लाम्दिक् 34:23 - लिम्बु23 “कन् सुम्सि तङ्नाम्हाॽओ तङ्बेरे़ सुम्सिले़ङ् खिनिॽ के़रे़क् ये़म्बित्छाहाॽ इस्राइलबा निङ्वाॽफुमाङ् यहवे दाङ्बे़ल्ले़ कुदगि ओसेःन्मे़धाक्सिङ्ल॥ Gade chapit la |
लाम्दिक् 34:23
9 Referans Kwoze
आत्तिन् ते़न्निन् यहवे दाङ्बा खिनिॽ निङ्वाॽफुमाङ्ङिल्ले़ सेगुॽ, खे़प्मो तङ्बेरे़ सुम्ले़ङ् के़भङ्बा सिदाॽ मे़न्याक्मनाबा खरे़ःङ् चामा तङ्नाम्मो, ये़त्नाम्बा तङ्नाम्मो नु तक्तक्वा हिम् तङ्नाम्मो खिनिॽ के़रे़क् ये़म्बित्छा मनाहाॽ खुने़ॽ कुदगि ओःन्मे़धाक्सिङ्ल॥ यहवे दाङ्बे़ल्ले़ कुदगि आत्तिन्हाॽआङ् कुघाले़म् हुक् थेआङ् मेःन्ने ओःन्मे़न्धाक्सिङ्ङिल्ल॥
एल्कानान् तङ्बेधक्मा कुहिम्सयङ्नु सोरिक् मुक्साम्दाङ्बा निङ्वाॽफुमाङ्ङो माङ्से़वा चोःक्से़ हे़क्क्याङ् सिदुङ्जभा तोःन्छे़ रामाह पाङ्जुम्लाम् सिलो पेर वये़॥ खे़न् ये़म्मो एलिन् निङ्वाॽफुमाङ्ङो माङ्से़वा के़जोःक्पा निङ्वाॽफुसाम्बा वये़ हे़क्क्याङ् खुने़ॽ कुस्सा होप्निन् नु पिनहासे़न् खुने़ॽनु सोरिक् से़वा चोःक्मा के़भाॽबा निङ्वाॽफुसाम्बा वये़सि॥
मोसाःल्ले़ कुइङ्जाङ् कुइसिक् सबाथ, लादुप् नु तङ्बे थक्मा सुम्ले़ङ् सिदुङ्जभा तोमा के़बोङ्बा तङ्नाम्हाॽ, के़भङ्बा सिदाॽ मे़न्याक्केबा खरे़ःङ् चामा तङ्नाम्, ये़त्नाम्बा तङ्नाम् नु साःङ्गाहिम्मोबा तङ्नाम्मो थिक्याःन्धक् तोःम्मा के़बोङ्बा कुइसिक् मिधिङ्मनादेमनाबा वयागे़न् सिदुङ्जभाहाॽ खुने़ॽ तोःन्दु॥
“‘निःन्धो के़बोङ्बा तङ्नाम्हाॽओ लाजेॽओबा मनाहाॽ यहवे दाङ्बे़ल्ले़ कुदगि मे़दाःल्ले़, थाङ्गे़त् ले़प्माङ्बा यम्बा लाम्धेःप्पोलाम् माङ्से़वा चोःक्से़ सिगाङ् के़लाःप्पा मनाहाॽ लाङ्गे़त् पिसाङ्बा यम्बा लाम्धेःप्पोलाम् लाःक्कात् मे़लन् मे़बेःक्ल, हे़क्क्याङ् लाङ्गे़त् पिसाङ्बा यम्बा लाम्धेःप्पोलाम् सिगाङ् के़लाःप्पाहाॽ थाङ्गे़त् पिसाङ्बा यम्बा लाम्धेःप्पोलाम् लाःक्कात् मे़लन् मे़बेःक्ल॥ आत्तिन्नाङ् खुने़ॽ सिगाङ् लासे़ त्ये़बा लाम्धेःप्पोलाम् याम्मो नुःङ्मा मे़घोने़न्, कर थिक्नाहाङ् ले़प्माङ्बा लाम्धेःप्पोलाम् के़रे़क् लाःक्कात् लःम्मा पेःक्मा पोङ्ॽ॥
Piblisite