लाम्‍दिक् 34:25 - लिम्‍बु

²⁵ “आङ्‌गाॽओ के़दोःन्‍दुम्‍बा वयागे़न् सिदुङ्‌जभाःल्‍ले़ कुमाक्‍खिन् के़भङ्‌बा सिदाॽ याक्‍मनाबा खरे़ःङ्‌ङिन्‍नु मे़दोःन्‍दे़म्‍मिन्‍ने़ॽ, हे़क्‍क्‍याङ् के़भङ्‌बा सिदाॽ मे़न्‌याक्‍केबा खरे़ःङ् चामा तङ्‌नाम्‍मो सिदुङ्‌जभा तोःम्‍मनाबा थक्‍साःल्‍ले़ कुभा थेआङ् तानाम् थारिक् मे़गत्ते़म्‍मिन्‍ने़ॽ॥

लाम्‍दिक् 34:25 Referans Kwoze

लाम्‍दिक् 23:18

“वयागे़न् सिदुङ्‌जभा तोःम्‍मनासिबा थक्‍सा माक्‍खिॽइन्‍नु सोरिक् के़भङ्‌बा सिदाॽ याक्‍मनाबा खरे़ःङ् मे़दोःन्‍दे़म्‍मिन्‍ने़ॽ॥ “कन् तङ्‌नाम्‍हाॽओ वयागे़न् सिदुङ्‌जभा तोःम्‍मनासिबा थक्‍साहाॽरे़ खुन्‍छिॽ सोःत्तिन् कुदाःन्‍दिक्‍मा तानाम् थारिक् याःक्‍ल मे़जोगे़म्‍मिन्‍ने़ॽ॥

लाम्‍दिक् 12:10

साःल्‍ले़ कुलक्‍हाॽ तानाम् थारिक् कुधेथिक्‍काङ् मे़नन्‍छे़म् मे़युक्‍खे़म्‍मिन्‍ने़ॽ, कर कुभा नरे़ने़भग्र मिओ खे़न् ओॽरे़म् तेसे़म्‍मे़ॽ॥

साम्‌योथिम् इङ् 16:3

खरे़ःङ् के़भङ्‌बा सिदाॽ याक्‍मनाबा खरे़ःङ्‌ङिन्‍नु खे़न् मे़जे़म्‍मिन्‍ने़ॽ॥ कर नुसि ये़न् थारिक् खरे़ःङ् के़भङ्‌बा सिदाॽ मे़न्‌याक्‍मनाबा खरे़ःङ् चे़म्‍मे़ॽ॥ कन् खरे़ःङ्‌ङिल्‍ले़ खिनिॽ तुक्‍खे के़ज्‍ये़ॽइबा ये़न्‍हाॽ ओसेःन्‍धाङ् चोगुॽ, थेआङ्‌भे़ल्‍ले़ मिस्रलाम् खिनिॽ हाराहारा के़लःन्‍दि के़भे़रि॥ मिस्रलाम् के़लःन्‍दि के़भे़रिबान् खिनिॽ हिङ्‌हिङ् निङ्‌वाॽ इःप्‍मा पोःक्‍खे़बाल्‍ले़ चोगुल्‍ले़ खिनिॽ कन् चामा पोःक्‍खे़बारो॥

खानिःत् 9:12

खे़ङ्‌हाॽरे़ कुदाःन्‍दिक्‍मा तानाम् थारिक् खे़न्‍लाम्‍बा कुभा थेआङ् मे़न्‍नन्‍छुन्‍ल॥ खे़ल्‍ले़ आत्तिन् कुये़प्‍पान्‍नाङ् मे़न्‍ए़क्‍खुन्‍ल॥ चोॽक्‌युम्‍भो खोमा तङ्‌नाम्‍बा के़रे़क् थिम् कुइसिक् खे़ङ्‌हाॽरे़ मे़दोसुर॥

ले़बि 7:15

नुगे़न् तोःम्‍मा तङ्‌जुम् सिदुङ्‌जभा सान् खे़न् तोःम्‍मनाबा ये़न्‍नोए चामा पोङ्‌ॽ, तानाम् थारिक् खे़ल्‍ले़ थे़माआङ् मे़नन्‍छुन् मे़युक्‍खुन्‍ल॥

