत्तिन् मनाहाॽआङ् खे़ने़ॽनु मे़न्‍धाङ्‌ने़न्‍ल, हे़क्‍क्‍याङ् कोःक्‍माओबा आत्तिन् ते़न्‍नोआङ् ओःन्‍मे़न्‍धाक्‍सिङ्‌ङिन्‍ल॥ आत्तिन् मे़ल्‍लुक् मे़ःन्‍दाक् इग्र थक्‍सा पित्‍हाॽआङ् कोःक्‍माल्‍ले़ कुदगि ले़प्‍माङ् चामे़ल्‍लाम्‍ने़ल्‍ल॥”

लाम्‍दिक् 34:3 Referans Kwoze

लाम्‍दिक् 19:21

हे़क्‍क्‍याङ् यहवे दाङ्‌बे़ल्‍ले़ मोसान् मे़त्तु, “खे़ङ्‌हाॽरे़ इःन्‍दोन् मे़गाःक्‍तुआङ् मे़म्‍बेःक्‍ने़ल्‍ल हे़क्‍क्‍याङ् ओमे़म्‍मे़त्तान्‍ल फाॽआङ् खे़ने़ॽ यो थासिङ् पेगे़ॽआङ् खे़ङ्‌हाॽ मे़त्ते़से़ॽ॥ मेःन्‍ने़भग्र खे़ङ्‌हाॽ यरिक्‍तङ्‌बा मे़सिरो॥

हिब्रु 12:20

थेआङ्‌भे़ल्‍ले़ “कन् कोःक्‍मान् के़सुबा आत्तिन् थक्‍साःन्‍छाङ् लुङ्‌ङिल्‍ले़ ले़प्‍ते़म् से़रे़म्‍मे़ॽ” के़लॽबा इङ्‌जाङ्‌ङिन् खे़ङ्‌हाॽरे़ थःप्‍मा मे़न्‍छुक्‍तुन्‍लो॥

१ तिमोथि 2:5

थेआङ्‌भे़ल्‍ले़ निङ्‌वाॽफुमाङ्‌ङिङ्‌ग थिक्‍लक् वाॽरो॥ हे़क्‍क्‍याङ् निङ्‌वाॽफुमाङ्‌ङिन् नु मे़न्‍छाम् याप्‍मिलुम्‍मो पाःन्‍दङ्‌साबान्‍नाङ् थिक्‍लक् वाॽरो॥ खे़न् पाःन्‍दङ् के़जोःक्‍पा मनाःङ्‌ग ख्रिस्‍त ये़सुरो॥

ले़बि 16:17

आल्‍ल हारुने़न् लायोलाम् ले़प्‍मि नाःक्‍मारे़ लागि साॽरिक् सेसेबादे़न्‍नो लाःत्, हे़क्‍क्‍याङ् खुने़ॽ आबाङे लागि, खुने़ॽ आबाङे कुहिम्‍सयङ्‌ले़ लागि नु इस्राइलबा के़रे़क् सङ्‌जुम्‍भोहाॽरे़ लागि लायोलाम् ले़प्‍मि नाःक्‍तुआङ् मे़न्‍नुःङ् मे़ल्‍लःन्‍ने थारिक् तुम्‍मादे़न् साःङ्‌गाहिम्‍मो हाःत्ताङ् मे़लाःत्‍ने़न्‍ल॥