कर खे़ङ्हाॽरे़ कन् खासे़न्लोःम्बाहाॽरे़ खुन्छिॽ पाःन्हाॽआङ् मे़ङ्घे़प्सुन्॥ खे़ङ्हाॽ याम्बोःप्मा याःम्बक् के़जोःक्पा कुइसिक् वेॽ माङ्हाॽ से़वा मे़प्मासि नु खे़ङ्हाॽरे़ खुन्छिॽ तगि साबन् फन्छिङ्मा मे़हेःक्ते़॥ खे़ङ्हाॽरे़ खुन्छिॽ आबाङे पाधे़बाहाॽरे़ मे़नाःत्तु मे़दिम्दुबा निङ्वाॽफुमाङ्ङिल्ले़ कुइङ्जाङ्ङो लाङ्घेःक्मा लाम्मिन् हाराए मे़ले़रु मे़देसु॥
लाम्दिक् 34:15 - लिम्बु15 “सिङ्सिङ् ये़क्ये़क् लॽरे़म्मे़ॽ, खे़न् लाजेॽओबा मनाहाॽनु खिनिॽ तङ्मे मे़जोगे़म्मिन्ने़ॽ, मेःन्ने़भग्र खे़ङ्हाॽ खुन्छिॽ आबाङे माङ्हाॽ मे़दिम्दु मे़नाःत्तुसिआङ् निङ्वाॽओ याम्बोःप्मा याःम्बक् हे़क्तङ्बा मे़जोगुल्ले़ हे़क्क्याङ् खुन्छिॽ माङ्हाॽरे़ लागि वयागे़न् सिदुङ्सभा मे़जोगुल्ले़, खे़ङ्हाॽरे़ खिनिॽ के़म्उःत्तिॽ खे़ब्याङ् खिनिॽ खे़ङ्हाॽरे़ खुन्छिॽ सिदुङ्जभाहाॽ के़जाम्ॽ॥ Gade chapit la |
लाम्दिक् 34:15
36 Referans Kwoze
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
कर कन् पाःन्निङ्ग के़रे़क् मनाहाॽरे़ मे़ल्ले़स्सुन्लो॥ आल्लसाङ् कुभा मनाहाॽरे़ग उन्छेःन् नावाइत्लाहाॽ माङ्मे़घयुबाल्ले़ चोगुल्ले़ कुजा मे़जःल्ले़ खे़न् नावाइत्लाहाॽओ तोःम्मनाबान् मे़इःत्तुॽरो॥ हे़क्केलॽरिक् खुनिॽ खासिङ्ङिङ्ग के़धुम्बा मे़जोःक्ने़म्बाल्ले़ चोगुल्ले़ खासिङ्ङिन् आसुत्थो पोःक्खे़आङ् वाॽरो॥
खे़ङ्हाॽरे़ आल्ल मे़ःन्दा नारा नावाइत्लाहाॽ से़वा मे़म्मे़त्तुसिन्ल हे़क्क्याङ् खुन्छिॽ मे़दोन्दुबा सिदुङ्जभाःल्ले़ आङ्गाॽनु नसान् के़ले़ङ्बा चोगुसिआङ् याम्बोःप्मा याःम्बक् के़जोःक्पा हे़क्तङ्बा मे़जोगुसिन्ल॥ खे़ङ्हाॽ नु खे़ङ्हाॽरे़ खुन्छिॽ थाःक्थाःक्ले़ लागि कन् सदादिङ्बा थिम् पोङ्ल॥’
हे़क्केसाङ् खे़ने़ॽ के़दक्ले़ङ्वाओ इङ्गाॽ लत्छा पाःन्धिक् पाःप्माए पोङ्—खे़ने़ॽग इजेबेल मे़प्मनामा मे़न्छुमाॽइन् नासि के़धःत्तुआङ् के़वाॽरो॥ खे़ल्ले़ आबाङे निङ्वाॽफुमाङ्ङिल्ले़ माङ्निङ्वाॽपान् के़बाःप्माआ लॽरिक् मे़त्छिङ्लो॥ कर इङ्गाॽ आसे़वारोबाहाॽ याम्बोःप्मा याःम्बक् चोःक्मा नु नावाइत्लाहाॽओ तोःम्मनाबा चाहाॽ चामा हुॽरुसिआङ् इङ्ले़क्तुसि॥