लाम्‍दिक् 29:34

तोःम्‍मनाबा थुःम्‍बा सान् इग्र खरे़ःङ्‌हाॽ कुभा तानाम् थारिक् नन्‍ने़भग्र खे़न् के़नम्‍बा लक्‍किन् मिओ मिधिक्‍खे़देसे़ॽ॥ खे़न् चामा मे़नुॽने़न्, थेआङ्‌भे़ल्‍ले़ खे़न् सेसेबा चोक्॥

लाम्‍दिक् 12:20

कन् ये़न्‍हाॽओ खिनिॽ के़भङ्‌बा सिदाॽ के़याक्‍पा थे़माआङ् मे़जे़म्‍मिन्‍ने़ॽ॥ खिनिॽ आत्ति के़युङिसाङ् के़भङ्‌बा सिदाॽ मे़न्‌याक्‍केबा खरे़ःङ् चे़म्‍मे़ॽ नुसि ये़न् थारिक् आत्तिन्‍हाॽरे़आङ् खिनिॽ हिम्‍मो खरे़ःङ् के़भङ्‌बा सिदाॽ खोमे़दे़त्‍ने़न्‍ल॥”

लाम्‍दिक् 12:8

खे़ङ्‌हाॽरे़ हाबा खे़न् से़न्‍दिक् खे़न् सान् मे़ओॽरुआङ् के़भङ्‌बा सिदाॽ मे़म्‍भःन्‍नेबा खरे़ःङ्‌ङिन्‍नु मे़जर॥ के़घिःक्‍पा नुधिःन्‍नु खे़ङ्‌हाॽरे़ खे़न् मे़जर॥

मत्ति 13:33

ये़सुरे़ आल्‍लसाङ् वेॽसमा खे़दाॽइन् खे़ङ्‌हाॽ मे़त्तुसि, “साङ्‌ग्राम्‍पेदाङ्‌बा हाङ्‌जुम्‍मिङ्‌ग फे़ॽरुम्‍मो याक्‍मनाबा खरे़ःङ् के़भङ्‌बा सिदाॽइन् हे़क्‍तङ्‌बा चोक्‍लो॥ थिक् मे़न्‍छुमाॽइल्‍ले़ खप्‍प्‍याओ यरिक् फे़ॽरुम्‍मो मिसाक् सिदाॽइन् याक्‍तु, हे़क्‍क्‍याङ् सॽरु युक्‍खुआङ् मे़न्‌युप्‍पे थारिक् सुःप्‍तु युक्‍खुरो॥”

ले़बि 2:11

“‘यहवे दाङ्‌बे़ल्‍ले़ कुलागि खिनिॽ के़दोःन्‍दुम्‍बा आत्तिन् पोगुगे़न् कुजाःन्‍नाङ् के़भङ्‌बा सिदाॽ याक्‍मनाबा पोङ्‌मा मे़नुॽने़न्, थेआङ्‌भे़ल्‍ले़ यहवे दाङ्‌बे़ल्‍ले़ कुलागि मिओलाम् तोःम्‍मनाबा सिदुङ्‌जभाओ खिनिॽ के़भङ्‌बा सिदाॽ नु सक्‌वाघुन् मिमे़धिक्‍खे़म्‍मिन्‍ने़ॽ॥

साम्‌योथिम् इङ् 16:4

नुसि ये़न् थारिक् खिनिॽ लाजेॽओ खिनिॽ के़गत्तुम्‍बा खरे़ःङ् के़भङ्‌बा सिदाॽइन् खोमे़दे़त्‍ने़न्‍ल॥ थिक्‍सिगेक्‍पा ये़न्‍निल्‍ले़ याःन्‍दिक् युःन्‍छिक् खिनिॽ सिदुङ्‌जभा के़दोःन्‍दुम्‍बा थक्‍सा सान् हाबा खे़न् से़न्‍दिक्‍सा चाम्‍देसाम्‍मे़ॽ तानाम् थारिक् खे़न् मे़गत्ते़म्‍मिन्‍ने़ॽ॥