लाम्‍दिक् 34:2 - लिम्‍बु

² तानाम्‍सा यारिप् पोःक्‍खे़आङ् सिनै कोःक्‍माओ थोःक्‍सिङ्‌ङे़ॽ हे़क्‍क्‍याङ् कोःक्‍माल्‍ले़ कुसम्‍धाङ् आङ्‌गाॽ आबेसाङ् थाङे़ॽ॥

लाम्‍दिक् 34:2 Referans Kwoze

लाम्‍दिक् 19:20

हे़क्‍क्‍याङ् यहवे दाङ्‌बान् सिनै कोःक्‍माल्‍ले़ कुसम्‍धाङ् थासिङ् ये़, खे़म्‍ब्‍याङ् यहवे दाङ्‌बे़ल्‍ले़ मोसान् कोःक्‍माल्‍ले़ कुसम्‍धाङ् थो उःत्तु, हे़क्‍क्‍याङ् मोसान् थोःक्‍सिङ् पे॥

साम्‌योथिम् इङ् 9:25

यहवे दाङ्‌बे़ल्‍ले़ खिनिॽ मे़ङ्‌मा पान् पाःत्तुबाल्‍ले़ चोगुल्‍ले़ यहवे दाङ्‌बे़ल्‍ले़ कुदगि आङ्‌गाॽ लिबोङ् ये़न् से़न्‍दिक् ले़न्‍दिक् ने़स्‍साङ्‌गराङ्॥

लाम्‍दिक् 19:11

हे़क्‍क्‍याङ् सुम्‍सिगेक्‍पा ये़न्‍निल्‍ले़ लागि खे़ङ्‌हाॽ यारिप् मे़बोङ्‌ल, थेआङ्‌भे़ल्‍ले़ सुम्‍सिगेक्‍पा ये़न्‍नो कोःक्‍माओ के़रे़क् मनाहाॽरे़ मिक्‍किल्‍ले़ निसुरए यहवे दाङ्‌बान् युरो॥

लाम्‍दिक् 24:12

हे़क्‍क्‍याङ् यहवे दाङ्‌बे़ल्‍ले़ मोसान् मे़त्तु, “आङ्‌गाॽ वाॽआबा कोःक्‍माओ थाःङ् थाङे़ॽआङ् युङे़ॽ॥ खे़ने़ॽ खे़ङ्‌हाॽ हुॽमासिरे़ लागि आङ्‌गाॽ साप्‍तुङ्‌बा साम्‌योथिम् इङ्‌जाङ्‌ङिन् नु इङ्‌जाङ्‌हाॽ के़बप्‍पा लुङ्‌साप्‍हाॽ आङ्‌गाॽ खे़ने़ॽ पिने़॥”

लाम्‍दिक् 19:24

हे़क्‍क्‍याङ् यहवे दाङ्‌बे़ल्‍ले़ खुने़ॽ मे़त्तु, “पेगे़ॽ, खे़ने़ॽ आबाङे यो पेगे़ॽ, हे़क्‍क्‍याङ् हारुने़न्‍नु सोरिक् थाःङ् थोःक्‍सिङ् थाङे़ॽ॥ कर मनाहाॽ नु निङ्‌वाॽफुसाम्‍बाहाॽग आङ्‌गाॽओ इःन्‍दोन् मे़गाःक्‍तुआङ् मे़न्‍धाङ्‌ने़न्‍ल, मेःन्‍ने़भग्र आङ्‌गाॽ खे़ङ्‌हाॽ खिमो मे़क्‍खुङ्‌सिङ्‌ॽ॥”

लाम्‍दिक् 19:18

सिनै कोःक्‍मान् के़रे़क् मिःक्‍खोॽइल्‍ले़ थिम्‍सुआङ् पत्‍छे़ थेआङ्‌भे़ल्‍ले़ यहवे दाङ्‌बे़न् मिःल्‍ले़ कुसम्‍धाङ् खे़प्‍मो थासिङ् ये़आङ् वये़॥ मिःक्‍खुन् मिधुङ् मिराःक्‍कोबा मिःक्‍खुॽ कुइसिक् लःन्‍दे़आङ् पत्‍छे़॥ हे़क्‍क्‍याङ् के़रे़क् कोःक्‍मा फाङ्‌जङ्‌ङिन् थुरुप्‍लुप्‍ना यक्‍खे़॥