इस्राइलए, वेॽ मे़न्छाम् सुवाङ्हाॽ हे़क्के मे़सःत्ते़म्मिन्ने़ॽओ, थेआङ्भे़ल्ले़ खिनिॽ आप्फेक् निङ्वाॽफुमाङ्ङिन् के़ले़रुम्माङ् खिनिॽ याम्बोःप्मा याःम्बक् के़जोगुम्लो! के़रे़क् पोगुगे़न् कुजा थाम्मादे़न्नो याम्बोःप्मा याःम्बक्किल्ले़ नालिगे़न् कुजे़न् ताःक्मा खिनिॽ सिराॽथाङ्लो॥
हे़क्क्याङ् यहवे दाङ्बा खिनिॽ निङ्वाॽफुमाङ्ङिल्ले़ खे़ङ्हाॽ खिनिॽ युक्को तारुसि के़बिरिॽ, खे़ब्याङ् खिनिॽ खे़ङ्हाॽ के़नाःन्दुम्सिम्बा मे़बोङ्ॽ, हे़क्केःल्ले़ खिनिॽ खे़ङ्हाॽ खक्पे़त् मे़क्खे़म्सिम्मे़ॽ॥ खिनिॽ खे़ङ्हाॽनु थे़मा पाःन्नोआङ् मे़दङ्ङासिम्मिन्ने़ॽ॥ खे़ङ्हाॽ लुङ्माॽ मे़दुक्ते़म्सिम्मिन्ने़ॽ॥
खे़ब्याङ् यहवे दाङ्बे़ल्ले़ मे़त्तु, “ओमे़त्ते़ॽ, खे़ने़ॽनु आङ्गाॽ लत्छा माङ्हुप् थिक् चोगुङ्ॽ॥ खे़ने़ॽ के़रे़क् के़मनाहाॽरे़ खुन्छिॽ तगि आङ्गाॽ साॽरिक् निङ्वाॽ के़माबा याःम्बक्हाॽ चोगुङ्ॽ, खे़न् निङ्वाॽ के़माबा याःम्बक्किन् इक्सादिङ् खाम्बेःक्मो आत्तिन्नाङ् मे़न्छाम् सुवाङ्हाॽओ आभे़ल्ले़आङ् मे़न्जोःक्के वाॽ॥ खे़ने़ॽ कन् मनाहाॽरे़ खुन्छिॽ लुम्मो के़युङ्ॽ, खे़ने़ॽ के़लागि आङ्गाॽ यहवे दाङ्बे़ल्ले़ लत्छा निङ्वाॽ के़माबा याःम्बक् चोगुङ्ॽ फाॽआङ् खे़ङ्हाॽरे़ मे़निसुॽ॥
आङ्गाॽ खे़ङ्हाॽ आत्तिन् लाम्मो लाङ्घेःक्मा इङ्जाङ् पिरुङ्सिङ्ङाङ् वये़, खे़ङ्हाॽरे़ खे़न् लाम्मिन् साॽरिक् हारा मे़ले़रुआङ् थिक्नाहाङ् मे़बेआङ् मे़वाॽ॥ खे़ङ्हाॽरे़ खुनिॽ लागि साम्म्याङ्ङिन् मे़योन्दुआङ् पित्सात्तिल्ले़ कुजइःत्तो नावाइत्ला मे़धगु हे़क्क्याङ् खे़न् माङ्से़वा मे़मे़त्तुआङ् मे़वा, खे़ब्याङ् खे़ल्ले़ए कुलागि सिदुङ्जभा मे़दोन्दुआङ् अक्खे मे़बाःत्तुआङ् मे़वाॽ, ‘इस्राइलिसे, मिस्रलाम् खिनिॽ के़लःप्पा के़भे़प्पा खिनिॽ माङ्ङिन् आम्भा कन्लो॥’”
खे़न् लाजेॽओबा मनाहाॽनु ते़न्धाम् मेःक्खिम् मे़जोगे़म्मिन्ने़ॽ हे़क्क्याङ् खे़ङ्हाॽ थोबो मे़बोङ्ल इग्र मे़नुॽमे़दार फाॽआङ् मे़भाॽराम्सिम्मिन्ने़ॽ हे़क्क्याङ्लक् खे़न् लाजेन् खिनिॽ युक्मा के़घोसुम्ॽ खे़ब्याङ् खिनिॽ मुॽइदाङ्साहाॽरे़ लागि खे़न् लाजेन् के़ने़सुम् के़धाम् फाॽआङ् खे़ङ्हाॽरे़ आनिगे मे़मे़त्तिगे़॥
Piblisite